Psonm
43 O Bondye, ziz mwan,
Pled dan mon faver kont en nasyon enfidel.
Delivre mwan dan lanmen sa dimoun ki koz manti e fer sa ki mal.
2 Parski ou mon Bondye, mon landrwa proteksyon.
Akoz ou’n rezet mwan?
Akoz mon bezwen mars dan latristes ler mon lennmi i fer mwan soufer?
3 Anvoy ou lalimyer ek ou laverite.
Ki zot gid mwan
E anmenn mwan kot ou montanny sen e ou gran tabernak.*
4 Alor mon pou vin kot lotel Bondye,
Kot Bondye, mon gran lazwa.
Mon pou loue ou avek larp, O Bondye, mon Bondye.
5 Akoz mon dezespere?
Kwa ki pe fatig mwan koumsa?
Mon pou esper Bondye,
Parski mon pou loue li konman mon Gran Sover e mon Bondye.