Bann referans pour Kaye renyon Nou minister ek lavi Kretyen
1-7 AVRIL
BANN TREZOR DAN PAROL BONDYE | 1 KORENTYEN 7-9
“Lavi selibater i en kado”
w96-E 15/10 12-13 ¶14
En selibater i kapab servi Zeova san ganny distrer
14 En Kretyen selibater ki servi son letan pour pourswiv bann lobzektif egois pa pe fer “pli byen” ki en Kretyen ki’n marye. I pe reste selibater akoz bann rezon personnel me pa “akoz Rwayonm lesyel.” (Matye 19:12) Sa zonm oubyen madanm Kretyen selibater i devret “trakase avek bann keksoz ki annan pour fer avek Senyer,” i devret trakase pour “ganny laprouvasyon Senyer” e “touzour servi Senyer avek tou zot leker san okenn distraksyon.” Sa i vedir donn Zeova ek Zezi Kri tou zot letan. Ler zot fer sa, zot pe fer “pli byen” ki bann Kretyen ki’n marye.
Rod bann perl spirityel
w00-E 15/7 31 ¶2
Ou kapab reste pir dan sa lemonn imoral
Bann zenn ki pe konmans annan dezir seksyel pa devret taye pour marye. Maryaz i en langazman e pour pran sa kalite responsabilite i demann matirite. (Zenez 2:24) I pli bon ki zot esper sa letan kot zot dezir seksyel pa tro for oubyen ki zot “pa tro zenn,” vi ki sa letan kot sa dezir i pli for, i kapab sanz fason ki en dimoun i panse. (1 Korentyen 7:36) I pa saz e i en pese pour en adilt ki anvi marye pour annan relasyon seksyel zis akoz i napa en dimoun pour li marye avek dan kongregasyon.
8-14 AVRIL
BANN TREZOR DAN PAROL BONDYE | 1 KORENTYEN 10-13
Rod bann perl spirityel
w04-E 1/4 29
Kestyon lekter
Akoz 1 Korentyen 10:8 i dir ki 23,000 Izraelit ti mor dan en sel zour akoz zot ti komet imoralite seksyel tandis ki Nonm 25:9 i dir 24,000?
I annan bokou keksoz ki enplike ki kapab fer sa diferans dan sa 2 verse. Petet i kapab ki sa sif ti ant 23,000 ek 24,000.
Annou vwar en lot posibilite. Zapot Pol ti mansyonn sa resi konsernan bann Izraelit ki ti Sitim konman en lavertisman pour bann Kretyen Korent, en lavil ki ti renonmen pour imoralite seksyel ki bann dimoun ti pratike. I ti ekri: “Osi, annou pa pratik imoralite seksyel parey serten zot ti komet imoralite seksyel kot 23,000 zot ti mor dan en sel zour.” Pol ti donn sa sif 23,000 pour montre ki kantite dimoun Zeova ti touye akoz zot ti’n komet imoralite seksyel.—1 Korentyen 10:8.
Par kont, Nonm sapit 25 i dir ki “Izrael ti ador Baal-Peor e [Zeova] ti ankoler kont zot.” Apre, Zeova ti donn lord Moiz pour touy “tou bann sef Izrael.” Moiz ti donn lord bann ziz pour fer sa ki Zeova ti’n dir li. Finalman, ler Fineas ti azir vitman pour touy sa Izraelit ki ti anmenn en madanm Madyanit dan son latant, sa “fleo ti arete.” Sa resi i fini avek sa parol: “Sa fleo ti’n fer deza 24,000 mor.”—Nonm 25:1-9.
Sa sif 24,000 ki ganny mansyonnen dan Nonm ti enkli “tou bann sef Izrael” ki Zeova ti touye ek sa ki bann ziz ti touye. I posib ki i ti annan 1,000 parmi sa bann sef Izrael ki bann ziz ti touye, ki fer sa sif 24,000. Nenport kwa ki sa bann sef Izrael ti fer, ki swa zot ti komet adilter, partisip dan sa bann festen oubyen donn permisyon bann ki ti pe fer sa bann aksyon, zot tou zot ti koupab pour “ador Baal-Peor.”
Konsernan sa mo “ador,” en liv referans lo Labib i dir ki i kapab vedir “pour annan en latasman personnel avek en dimoun.” Izrael ti en pep ki ti’n dedye avek Zeova me ler zot ti “ador Baal-Peor,” zot ti kas zot lanmitye avek Bondye. Apepre 700 lannen pli tar, atraver profet Osea, Zeova ti dir bann Izraelit: “Zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.” (Osea 9:10) Tou bann ki ti fer sa ti merit ganny zizman Zeova. Alor, Moiz ti rapel bann garson Izrael: “Zot menm, zot in war tou sa ki [Zeova] in fer Baal-Peor: Ki mannyer [Zeova], ou Bondye ti detri tou sa bann zonm ki ti swiv Baal-Peor.”—Deterononm 4:3.
22-28 AVRIL
BANN TREZOR DAN PAROL BONDYE | 1 KORENTYEN 14-16
“Bondye pou vin ‘tou pour tou dimoun’”
w98-E 1/7 21 ¶10
“Lanmor, pou ganny detrir”
10 Sa mo “finalman” i refer avek lafen Renny Mil an Kris, ler Zezi pou rann Rwayonm avek Bondye, son Papa. (Revelasyon 20:4) Plan Bondye “pour rasanble tou keksoz ansanm dan Kris” pou’n fini ganny akonplir. (Efezyen 1:9, 10) Me premyerman, Kris pou bezwen detri “tou gouvernman, lotorite ek pouvwar” ki opoz lavolonte Bondye. Sa i enkli plis ki sa destriksyon dan lager Armagedon. (Revelasyon 16:16; 19:11-21) Pol i dir: “Fodre ki Kris i lerwa ziska ki Bondye in met tou son bann lennmi anba son lipye e dernyen lennmi, lanmor, pou ganny detrir.” (1 Korentyen 15:25, 26) Tou latras pese Adan e osi lanmor pou’n ganny tire. Apre Bondye pou lev tou bann “ki dan latonm” ler i resisit zot.—Zan 5:28.
