Ki Ou Pou Dir avek en Reponder?

Telefonn i en mwayen efektif pour rann temwanny avek dimoun ki nou pa kapab rankontre kot lakour oubyen ki viv dan bann teritwar ki nou pa ganny akse avek. Parkont, deplizanpli dimoun pa reponn telefonn—en masin ki resevwar mesaz i fer li pour zot. Kan sa i arive, ki ou kapab fer? Pa koup telefonn. Plito, prepar en bon larepons an ekrir, ki ou a kapab lir lo telefonn. Egzers li pour ki ou pou kapab lir dan en ton lavwa agreab konmsi ou pe koze e non pa lir. Ki ou kapab dir?

Ou kapab envit li pour asiste sa prosenn Renyon Piblik kot Lasal Rwayonm. Ou kapab dir: “Mon dezole ki mon pa’n reisi trouv ou kot ou lakour. Si ou ti a kontan pour antann en diskisyon baze lo Labib [tit diskour piblik], silvouple vin kot Lasal Rwayonm bann Temwen Zeova. Manm piblik i ganny envite. Napa laket ki ganny fer.” Apre mansyonn klerman zour ek ler renyon, e donn ladres oubyen dekrir kote ki Lasal Rwayonm i sitye.

Veye si ou vwar okenn dimoun nouvo ki pe asiste bann renyon, entrodwir ou avek zot, e fer zot santi ki zot byenveni. Pa oubliye pour ofer en letid Labib kot lakour!

Lanons

◼ Piblikasyon pour ofer an Novanm: Distribisyon Nouvel Rwayonm No. 36 pou kontinyen. Bann kongregasyon ki’n konplet zot teritwar e zwenn bann manm sak lakour avek en kopi Nouvel Rwayonm No. 36 i kapab ofer brosir Ekspekte oubyen liv Konnesans. Si bann dimoun i deza annan sa de piblikasyon, servi swa liv Vivre éternellement oubyen liv Création. Desanm: Konnesans Ki Anmenn ver Lavi Eternel avek Traduction du monde nouveau. Zanvye: Okenn liv 192 paz ki’n ganny pibliye an 1986 oubyen avan sa lannen ki kongregasyon i kapab annan an stok. Bann kongregasyon ki annan liv L’humanité à la recherche de Dieu i kapab ofer li. Fevriye: Life—How Did It Get Here? By Evolution or by Creation?, Revelation—Its Grand Climax At Hand!, oubyen okenn liv 192 paz ki pli ansyen ki kongregasyon i annan dan stok.

◼ Apre ki kanpanny Nouvel Rwayonm in konplete, bann kongregasyon ki ankor annan en stok Nouvel Rwayonm No. 36 i kapab ankouraz bann proklanmater pour ofer sa bann ki reste dan menm fason ki zot ofer bann trak—tou lede port-an-port ek lezot landrwa. Si i apropriye, bann proklanmater i kapab les en kopi kot lakour ki napa personn, fer sir ki sa kopi i pa vizib pour bann ki pe pase. Nou bezwen fer zefor pour distribye tou larestan bann kopi sa mesaz enportan.

◼ Sirveyan prezidan oubyen kelken ki i’n dezinyen i devret odit kont kongregasyon le 1 Desanm oubyen oplivit posib apre sa dat. Kan sa in ganny fer, anons kongregasyon apre ki rapor kont in ganny lir.

◼ Bann kongregasyon i devret konmans rekomann L’annuaire des Témoins de Jéhovah 2001 ansanm avek zot demann piblikasyon pour Novanm. L’annuaire pou disponib an Albanian, Arabic, Chinese, Croatian, Czech, Danish, Dutch, English, Finnish, French, German, Greek, Hungarian, Italian, Japanese, Korean, Norwegian, Polish, Portuguese, Romanian, Russian, Serbian, Slovak, Spanish, and Swedish. Ziska ki L’annuaire i disponib e ganny anvoye, zot pou ganny marke “notés pour plus tard” lo lalis kongregasyon. L’annuaire i enn bann lartik ki ou devret rekomande pour gannyen.

◼ Nouvo Piblikasyon Disponib:

Guidance of God —French

Jehovah’s Witnesses—Who Are They? What Do They Believe? —English, French, Greek, Italian, Spanish

Watch Tower Publications Index 1999 —English

◼ Nouvo Kaset Video Disponib:

Our Whole Association of Brothers —English

Kwen Kestyon

◼ Konman ki en dimoun ki’n inaktif pour lontan i kapab ganny led pour kalifye ankor konman en proklanmater sa bon nouvel?

Kan en dimoun inaktif i demontre ki i annan en dezir senser pour servi Zeova, sa i en rezon pour rezwir. (Lik 15:4-6) Probableman, sa endividi in permet lopozisyon oubyen presyon lavi anpes li fer son letid personnel, asiste renyon, e partisip dan predikasyon. Konman ki lasistans personnel i kapab ganny donnen dan en pli bon fason, afen ki i pou kapab progrese spirityelman?

Nou tou nou devret pran linisyativ pour reasir li nou veritab lanmour Kretyen. Bann ansyen pou vitman evalye son bezwen spirityel. (Zak 5:14, 15) Si sa proklanmater pa’n prese pour en kourt peryod letan, lasistans en proklanmater eksperyanse i kapab sifi pour revin aktif dan predikasyon. Toutfwa, si i pa’n asosye avek kongregasyon pour en bon pe letan, probableman i pou bezwen plis led. En letid Labib personnel dan en piblikasyon apropriye i kapab en bon mwayen pour batir son lafwa ek lapresyasyon. Dan sa ka, sirveyan servis pou aranze pour en proklanmater kalifye kondwir sa letid. (Ebr. 5:12-14; vwar Kwen Kestyon dan Nou Minister Rwayonm Novanm 1998.) Si ou konn en dimoun ki bezwen en tel led, koz avek sirveyan servis dan ou kongregasyon.

Avan envit en dimoun ki’n inaktif pour en bon pe letan pour partisip ankor dan minister, i apropriye pour de ansyen zwenn avek li pour vwar si i kalifye konman en proklanmater Rwayonm. Zot pou swiv menm prosedir ki ganny servi dan sa renyon avek bann nouvo ki’n demann pour vin en proklanmater sa bon nouvel. (Vwar La Tour de Garde le 15 Novanm, 1988, paz 17.) Sa enn inaktif i bezwen annan en dezir senser pour partaz sa bon nouvel avek lezot. I osi bezwen ranpli bann kondisyon debaz ki ganny detaye lo paz 98-9 dan liv Notre Ministère e i bezwen asiste regilyerman bann renyon kongregasyon.

En bon progranm spirityel pou fer bokou pour ed sa endividi bokou pour fortifye e mentenir son relasyon presye avek Zeova e pour kontinyen mars lo semen lavi eternel. (Mat. 7:14; Ebr. 10:23-25) An fezan ‘tou zefor’ serye e devlop bann kalite Kretyen ki dirab, sa pou ed li pour kontinyen reste “aktif e prodiktif” konman en disip Kretyen.—2 Pyr. 1:5-8.