4. Aret bann move kondwit

Si ou fimen oubyen servi drog pour detann ou, petet ou konnen ki mannyer i difisil pour aret sa move kondwit. Kwa ki kapab ed ou? Reflesir lo ki mannyer sa pratik pe afekte ou. Lir Matye 22:37-39 e apre diskite ki mannyer sigaret ek drog i kapab afekte . . .

• lanmitye en dimoun avek Zeova.

• fanmir en dimoun ek lezot otour li.

Fer plan pour aret en move kondwit.a Zwe sa VIDEO.

VIDEO: Devlop kontrol lo ou prop lekor (2:47)

Lir Filipyen 4:13 e apre reponn sa kestyon:

• Ki mannyer ler en dimoun i annan sa bon labitid pour priye, etidye Labib e asiste bann renyon Kretyen, sa i kapab donn li sa lafors pour li aret en move kondwit?

5. Lalit kont bann kondwit ek panse ki sal

Lir Kolosyen 3:5 e apre reponn sa bann kestyon:

• Ki mannyer nou konnen ki pornografi, bann mesaz seksyel lo telefonn ek mastirbasyon i bann keksoz sal dan lizye Zeova?

• Eski ou krwar ki i rezonnab pour Zeova ekspekte nou pour vin prop moralman? Akoz?

Vwar ki mannyer nou kapab lalit kont bann panse ki sal. Zwe sa VIDEO.

VIDEO: Pran aksyon pour reste prop (1:51)

Zezi ti servi en legzanp pour montre ki nou devret azir vit pour nou kapab reste prop moralman. Lir Matye 5:29, 30 e apre reponn sa kestyon:

• Zezi pa ti pe sizere ki nou fer ditor nou lekor fizikman me i ti pe montre ki nou bezwen pran aksyon. Ki aksyon ki en dimoun i kapab pran o pli vit posib pour evite annan bann panse sal?b

Si ou pe lalit pour retir bann panse sal dan ou lespri, ou zefor i annan bokou valer dan lizye Zeova. Lir Psonm 103:13, 14 e apre reponn sa kestyon:

• Si ou pe lalit avek en move kondwit, ki mannyer sa verse i kapab ankouraz ou pour kontinyen fer zefor?

Tonbe pa vedir defet!

I kapab fasil pour mazinen, ‘Mon’n tonm ankor, mon pa pou kapab kontinyen.’ Me reflesir: Ler en atlet ki pe taye i tonbe i pa vedir ki’n perdi paryaz, i pa vedir ki i bezwen rekonmanse ankor lo laliny depar. Pareyman, ler nou tonbe i pa vedir ki nou’n perdi dan sa lager kont bann move kondwit. I pa vedir osi ki tou nou bann progre ki nou ti’n deza fer in ganny efase. I normal pour nou tonbe par ler, i form parti nou progre. Pa aret dan semen! Avek led Zeova, ou kapab aret bann move kondwit.

6. Aret abiz lalkol

VIDEO: ‘Mon ti’n fatige avek mon fason viv’ (6:32)

• Dan sa video, ki mannyer Dmitry ti konport li ler i ti konsonm lalkol?

• Eski i ti kapab aret bwar deswit?

• Ki mannyer i ti finalman reisi aret bwar?

Lir 1 Korentyen 6:10, 11 e apre reponn sa bann kestyon:

• Eski bwar pour sou i vreman grav?

• Kwa ki montre ki en dimoun ki abiz lalkol i kapab sanze?

Lir Matye 5:30 e apre reponn sa kestyon:

• Koup en lanmen i vedir fer serten sakrifis pour fer plezir Zeova. Ki ou kapab fer si ou pe lite pour ou aret abiz lalkol?a

Lir 1 Korentyen 15:33 e apre reponn sa kestyon:

• Ki mannyer ou bann zanmi i kapab enfliyans lakantite ki ou bwar?