Rod bann perl spirityel
it-1-E 1197-1198
Pa kapab pouri
I osi annan bann zeritye ansanm avek Zezi dan lesyel ki’n fini ganny resisite. Zot pa’n zis ganny lavi eternel konman bann lespri dan lesyel me zot in vin imortel e zot pa kapab pouri. Vi ki zot in viv en lavi fidel e zot in mor avek sa lekor fizik ki kapab pouri, aprezan zot ganny en lekor spirityel ki pa kapab pouri parey Pol i dir dan 1 Korentyen 15:42-54. Imortalite pe refer avek sa kalite lavi ki zot in gannyen, savedir ki zot pa kapab mor ni ganny detrir me tandis ki pa kapab pouri i pe refer avek sa lekor ki Bondye in donn zot ki pa kapab dekonpoze oubyen gate. Alor, i paret ki Bondye in donn zot sa pwisans pour viv san ki zot bezwen depan lo okenn lezot sours lenerzi sorti kot li parey bann lanz ek bann imen i depan lo la. San dout, sa i en levidans ki Bondye i annan konfyans dan zot. Sa privilez pour ganny lavi imortel ki pa zanmen fini pa vedir ki Zeova napa okenn kontrol lo zot, o kontrer parey zot Sef Zezi Kri zot kontinyen soumet avek lavolonte ek gidans zot Papa.—1Kor 15:23-28; vwar immortality; soul.
29 AVRIL–5 ME
BANN TREZOR DAN PAROL BONDYE | 2 KORENTYEN 1-3
Rod bann perl spirityel
w16.04-E 32
Kestyon lekter
Kwa sa “garanti” oubyen sa “sele” ki bann Kretyen swazir i gannyen avek Bondye?—2 Kor. 1:21, 22; not.
▪ Garanti: Dapre en referans, sa term Grek ki ganny tradwir “garanti” dan 2 Korentyen 1:22 ti “en term ki ganny servi dan bann zafer legal e komersyal” ki vedir “en depozit, kot ou pey en bout larzan pour sa ki ou pe aste pour fer sir ki ou pou ganny sa keksoz.” Pour bann Kretyen swazir, zot rekonpans i ganny dekrir dan 2 Korentyen 5:1-5 ki enkli annan en lekor ki pa kapab pouri dan lesyel. Sa rekonpans i osi enkli sa kado pour vin imortel.—1 Kor. 15:48-54.
Dan langaz Grek konmela, i annan en lekspresyon en pe parey ki ganny servi pour en bag fiyansay. Sa legzanp i al byen avek bann ki pou vin madanm senbolik Kris.—2 Kor. 11:2; Rev. 21:2, 9.
▪ Sele: Dan lepase, sele ti parey ler ou’n siny en dokiman ki prouve en keksoz i pour ou, en lagreman oubyen en keksoz ki ou kapab depan lo la. Dan ka sa bann Kretyen swazir, zot ganny “sele” oubyen ganny marke par lespri sen konmkwa zot pour Bondye. (Efe. 1:13, 14) Sa sele pa en keksoz ki permanan. Sa dimoun i bezwen fidel ziska lanmor oubyen ziska gran ladetres.—Efe. 4:30; Rev. 7:2-4.
w10-E 1/8 23
Eski ou ti konnen?
Ki zapot Pol ti pe refer avek ler i ti koz konsernan “en parad laviktwar”?
▪ Pol ti ekri: “Bondye ki . . . gid nou dan en parad laviktwar ansanm avek Kris. Atraver nou, Bondye pe fer bon loder son konnesans fann partou kote! Parski pour Bondye, nou anvoy en bon loder Kris parmi bann ki pe ganny sove e bann ki pe mor. Pour bann ki pe mor, sa i en loder lanmor ki anmenn ver lanmor, pour sa bann ki pe ganny sove, sa i en loder lavi ki anmenn ver lavi.”—2 Korentyen 2:14-16.
Zapot Pol ti pe refer avek en pratik ki bann Romen ti kontan fer ler zot ti fer en parad pour onor en zeneral pour son laviktwar lo bann ki ti opoz gouvernman Romen. Pandan sa parad bann keksoz ki zot ti gannyen dan lager ek bann prizonnyen lager ti ganny mete kot tou dimoun ti vwar. Anmezir bann toro ti ganny anmennen pour ganny sakrifye, dimoun ti bat lanmen pour sa zeneral ek son larme ki ti’n ganny laviktwar. Apre ki zot ti’n fer sa parad, bann toro ti ganny sakrifye e tre probab bokou prizonnyen ti ganny touye.
Dapre The International Standard Bible Encyclopedia, sa “bon loder” i vedir lavi pour serten e lanmor pour lezot “ki tre probab sorti dan pratik bann Romen kot zot ti bril lansan tou dilon parad. Sa loder ti bon pour bann ki’n ranport laviktwar me pour bann prizonnyen sa ti fer zot rapel ki zot ti pe al ganny touye.”