1:2, 3—Akoz kan sa fiy i rapel bann parol dou sa garson, sa bann parol i parey diven e son non parey delwil? Diven i fer leker imen kontan e kan delwil i ganny vide lo latet sa i kalme en dimoun. Pareyman kan sa fiy i rapel lanmour sa garson ek son non, sa ti ankouraz e rekonfort li. (Psonm 23:5; 104:15) Dan menm fason, bann vre Kretyen sirtou bann Kretyen swazir, zot ganny lafors ek lankourazman kan zot reflesir lo sa lanmour ki Zezi Kri in demontre anver zot.

1:2; 2:6. Bann zoli parol dou ki pa sal oubyen imoral i kapab ganny eksprimen kan de dimoun pe frekante. Me parkont, en koup i bezwen fer sir ki zot dir sa bann parol akoz zot vreman kontan kanmarad, pa pour bann move dezir ki kapab anmenn ver limoralite seksyel.—Galat 5:19.