• Ou kapab vin zanmi Zeova
    Viv ere pour touzour!—En letid Labib enteraktif
    • Leson 8. En zonm ki pe asize lo en ban pe get dan lesyel.

      LESON 08

      Ou kapab vin zanmi Zeova

      Zeova i anvi ou konn li pli byen. Akoz? I swete ki ler ou aprann konn son personnalite, son fason fer keksoz e sa ki i anvi pour ou, ou pou anvi vin son zanmi. Me eski ou kapab vreman vin zanmi avek Bondye? (Lir Psonm 25:14.) Ki ou kapab fer pour vin zanmi avek li? Labib i reponn sa bann kestyon e i montre akoz ou lanmitye avek Zeova i sa lanmitye pli enportan ki ou kapab annan.

      1. Ki Zeova i envit ou pour fer?

      “Vin pros avek Bondye e i pou vin pros avek zot.” (Zak 4:8) Ki sa i vedir? Zeova pe envit ou pour vin son zanmi. Serten dimoun i kapab vwar li difisil pour vin zanmi avek Bondye akoz zot pa kapab vwar li. Pourtan, dan son Parol Labib, Zeova in dir nou tou sa ki nou bezwen konnen lo son personnalite pour nou kapab vin pros avek li. Ler nou lir sa mesaz ki Bondye in anvoy pour nou dan Labib, nou vin pli pros avek li menm si nou pa’n deza vwar li.

      2. Akoz Zeova i sa pli bon zanmi ki ou kapab annan?

      Napa personn ki pli kontan ou ki Zeova. I anvi vwar ou zwaye e i anvi ki ou koz avek li nenport ki moman ou bezwen led. Ou kapab “larg tou [ou] traka lo li akoz i enterese avek [ou].” (1 Pyer 5:7) Zeova in toultan pare pour siport, konsol e ekout son bann zanmi.​—Lir Psonm 94:18, 19.

      3. Ki Zeova i ekspekte avek son bann zanmi?

      Zeova i kontan tou dimoun, “me i bon zanmi avek dimoun ki fer sa ki drwat.” (Proverb 3:32) Zeova i ekspekte ki son bann zanmi i fer bann keksoz ki li i vwar i byen e evite fer bann keksoz ki i konsider konman mal. Serten dimoun i panse ki zot pa kapab arive fer tousala. Me Zeova i konpran nou. I aksepte tou dimoun ki vreman kontan Li e ki fer zot mye pour fer Li plezir.​—Psonm 147:11; Akt 10:34, 35.

      AL PLI O PROFON

      Aprann plis ankor ki mannyer ou kapab vin zanmi Zeova e vwar akoz i sa pli bon zanmi ki ou kapab annan.

      4. Abraam ti zanmi Zeova

      Zistwar Abraam dan Labib (ki ti osi apel Abram) i donn nou en lide ki savedir vin zanmi Bondye. Lir konsernan Abraam dan Zenez 12:1-4. Apre reponn sa bann kestyon:

      • Ki Zeova ti demann Abraam pour fer?

      • Ki Zeova ti promet li?

      • Ki mannyer Abraam ti reazir anver sa ki Zeova ti demann li pour fer?

      5. Ki Zeova i ekspekte avek son bann zanmi

      Normalman nou ekspekte serten keksoz avek nou bann zanmi.

      • Ki serten keksoz ki ou kontan ou bann zanmi i fer pour ou?

      Lir 1 Zan 5:3 e apre reponn sa kestyon:

      • Ki Zeova i ekspekte avek son bann zanmi?

      Pour nou obei Zeova, petet nou bezwen sanz nou konportman oubyen serten latitid dan nou personnalite. Lir Izai 48:17, 18 e apre reponn sa kestyon:

      • Akoz Zeova i demann son bann zanmi pour fer serten sanzman?

      En travayer pe donn en helmet avek en lot travayer.

