Psonm
95 Vini, annou kriy avek lazwa akoz Zeova!
Annou selebre akoz nou Ros ki sov nou.
2 Annou vin devan li* pour remersye li.
Annou sante e selebre akoz li.
3 Parski Zeova i en Bondye pwisan,
I en gran Lerwa par lao tou lezot bondye.
4 Bann landrwa pli fon lo later i anba son pouvwar*
E bann latet montanny i pour li.
5 I’n fer lanmer e lanmer i pour li.
I’n fer later avek son lanmen.*
6 Vini, annou ador e tonm azenou devan li.
Annou azenou devan Zeova sa Enn ki’n fer nou.
Ozordi si zot ekout son lavwa,
8 Pa les zot leker vin dir parey zot zanset ti fer Meriba,*
Parey ler zot ti Masa* dan dezer
9 E zot zanset ti teste mwan,
Zot ti provok mwan, menm si zot ti’n vwar sa ki mon ti’n fer.
10 Pour 40 an mon ti degout sa zenerasyon e dir:
“Zot en pep ki toultan swiv move dezir ki dan zot leker.
Zot pa’n arive konn mwan.”*
11 Alor, dan mon lakoler mon ti fer sa serman:
“Zot pa pou antre dan mon repo.”