• Eski ou pou mars avek Bondye?
    Latour Veyer—2005 | 1 Novanm

    • 5. Akoz Zezi ti koz lo azout en koude avek longer lavi en dimoun?

      5 Souvan Labib i konpar lavi avek en vwayaz. Dan serten ka, sa konparezon i direk, me dan lezot ka i endirek. Par egzanp, Zezi ti dir: “Lekel parmi zot ki krwar si i pran traka i kapab viv pli lontan [literalman: en koude an plis]?” (Matye 6:27) Petet ou en pe sirprann par sa parol. Akoz Zezi i servi “en koude” ki mezir zistans, pour mezir longer lavi en dimoun ki normalman nou mezir an term letan?a I kler ki Zezi ti vwar lavi konman en vwayaz. Anfet, i ti pe dir ki pran traka pa pou ede azout ni menm en lepa anplis lo ou vwayaz lavi. Me eski nou devret konklir ki nou pa kapab fer nanryen konsernan longer sa vwayaz? Pa krwar sa! Sa i anmenn nou lo nou dezyenm kestyon, Akoz nou bezwen mars avek Bondye?

  • Eski ou pou mars avek Bondye?
    Latour Veyer—2005 | 1 Novanm

    • a Serten tradiksyon Labib i sanz sa mo “koude” dan sa verse e met en mezir pour letan, parey “en moman” (The Emphatic Diaglott) oubyen “en sel minit” (A Translation in the Language of the People, par Charles B. Williams). Me selman sa mo ki ti ganny servi dan langaz orizinal i definitivman vedir en koude, ki apepre 45 santimet longer.