      En bon zanmi pou rapel nou bann keksoz ki kapab protez nou e benefisye nou. Zeova i fer sanmenm pour son bann zanmi

      6. Ki Zeova i fer pour son bann zanmi

      Zeova i ed son bann zanmi pour fer fas avek zot problenm. Zwe sa VIDEO e apre reponn sa kestyon.

      VIDEO: Zeova in fer en kantite pour mwan (3:20)

      • Ki mannyer Zeova ti ed sa madanm dan video pour fer fas avek son santiman ek son panse negatif?

      Lir Izai 41:10, 13 e apre reponn sa bann kestyon:

      • Ki Zeova in promet pour fer pour tou son bann zanmi?

      • Eski ou krwar Zeova i kapab vin en bon zanmi pour ou? Akoz?

      Diferan portre: Bann zanmi pe ed kanmarad. 1. De dimoun pe ed kanmarad pour anmenn en latab. 2. En madanm pe dir son problenm avek en lot madanm. 3. En msye pe ed en dimoun ki mars avek bekiy.

      En zanmi pros i ed ou ler ou dan bezwen. Zeova pou ed ou li osi

      7. Kominikasyon i enportan pour vin zanmi avek Zeova

      Kominikasyon i fer en lanmitye vin pli for. Lir Psonm 86:6, 11 e apre reponn sa bann kestyon:

      • Ki mannyer nou kapab kominik avek Zeova?

      • Ki mannyer Zeova i kominik avek nou?

      Diferan portre: 1. En madanm pe priye. I annan en fles par lao son latet ver lesyel. 2. En madanm pe lir Labib. I annan en fles par lao son latet dan son direksyon.

      Nou koz avek Zeova dan lapriyer. I koz avek nou atraver Labib

      SERTEN DIMOUN I DIR: “I enposib pour vin pros avek Bondye.”

      • Ki verse Labib ou ti pou kontan servi pour montre ki nou kapab vin zanmi avek Zeova?

      REZIMEN

      Zeova i anvi ou vin son zanmi e i pou ed ou pour vin pros avek li.

      Revizyon

      • Ki mannyer Zeova i ed son bann zanmi?

      • Akoz Zeova i demann son bann zanmi pour fer serten sanzman?

      • Eski ou krwar Zeova i ekspekte tro bokou avek son bann zanmi? Akoz ou dir sa?

      Lobzektif

      FER PLIS RESERS

      Ki mannyer vin zanmi avek Bondye i kapab sanz ou lavi?

      “Jehovah​—A God Worth Knowing” (Latour Veyer 15 Fevriye 2003 an Angle)

      Aprann ki mannyer pour devlop en lanmitye avek Bondye.

      “How Can I Become God’s Friend?” (Questions Young People Ask​—Answers That Work, Volim 2, sapit 35)

      Dekouver akoz en madanm ti santi ki son lanmitye avek Zeova ti’n sov son lavi.

      “Mon pa ti anvi mor!” (Latour Veyer No. 1 2017)

      Ekout bann adolesan eksprim zot santiman lo Zeova.

      Ki mannyer nou santi ler nou zanmi avek Bondye? (1:46)

  • Ki Bondye i anvi pour nou?
    Viv ere pour touzour!—En letid Labib enteraktif

    • 2. Ki mannyer nou kapab annan en lavi ki fer sans konmela menm?

      Zeova in kree nou avek en bezwen spirityel, setadir en dezir pour konn Bondye, rod son gidans e ador li. (Lir Matye 5:3-6.) Zeova i anvi ki nou vin son bon zanmi, ki nou “fer tou sa ki i demande, kontan li” e servi li “avek tou [nou] leker.” (Deterononm 10:12; Psonm 25:14) Ler nou fer sa, nou pou santi nou vreman ere kantmenm nou kapab annan nou problenm. Ador Bondye i donn nou lavi en vre sans akoz nou pe viv sa lavi ki Bondye i anvi nou viv.