Psonm

Zot bann serviter Zeova, loue li,

Loue non Zeova.

 2 Ki non Zeova i ganny loue

Depi la konmela e pour touzour.

 3 Depi soley leve ziska soley kouse,

Ki non Zeova i ganny loue.

 4 Zeova i par lao tou bann nasyon.

I annan plis laglwar ki lesyel.

 5 Lekel ki parey Zeova nou Bondye,

Sa enn ki reste* dan lesyel?

 6 I bese pour get lesyel ek later

 7 E i ed en malere ki pe asiz dan lapousyer.

I lev sa enn ki pov dan lasann*

 8 Pour fer li asiz avek bann dimoun enportan,

Avek bann dimoun enportan parmi son pep.

 9 I donn en lakaz en madanm steril

E fer li vin en manman zwaye akoz i annan zanfan.*