Ki mannyer lavi ti konmanse?

“Ou sa [Bondye] ki donn lavi.” (Psonm 36:9) Ou krwar sa ou? Serten dimoun i krwar ki lavi in vin koumsa menm par azar. Si sa i leka, alors nou la akoz en aksidan. Me si Bondye Zeova ki’n kree lavi, alor lavi i bezwen annan en bi, pa i vre?a Annou vwar ki Labib i dir lo konman lavi ti konmanse e akoz nou annan bon rezon pour krwar sa.

1. Ki mannyer liniver ti konmanse?

Labib i dir: “O konmansman, Bondye ti kree lesyel ek later.” (Zenez 1:1) Laplipar syantis i aksepte ki liniver ti annan en konmansman. Ki mannyer Bondye ti kree li? I ti servi son lespri sen setadir son lafors pour fer tou keksoz dan liniver, enkli bann galaksi, zetwal ek plannet.​—Zenez 1:2.

2. Akoz Bondye ti kree later?

Zeova “pa ti kree [later] pour nanryen me pour ki bann dimoun i reste lo la.” (Izai 45:18) I ti fer nou plannet pour li vin nou landrwa reste permanan e konfortab pour bann imen. (Lir Izai 40:28; 42:5.) Lasyans i montre ki later i en plannet spesyal. I sa sel plannet ki imen i kapab viv lo la.

3. Kwa ki fer imen diferan avek zannimo?

Apre ki i ti fer later, Zeova ti kree bann keksoz vivan lo la. Premyerman, i ti fer bann plant ek bann zannimo lo later. Apre, “Bondye ti kree zonm dan son resanblans.” (Lir Zenez 1:27) Kwa ki fer bann imen diferan? Vi ki nou’n ganny kree dan resanblans Bondye, nou annan abilite pour demontre lanmour ek lazistis parey li. I ti osi kree nou avek sa abilite pour aprann diferan langaz e osi pour apresye lar ek lanmizik. Kontrerman avek bann zannimo, nou imen nou kapab ador nou Kreater.

AL PLI O PROFON

Vwar levidans ki lavi ti ganny kree e ki i fer sans pour krwar sa ki Labib i dir konsernan kreasyon. Ki nou kapab aprann lo Bondye atraver bann zoli kalite ki bann imen i annan?

4. Lavi ti ganny kree

Bann imen i ganny felisite pour bann keksoz ki zot fer ki zot in kopye dan lanatir. Me lekel ki devret ganny loner pour son orizinal? Zwe sa VIDEO e apre reponn sa kestyon.

VIDEO: Krwayans dan Bondye (2:43)

• Ki bann imen in sey kopye dan lanatir?

Tou lakaz in ganny fer par en dimoun. Me lekel ki’n fer bann keksoz dan lanatir? Lir Ebre 3:4 e apre reponn sa bann kestyon:

• Ki keksoz dan lanatir ki enpresyonn ou?

• Eski i rezonnab pour krwar ki liniver ek tou son keksoz ti ganny kree? Akoz?

Eski ou ti konnen?

Ou kapab trouv bann lartik ek video konsernan sa topik, lo jw.org dan bann seri “Was It Designed?” ek “Viewpoints on the Origin of Life.”

“Byensir, tou lakaz i ganny konstri par en dimoun, me sa enn ki’n konstri tou keksoz i Bondye”

5. I fer sans pour krwar sa ki Labib i dir lo kreasyon

VIDEO: Eski liniver ti ganny kree?​—Ekstre (3:51)

• Eski Labib i dir ki later ek lavi lo la ti ganny kree dan sis zour 24 erdtan?

• Eski ou krwar sa ki Labib i dir lo kreasyon i fer sans? Akoz ou krwar sa?

Lir Zenez 1:1 e apre reponn sa kestyon:

• Bann syantis i dir ki liniver ti annan en konmansman. Ki mannyer zot pwennvi i parey sa ki ou fek lir dan Labib?

Serten dimoun i kapab mazinen ki kekfwa Bondye ti kapab kree en senp pti keksoz e apre i’n evolye. Lir Zenez 1:21, 25, 27 e apre reponn sa bann kestyon:

• Eski Labib i dir ki Bondye ti fer en senp pti form lavi e apre les li evolye pour vin pwason, manmifer oubyen imen? Oubyen eski i ti kree tou bann group zannimo “dapre son kalite”?b

6. Imen i en kreasyon Bondye ki inik

Nou pa parey bann zannimo ki Zeova in kree. Lir Zenez 1:26 e apre reponn sa kestyon:

• Nou’n ganny kree dan resanblans Bondye. Ki nou abilite pour demontre lanmour ek konpasyon i montre konsernan personnalite Bondye?

REZIMEN

Zeova ti kree liniver ek tou sa ki vivan.

Revizyon

• Ki Labib i dir lo konman liniver ti konmanse?

• Eski Bondye ti kree en senp form lavi e apre les li evolye oubyen i ti kree tou keksoz?

• Kwa ki fer imen diferan avek lezot keksoz?

FER PLIS RESERS

Vwar legzanp dan kreasyon ki montre i annan en Kreater.

“What Does Nature Teach?” (Veye! Septanm 2006 an Angle)

Gete ki mannyer en papa i kapab eksplik sa ki Labib i dir konsernan kreasyon avek son garson.

“Zeova in kree tou keksoz” (2:37)

Egzaminen si evolisyon i annakor avek Labib.

“Did God Use Evolution to Create the Different Types of Life?” (Lartik lo jw.org)

Gete si bann lezo ki’n ganny detere (fossil record) oubyen bann tes syantifik i montre si lavi ti ganny kree oubyen i’n vin par azar.

The Origin of Life​—Five Questions Worth Asking (brosir an Angle)

1. Akoz nou devret annan en bon pwennvi lo lavi?

Nou devret annan en bon pwennvi lo lavi akoz lavi i en kado sorti kot nou Papa ki kontan nou, Zeova. I “sa Enn ki donn lavi” setadir i’n kree tou sa ki vivan. (Psonm 36:9) “Li menm ki donn tou dimoun lavi, i fer zot tou respire e i donn zot tou keksoz.” (Akt 17:25, 28) Zeova i donn nou sa ki nou bezwen pour nou reste vivan. Me pa zis sa, i’n fer nou dan en fason ki gou pour viv.​—Lir Akt 14:17.