Bann referans pour Kaye renyon Nou minister ek lavi Kretyen
6-12 ME
BANN TREZOR DAN PAROL BONDYE | 2 KORENTYEN 4-6
“Nou pa abandonnen”
it-1-E 724-725
Landirans
I osi enportan pour pa zanmen oubliy nou lespwar konman en Kretyen, sa i lavi eternel san okenn pese. Menm si nou mor ler nou ganny persekite, personn pa pou kapab anpes nou annan sa lespwar. (Ro 5:4, 5; 1Te 1:3; Re 2:10) Bann soufrans ki nou pe pas ladan la konmela pa nanryen konpare avek sa lespwar ekstraordiner, setadir lavi eternel ki nou pou gannyen dan lavenir. (Ro 8:18-25) Pour bann ki annan sa lespwar, tou leprev ki zot pe siporte la konmela “i tanporer e leze.” (2Ko 4:16-18) En dimoun ki rapel ki son bann leprev i tanporer e ki reste atase avek sa lespwar lavi eternel, i kapab evite tonm dan dezespwar e vin enfidel avek Zeova.
Rod bann perl spirityel
w12-E 1/2 28-29
“Anmenn en sourir lo figir Zeova”
David Splane ki en manm Konsey Direkter ti egzamin sa tenm baze lo Labib. (2 Korentyen 4:7) Ki sa trezor? Eski i konnesans ouswa lasazes? Sa orater ti reponn “Non.” “Sa trezor ki Zapot Pol ti koz lo la i ‘sa minister’ pour ‘fer konn laverite.’” (2 Korentyen 4:1, 2, 5) Frer Splane ti fer bann zelev rapel ki sa senk mwan ki zot in pase pe etidye, ti en preparasyon pour en responsabilite spesyal dan predikasyon. Sa responsabilite i merit annan en gran valer.
Sa orater ti eksplike ki “bann resipyan later” pe refer avek nou lekor imen. I ti fer diferans ant en resipyan later ek enn ki’n fer avek lor. Pa souvan ki en resipyan ki’n fer avek lor i ganny servi. Par kont, resipyan later i souvan ganny servi. Si nou met en trezor dan en resipyan lor, petet nou pou konsantre plis lo sa resipyan lor ki sa trezor. Frer Splane ti dir: “Zot bann zelev, zot pa anvi atir latansyon lo zot menm. Konman bann misyonner, zot anvi diriz dimoun ver Zeova. Zot bann resipyan later ki modes.”
13-19 ME
BANN TREZOR DAN PAROL BONDYE | 2 KORENTYEN 7-10
“Minister led sekour”
w98-E 1/11 25 ¶1
“Bondye i kontan sa bann ki donn avek lazwa”
Pol ti koz avek bann Korentyen konsernan bon legzanp ki bann Masedonyen in kite ler zot ti ede dan sa travay led sekour. Pol ti ekri: “Zot ti pe soufer akoz en gro leprev e menm si zot ti vreman pov, zot ti demontre grander zot zenerozite akoz zot gran lazwa.” Bann Masedonyen pa ti bezwen ganny rapel pour demontre zenerozite. O kontrer, Pol ti dir ki, “zot menm zot ti kontinyen sipliy nou pour annan sa privilez pour donn volonterman.” Bann Masedonyen ti kontan donn avek lazwa e sa ki ti fer li pli remarkab i ler nou konnen ki zot ti “vreman pov.”—2 Korentyen 8:2-4.
Rod bann perl Spirityel
g99-E 7/8 20-21
Eski i mal pour fyer?
Dan Lekritir Grek Kretyen, sa verb kau·khaʹo·mai ki ti ganny tradwir “fyer”, ti ganny servi dan en fason pozitif e negatif. Par egzanp, Pol i dir ki nou kapab “zwaye akoz nou annan lespwar pour ganny laglwar Bondye.” I ti osi dir: “Sa enn ki fyer, i devret fyer akoz Zeova.” (Romen 5:2; 2 Korentyen 10:17) Sa i vedir nou fyer akoz Zeova i nou Bondye e i en santiman ki kapab fer nou zwaye akoz son bon non ek repitasyon.
