Amelyor nou abilite pour prese​—Aret en letid ki pa pe progrese

AKOZ I ENPORTAN: Pour ki dimoun i ganny sove, zot bezwen kriy non Zeova. (Ro 10:13, 14) Pourtan, pa tou bann ki aksepte pour etidye Labib ki anvi viv dapre bann standar Zeova. Nou devret servi byen nou letan dan predikasyon pour ed bann ki vreman anvi fer bann sanzman pour fer plezir Zeova. Si en etidyan Labib pa pe fer progre pandan en peryod letan rezonnab, i pli byen pour aret sa letid e servi nou letan pour ed bann ki Zeova pe atir ver li ek son lorganizasyon. (Zan 6:44) Byensir, si pli tar sa dimoun i montre ki i “annan sa bon kondisyon leker pour ganny lavi eternel,” nou pare pour rekonmans son letid.​—Akt 13:48

KI MANNYER POUR FER LI:

• Felisit sa etidyan pour anvi ganny konnesans egzakt.​—1Ti 2:4

• Eksplik li akoz i enportan pour li aplik sa ki in aprann.​—Li 6:46-49

• Dan en fason zantiy, diskit avek li lo legzanp Zezi konsernan sa zonm ki ti senm lagrenn e demann li pour mazin lo kwa ki pe anpes li fer progre.​—Mt 13:18-23

• Zantiman eksplik li akoz ou pe aret son letid

• Fer li konnen ki tanzantan ou pou pas kot li pour ankouraz li e ki ou pou rekonmans letid pli tar si i fer progre

GET SA VIDEO E APRE REPONN SA BANN KESTYON SWIVAN:

• Kwa ki montre ki sa etidyan pa ti pe fer progre spirityel?

• Ki mannyer sa proklanmater ti ed sa etidyan konpran ki i bezwen fer bann sanzman?

• Ki mannyer sa proklanmater ti montre ki i pare pour rekonmans letid ler sa etidyan i pare?