LESON 45

Ki savedir pa pran kote?

Edisyon ki enprimen

Zezi ti dir ki son bann disip “pa form parti sa lemonn.” (Zan 15:19) Sa i vedir ki zot pa pran kote dan politik ek lager ki annan dan sa lemonn. Pour dir fransman, sa i pa en keksoz ki fasil pour fer. Dimoun i kapab riy nou akoz sa. Ki mannyer nou kapab kontinyen pa pran okenn kote e reste fidel avek Bondye Zeova?

1. Ki pwennvi bann vre Kretyen lo bann gouvernman imen?

Bann Kretyen i respekte gouvernman. Nou fer parey Zezi ti dir e nou “rann sa ki pour Sezar avek Sezar.” Savedir, nou obeir lalwa nou pei, parey lalwa ki demann nou pour pey taks. (Mark 12:17) Labib i dir nou ki bann gouvernman imen i dirize akoz Zeova i permet zot pour fer li. (Romen 13:1) Alor nou konpran ki gouvernman imen i annan pli pti gin lotorite ki Bondye. Nou annan konfyans dan nou Bondye ek son Gouvernman dan lesyel pour rezourd bann problenm ki limanite pe fer fas avek.

2. Ki mannyer nou kapab montre ki nou pa pran kote?

Parey Zezi, nou pa afilye nou avek okenn parti politik. Kan bann dimoun ti vwar bann mirak ki Zezi ti pe fer, zot ti esey fer li vin zot lerwa lo later me i ti anpes zot fer sa. (Zan 6:15) Akoz? Akoz parey i ti dir pli tar, “mon Rwayonm pa form parti sa lemonn.” (Zan 18:36) Konman bann disip Zezi, nou montre ki nou pa pran kote dan plizyer domenn. Par egzanp, nou pa pou partisip dan lager. (Lir Mika 4:3.) Nou respe bann senbol nasyonal parey paviyon me nou pa pou ador zot. (1 Zan 5:21) An plis, nou pa pran kote pour oubyen kont okenn parti oubyen kandida politik. Dan sa fason ek lezot ankor, nou montre ki nou konpletman fidel avek gouvernman Bondye oubyen son Rwayonm.

AL PLI O PROFON

Vwar bann sityasyon ki kapab fer li difisil pour nou pa pran kote e ki mannyer nou kapab fer bann desizyon ki fer Zeova plezir.

En msye pa pe pran kote. I pa pe ekout bann kandida politik dan lopozisyon ki pe koz avek bann lafoul.

3. Bann vre Kretyen pa pran kote

Zezi ek son bann disip ti montre nou legzanp. Lir Romen 13:1, 5-7 ek 1 Pyer 2:13, 14. Apre, zwe sa VIDEO e reponn sa bann kestyon.

VIDEO: Bann vre Kretyen pa pran kote dan bann zafer politik—⁠Parti 1 (4:28)

Akoz nou devret respekte bann gouvernman imen?
Ki serten fason nou kapab montre nou soumisyon anver zot?

Dan letan lager, serten nasyon i dir ki zot pa pe siport okenn kote dan sa lager me zot asiste tou le de kote dan sa konfli. Eski sa i vedir ki vreman zot pa pe pran okenn kote? Lir Zan 17:16. Apre, zwe sa VIDEO e reponn sa kestyon.

VIDEO: Bann vre Kretyen pa pran kote dan bann zafer politik—⁠Parti 2 (3:11)

Ki savedir pa pran okenn kote?

Si gouvernman i demann nou pour fer en keksoz ki kont lalwa Bondye, ki nou pou fer? Lir Akt 5:28, 29. Apre, zwe sa VIDEO e reponn sa bann kestyon.

VIDEO: Bann vre Kretyen pa pran kote dan bann zafer politik—⁠Parti 3 (1:18)

Si lalwa zonm pe demann nou pour dezobeir lalwa Bondye, ki lalwa nou devret obeir?
Eski ou kapab mazin okenn sirkonstans kot bann Kretyen pa ti pou obeir lotorite gouvernman?

4. Montre ki nou pa pran okenn kote par nou aksyon e dan nou panse

Lir 1 Zan 5:21. Apre, zwe sa VIDEO e reponn sa bann kestyon.

VIDEO: Akoz bann vre Kretyen i bezwen kouraz—Pour pa pran kote dan sa lemonn (2:49)

Dan sa video, akoz Ayenge ti deside pour pa zwenn avek okenn parti politik ouswa partisip dan bann seremoni nasyonal parey salye paviyon?
Ou krwar i ti fer en bon desizyon?

Ki lezot sityasyon ki kapab teste si vreman nou pa pe pran okenn kote dan bann zafer sa lemonn? Zwe sa VIDEO e apre reponn sa bann kestyon.

VIDEO: Leson ki nou aprann dan Latour Veyer—⁠Pa pran kote dan sa lemonn divize (5:16)

Ki mannyer nou kapab montre ki nou pa pe pran okenn kote ler nou pe get bann konpetisyon sport antre diferan pei?
Ki mannyer nou kapab montre ki nou pa pran kote menm si desizyon ki bann politisyen i fer i afekte nou personnelman?
Ki mannyer bann keksoz ki nou tande dan nouvel oubyen bann dimoun ki nou frekante i kapab fer nou pran kote dan bann zafer sa lemonn?

Portre: 1. En group dimoun ki ankoler pe tenir bann plakar e zot proteste. 2. En msye ki dan lazwa pe tenir en paviyon pandan en levennman sportif. 3. En etidyan lekol pe pret serman pour son pei. 4. En solda avek en masingenn dan son lanmen. 5. De kandida politik pe fer deba. 6. En madanm pe depoz son vot dan bwat. — Dan ki domenn en Kretyen pa devret pran kote par son aksyon e osi dan son panse?

SI EN DIMOUN I DEMANDE: “Akoz ou pa salye paviyon oubyen sant lim nasyonal?”

Ki ou ti pou reponn?

REZIMEN

Bann Kretyen i fer bokou zefor pour pa pran kote dan politik ki swa par zot aksyon, parol ouswa panse.

Revizyon

Ki nou sipoze donn gouvernman imen?
Akoz nou pa pran kote dan politik?
Ki sityasyon kot nou bezwen montre ki nou pa pran kote dan bann zafer sa lemonn?

Mon’n fini sa leson le:

Lobzektif

Mazin en sityasyon kot ou ti a kapab pran kote dan bann zafer sa lemonn e deside davans ki ou ti pou fer.

Lezot lobzektif::

Ou lezot lobzektif

FER PLIS RESERS

Ki bann sakrifis petet nou bezwen fer ler nou pa pran kote dan bann zafer sa lemonn?

Zeova pa’n zanmen abandonn nou (3:14)

Ki bann fanmir i kapab fer pour prepar zot pour pa pran kote?

Pa pran kote dan bann aktivite piblik (4:25)

Akoz defann nou pei i pa sa pli gran loner ki nou kapab annan?

“Tou keksoz i posib pour Bondye” (5:19)

Vwar ki mannyer nou kapab pa form parti sa lemonn ler nou pe fer desizyon konsernan ki travay nou pou fer.

“Sakenn i devret pran son Responsabilite” (Latour Veyer 1 Avril 2006)