• “Akonpli ve ki ou’n fer”
    Latour Veyer (Letid)—2017 | Avril

    • 7. (a) Ki ve Ana ti fer e akoz? Ki ti arive apre? (b) Ki ti pou arive avek Samyel par sa ve ki Ana ti fer? (Vwar not.)

      7 Ana osi ti fer en ve avek Zeova pandan en moman difisil dan son lavi. I ti malere akoz i pa ti kapab fer zanfan e akoz i ti pe ganny provoke. (1 Samyel 1:4-7, 10, 16) I ti dir Zeova ki mannyer i ti santi e i ti fer sa promes: “[Zeova] Toupwisan! Si ou zet en regar lo ou servant, dan son leta mizer, si ou pran pitye e pa oubliy ou servant; si ou donn mwan en garson, mon pou konsakre li tou son lavi pour servi ou. Razwar pa pou zanmen pas lo son latet.”a (Vwar not.) (1 Samyel 1:11) Zeova ti ekout lapriyer Ana e son lannen apre i ti donn nesans en garson ki i ti apel Samyel. Ana ti vreman kontan! Me i pa ti oubliy son ve ki i ti fer avek Bondye. Ler son pti garson ti ne, i ti dir: “I ti avek Zeova ki mon ti demann li.”​—1 Samyel 1:20, NWT.

      Ana ti pare pour sakrifye son bann keksoz enportan pour li kapab gard son promes ki i ti’n fer avek Bondye