20-26 ME
BANN TREZOR DAN PAROL BONDYE | 2 KORENTYEN 11-13
“‘Pikan ki pe pik’ Pol”
w08-E 15/6 3-4
Mon for menm si mon annan bann febles
En lot serviter fidel ti demann Zeova pour tir en “pikan ki pe pik” li, setadir en problenm ki ti pe fatig li. Trwa fwa, zapot Pol ti demann Bondye pour tir sa pikan ki pe pik li. Nenport kwa ki sa pikan ti ete, i ti parey en keksoz fatigan ki ti’n kapab fer Pol perdi son lazwa dan servis Zeova. Pol ti konpar sa pikan avek bann kalot ki ti pe kontinyen tap li. Zeova ti reponn li: “Mon labonte ekstraordiner i ase pour ou, parski mon pwisans i vin pli for ler ou feb.” Zeova pa ti tir sa pikan ki ti pe pik Pol. Pol ti bezwen viv avek sa me i ti dir: “Parski ler mon feb, lanmenm ler ki mon for.” (2 Kor. 12:7-10) Ki i ti pe esey dir?
w18.12-E 8 ¶10-12
Kestyon lekter
Sa “trwazyenm lesyel” ki ganny mansyonnen dan 2 Korentyen 12:2 i paret ki i Rwayonm dirize par Kris e sa 144,000 i sa “nouvo lesyel.”—2 Pyr 3:13.
I ganny apele “trwazyenm lesyel” parski sa Rwayonm i pli siperyer e i par lao tou lezot Rwayonm.
I tre probab ki sa “paradi” ki Pol ti “ganny anmennen” dan son vizyon, pe refer avek (1) Paradi fizik ki pou lo later, (2) paradi spirityel ki pou egziste, ki pou pli gran ki sa paradi spirityel ki egziste konmela e (3) “paradi Bondye” dan lesyel ki pou egziste dan nouvo lemonn.
it-2-E 177
Anbrase
“Anbras kanmarad.” Bann Kretyen dan premye syek ti annan labitid “anbras kanmarad” (Ro 16:16; 1Ko 16:20; 2Ko 13:12; 1Te 5:26) oubyen “anbras kanmarad avek lanmour” (1Pyr 5:14), tre probab ant de dimoun menm sèks. Fason ki bann Kretyen dan premye syek ti dir bonzour kanmarad i kapab parey fason ki bann Ebre ti dir bonzour ler zot ti anbras kanmarad. Menm si Labib pa donn okenn detay, “anbras kanmarad” oubyen “anbras kanmarad avek lanmour” ti montre sa lanmour ek linite ki ti annan dan kongregasyon Kretyen.—Zan 13:34, 35.
27 ME–2 ZEN
BANN TREZOR DAN PAROL BONDYE | GALAT 1-3
“Mon ti koz avek li fran”
Rod bann perl spirityel
it-1-E 880
Let pour bann Kretyen Galat
Ler Pol ti dir, “bann Galat, zot pa konpran menm!” Sa pa vedir ki Pol ti pe mazin zis serten group dimoun ki ti sorti dan Gallic e ki reste dan nor Galasi. (Ga 3:1) O kontrer Pol ti pe reprimann serten dan kongregasyon ki ti pe les zot ganny enfliyanse avek lansennyman serten Zwif ki ti pe esey servi lalwa Moiz pour met zot prop standar lo sa ki byen dan plas les zot ‘ganny aprouve konman drwat par lafwa’ gras a sa nouvo lalyans. (2:15–3:14; 4:9, 10) Dan “kongregasyon Galasi” (1:2) ki Pol ti ekrir, i ti annan en melanz Zwif ek bann ki pa ti Zwif, parmi zot ti annan ki ti’n sirkonsi e bann ki pa ti’n sirkonsi ki ti’n konverti dan larelizyon Zwif. San dout, i ti annan ki ti sorti dan Was Lerop (Celtic.) (Akt 13:14, 43; 16:1; Ga 5:2) Zot tou zot ti ganny apele bann Kretyen Galat parski sa landrwa kot zot ti reste ti apel Galasi. An zeneral, zapot Pol ti ekri bann dimoun ki i ti konn byen dan sid provens Ronm me pa avek bann ki i pa ti konnen, ki ti reste dan nor e ki aparaman i pa ti zanmen vizite.