LESON 47

Ou’n pare pour batize?

Edisyon ki enprimen

Ou’n aprann bokou keksoz lo Zeova atraver ou letid Labib. Tre probab, ou’n menm fer serten sanzman pour aplik sa ki ou’n aprann. Me petet i annan serten keksoz ki pe anpes ou dedye ou lavi avek Zeova e batize. Sa leson pou diskit serten keksoz ki souvan anpes en dimoun batize e ki mannyer ou kapab sirmont zot.

1. Ki kantite ou bezwen konnen avan ou batize?

Pour batize, ou bezwen annan en “konnesans egzakt lo laverite.” (1 Timote 2:4) Sa pa vedir ki ou bezwen konn larepons pour tou kestyon lo Labib avan ou batize. Menm bann Kretyen ki’n batize depi lontan pe kontinyen aprann. (Kolosyen 1:9, 10) Me ou bezwen konpran bann lansennyman de baz dan Labib. Bann ansyen dan kongregasyon pou ed ou konnen si ou annan ase konnesans.

2. Ki serten keksoz ou bezwen fer avan ou batize?

Avan ou batize, ou bezwen “repantir e sanz [ou] lavi.” (Lir Akt 3:19.) Savedir ou bezwen vreman regrete pour bann pese ki ou’n fer dan lepase e demann Zeova pour pardonn ou. Ou devret osi determinen pour rezet bann move kondwit e viv en lavi ki fer plezir Bondye. An plis ki sa, ou bezwen konmans asiste renyon e pres avek kongregasyon.

3. Akoz ou pa devret les lafreyer anpes ou batize?

Serten dimoun i per ki zot pa pou kapab fer sa ki zot in promet Zeova. I vre ki par ler ou pou fer fot. Me menm bann zonm ek madanm fidel dan Labib ti fer fot. Zeova pa ekspekte son bann serviter pour parfe. (Lir Psonm 103:13, 14.) I kontan ler ou fer ou mye! I pou ed ou. Anfet, Zeova i donn nou sa lasirans ki napa nanryen ki “pou kapab anpes [li] kontan nou.”—Lir Romen 8:38, 39.

AL PLI O PROFON

Vwar ki mannyer ou kapab sirmont okenn lobstak ki anpes ou batize par konn Zeova pli byen e aksepte son led.

Portre: En zenn madanm pe sirmont bann lobstak pour li batize. Bann senn i aparet plizyer fwa dan sa leson.

4. Konn Zeova pli byen

Sa madanm pe etidye Labib avek en Temwen Zeova.

Ki kantite ou bezwen konn lo Zeova avan ou batize? Ou bezwen konn li ase byen pour ki ou kapab kontan li e anvi fer li plezir. Zwe sa VIDEO pour vwar ki mannyer bann etidyan Labib partou dan lemonn in fer sa. Apre reponn sa kestyon.

VIDEO: Letap pour pran batenm (3:56)

Dan sa video, kwa ki ti ed serten pour prepar zot pour batenm?

Lir Romen 12:2 e apre reponn sa bann kestyon:

Eski par ler ou demande si sa ki Labib ouswa bann Temwen Zeova i ansennyen i vre?
Si wi, ki ou kapab fer?

5. Sirmont bann lobstak ki anpes ou batize

Sa madanm pe met en Labib dan son sak pandan ki son manman pe reprimann li.

Nou tou nou fer fas avek bann difikilte ler nou deside pour dedye nou lavi avek Zeova e batize. Pour vwar en legzanp, zwe sa VIDEO e apre reponn sa bann kestyon.

VIDEO: Lanmour pour Zeova i ed nou sirmont bann difikilte (5:22)

Dan sa video, ki bann lobstak Narangerel ti bezwen sirmonte pour servi Zeova?
Ki mannyer son lanmour pour Zeova ti ed li sirmont sa bann lobstak?

Lir Proverb 29:25 ek 2 Timote 1:7 e apre reponn sa kestyon:

Kwa ki ed nou pour sirmont bann lobstak?

6. Annan konfyans ki Zeova pou ed ou

Sa madanm pe prese avek en madanm dan laz. Son ansenyan pe akonpanny li dan predikasyon.

Zeova pou ed ou fer li plezir. Zwe sa VIDEO e apre reponn sa bann kestyon ki swiv.

VIDEO: Zeova pou ed ou (2:50)

Dan sa video, kwa ki ti fer sa etidyan Labib ezite pour batize?
Ki i ti aprann ki ti ed li annan plis konfyans dan Zeova?

Lir Izai 41:10, 13 e apre reponn sa kestyon:

Akoz ou kapab asire ki ou pou reisi gard ou promes ki ou’n fer ler ou’n dedye ou lavi avek Zeova?

7. Devlop plis lapresyasyon pour lanmour Zeova

Pli ou mazinen ki kantite Zeova i kontan ou, pli ou pou rekonesan anver li e ou pou pli anvi servi li pour touzour. Lir Psonm 40:5 e apre reponn sa kestyon:

Ki benediksyon ki Zeova in donn ou ki ou pli apresye?

Profet Zeremi ti kontan Zeova ek son parol e i ti vreman apresye sa privilez pour port non Zeova. I ti dir: “Ou parol ti fer mon leker kontan e mon ti selebre, parski mon port ou non, O Zeova Bondye.” (Zeremi 15:16) Reponn sa bann kestyon: