Psonm

85 O Zeova, ou’n demontre labonte dan ou pei.

Ou ti fer bann ki pour Zakob ki ti an egzil retournen.

 2 Ou ti pardonn fot ou pep,

Ou ti pardonn* tou zot pese. (Sela)

 3 Ou ti kontrol ou gran lakoler,

Ou ti aret ankoler.

 4 O Bondye nou Sover, demontre ou labonte anver nou*

E aret ankoler avek nou.

 6 Eski ou pa pou redonn nou lafors ankor

Pour ki ou pep i dan lazwa akoz ou?

 7 O Zeova, demontre ou lanmour fidel anver nou

E sov nou.

 8 Mon pou ekout sa ki sa vre Bondye Zeova i dir,

Parski i pou koz lo lape avek son pep, avek son bann serviter fidel.

Me pa les zot revin tro konfidan.

 9 Wi, i pare pour sov bann ki annan en gran respe pour li

Pour ki son laglwar i reste dan nou pei.

10 Lanmour* ek fidelite pou zwenn ansanm.

Ladrwatir ek lape pou anbras kanmarad.

11 Fidelite pou pouse lo later

E ladrwatir pou desann sorti dan lesyel.

12 Wi, Zeova pou donn sa ki bon,*

E nou pei pou donn son rekolt.

13 Ladrwatir pou mars devan li

E i pou fer en semen pour son lipye.