3. Ki Zeova i ekspekte avek son bann zanmi?

Zeova i kontan tou dimoun, “me i bon zanmi avek dimoun ki fer sa ki drwat.” (Proverb 3:32) Zeova i ekspekte ki son bann zanmi i fer bann keksoz ki li i vwar i byen e evite fer bann keksoz ki i konsider konman mal. Serten dimoun i panse ki zot pa kapab arive fer tousala. Me Zeova i konpran nou. I aksepte tou dimoun ki vreman kontan Li e ki fer zot mye pour fer Li plezir.​—Psonm 147:11; Akt 10:34, 35.

Tou dimoun i anvi annan bann zanmi ki onnet. Zeova osi i ekspekte son bann zanmi pour onnet. Me sa pa fasil dan en lemonn kot bokou dimoun i dezonnet. Ki byenfe nou gannyen ler nou onnet dan tou keksoz?

1. Ki rezon pli enportan nou annan pour onnet?

Ler nou onnet avek lezot, nou montre Zeova ki nou kontan e respekte li. Mazin sa: Zeova i konn tou sa ki nou mazinen ek tou sa ki nou fer. (Ebre 4:13) I vwar ler nou swazir pour nou onnet e i apresye sa. Son Parol i dir: “Zeova pa kontan dimoun malonnet, me i bon zanmi avek dimoun ki fer sa ki drwat.”​—Proverb 3:32.

2. Ki serten fason nou kapab montre ki nou onnet dan lavi toulezour?

Zeova i anvi nou “koz laverite avek kanmarad.” (Zekarya 8:16, 17) Ki sa i vedir? Nou pa koz manti oubyen donn okenn fo lenformasyon avek nenport ki ki nou koz avek, ki swa nou fanmir, nou koleg travay, nou bann frer ek ser Kretyen oubyen bann zofisye gouvernman. Bann dimoun ki onnet pa vole ouswa fer frod. (Lir Proverb 24:28 ek Efezyen 4:28.) Zot osi pey tou taks ki zot dwa. (Romen 13:5-7) Se dan sa fason ek lezot ankor, ki nou “konport nou onnetman dan tou keksoz.”​—Ebre 13:18.

3. Ki byenfe nou gannyen ler nou onnet?

Ler nou annan repitasyon konman en dimoun onnet, lezot i annan konfyans dan nou. Nou kontribye pour fer tou dimoun dan kongregasyon santi zot an sekirite parey en bon pti fanmir. Nou annan en konsyans kler. Nou lonnekte i kapab osi “anmenn loner lo lansennyman Bondye nou Sover” e atir lezot dimoun anver sa vre ladorasyon.​—Tit 2:10.

AL PLI O PROFON

4. Lonnekte i fer plezir Zeova

Lir Psonm 44:21 ek Malaki 3:16 e apre reponn sa bann kestyon:

• Akoz ou krwar i pa fer sans pour nou mazinen ki nou kapab kasyet laverite?

• Ki mannyer ou krwar Zeova i santi ler nou swazir pour dir laverite, menm si i difisil pour fer li?

5. Toultan onnet

VIDEO: Kwa ki fer en dimoun annan lazwa?​—En konsyans kler (2:32)

Lir Ebre 13:18 e apre diskite ki mannyer nou kapab onnet . . .

• dan lafanmir.

• dan travay oubyen kot lekol.

• dan tou lezot sityasyon.

6. Nou benefisye ler nou onnet

O konmansman nou kapab krwar ki lonnekte pou met nou dan problenm. Me a lafen dizour i sa pli bon keksoz ki ou kapab fer. Lir Psonm 34:12-16 e apre reponn sa kestyon:

• Ki mannyer lonnekte i fer ou annan en pli bon lavi?

1. Bann msye ek madanm ki onnet i fer zot maryaz vin pli for

2. Bann travayer ki onnet i ganny konfyans zot anplwayer

3. Bann sitwayen ki onnet i ganny en bon repitasyon avek bann zofisye gouvernman

REZIMEN

Zeova i anvi son bann zanmi i onnet dan tou sa ki zot dir e fer.

Revizyon

• Ki serten fason nou kapab montre nou onnet?

• Akoz i pa fer sans pour nou mazinen ki nou kapab kasyet laverite?

• Akoz ou anvi onnet toultan?

FER PLIS RESERS

Ki mannyer paran i kapab ansenny zot zanfan pour onnet?

Koz laverite (1:44)

Ki byenfe nou gannyen ler nou gard nou promes?

Gard zot promes e ganny beni (9:09)

Vwar si nou bezwen pey taks menm si zot ganny mal servi.

“Taxes​—Must You Pay Them?” (Latour Veyer 1 Septanm 2011 an Angle)

Kwa ki ti motiv en msye malonnet pour sanze e ganny son lavi dan en fason onnet?

“Mon’n aprann ki Zeova i annan mizerikord e i pare pour pardonnen” (Latour Veyer Zilyet–Out 2015)

2. Ki mannyer bann zanmi ki ou swazir i fer Zeova santi?

Zeova i swazir byen son bann zanmi. “I bon zanmi avek dimoun ki fer sa ki drwat.” (Proverb 3:32) Ki mannyer Zeova pou santi si nou swazir bann zanmi ki pa kontan li? I pou vreman dezapwente! (Lir Zak 4:4.) Me Zeova pou vreman kontan si nou rezet move frekantasyon e vin pli pros avek li ek bann ki kontan li. I pou swazir nou konman enn son zanmi.​—Psonm 15:1-4.