Preparasyon ki neseser pour ansenny dan en fason efikas

Omwen de fwa, Zezi ti ganny demande menm kestyon konsernan lavi eternel, me sak fwa i ti reponn dapre bezwen sa dimoun ki ti poz li sa kestyon. (Lik 10:25-28; 18:18-20) Alor, menm si nou konn byen sa piblikasyon ki nou servi pour kondwir letid Labib, nou bezwen prepar davans e an menm tan gard antet sa etidyan. Ki bann pwen i bezwen pe fer zefor pour konpran ouswa aksepte? Ki verse Labib ki’n ganny site nou kapab lir avek li? Konbyen paragraf nou pou esey kouver? Nou bezwen prepar en legzanp, en leksplikasyon oubyen detrwa kestyon pour ed sa etidyan konpran byen sa lenformasyon. An plis, vi ki Zeova ki fer pouse sa lagrenn laverite dan leker sa dimoun, nou devret demann li pour beni nou preparasyon pour sa letid, beni sa etidyan e nou zefor pour ed li spirityelman.​—1 Kor. 3:6; Zak 1:5.