Lekel Zezi?

Zeova ti anvoy Zezi lo later. 1 Zan 4:9

Si nou anvi fer plezir Zeova, nou devret ekout en lot personnaz enportan. En bon pe letan avan ki i ti kree Adan, Zeova ti kree en lespri pwisan dan lesyel.

Avek letan, Zeova ti fer en vyerz ki ti apel Mari donn li nesans Betleenm. Sa zanfan ti ganny apele Zezi.​—Zan 6:38.

Konman en zonm lo later, Zezi ti parfetman reflekte bann kalite Bondye. I ti zantiy, demontre lanmour e fasil pour aprose. San okenn lafreyer, i ti ansenny lezot laverite lo Zeova.

Zezi ti fer sa ki byen, me bann dimoun ti ay li. 1 Pyer 2:21-24

Zezi ti osi geri bann malad e redonn lavi bann ki ti’n mor.

Bann sef relizye ti ay Zezi akoz i ti koz avek lezot lo zot bann fo lansennyman ek move kondwit.

Bann sef relizye ti persyad bann Romen pour bat Zezi e touy li.