Bann referans pour Kaye renyon Nou minister ek lavi Kretyen
7-13 OKTOB
BANN TREZOR DAN PAROL BONDYE | ZAK 3-5
“Demontre lasazes sorti kot Bondye”
Rod bann perl spirityel
w97-E 15/11 20-21 ¶8
Lafwa i fer nou annan pasyans e kontan priye
8 I en pese pour koz an mal lo en frer oubyen ser. (Zak 4:11, 12) Me i annan serten ki kritik bann frer ek ser, petet akoz zot krwar zot pli zis oubyen zot oule pas pour pli siperyer par abes lezot. (Psonm 50:20; Proverb 3:29) Sa term Grek ki ganny tradwir konman “koz an mal” i donn nide en dimoun ki annan laenn e i enplik fer en lakizasyon ki egzazere oubyen ki fo. Sa i fer ki en frer i ganny zize dan en fason enzis. Ki mannyer ler nou fer sa, nou pe ‘koz kont lalwa e ziz lalwa Bondye’? Bann profeser lalwa ek bann Farizyen “zot rod fason pour pa obei komannman Bondye” e zot ziz dapre zot prop standar. (Mark 7:1-13) Pareyman, si nou kondann en frer ki Zeova pa’n kondannen, eski pa nou pe ‘ziz lalwa Bondye’ e pe dir ki lalwa Bondye pa bon? Ler nou kritik nou frer dan en fason enzis, nou pa pe swiv sa lalwa lo lanmour.—Romen 13:8-10.
14-20 OKTOB
BANN TREZOR DAN PAROL BONDYE | 1 PYER 1-2
“Zot devret sen”
Rod bann perl spirityel
it-2-E 565 ¶3
Sirveyan
Gran berze. Dan 1 Pyer 2:25, Pyer i sit Izai 53:6. Dan sa verse i pe koz lo bann ki “parey bann mouton perdi” e apre i ti dir: “Me aprezan zot in retourn kot zot berze ki vey lo zot.” Sa ki Pyer ti dir i bezwen pe refer avek Zeova vi ki sa bann dimoun pa ti’n separe avek Zezi Kri me plito atraver Zezi zot in retourn kot Zeova ki sa pli Gran Berze pour son pep. (Ps 23:1; 80:1; Zer 23:3; Eze 34:12) Zeova i osi en sirveyan, sa enn ki fer lenspeksyon. (Ps 17:3) Sa lenspeksyon (Gr., e·pi·sko·peʹ) i kapab pe refer avek bann zizman Zeova parey i ti leka dan premye syek kot dimoun pa ti konpran ler Zerizalenm “ti pe ganny enspekte” [Gr., e·pi·sko·pesʹ].” (Lik 19:44) Sa i osi kapab annan en bon lefe ek byenfe, parey i leka pour bann ki pe glorifye Bondye zour “ki i fer son lenspeksyon [Gr., e·pi·sko·pesʹ].”—1Pyr 2:12.
21-27 OKTOB
BANN TREZOR DAN PAROL BONDYE | 1 PYER 3-5
“Lafen tou keksoz in vin pli pros”
w99-E 15/4 22 ¶3
Ki mannyer pour rekonnet e sirmont okenn febles ki nou annan spirityelman?
Pa zanmen oubliy konsey zapot Pyer: “Lafen tou keksoz in vin pli pros. Alor, annan bon zizman e reste vizilan an sa ki konsern lapriyer. Me avan tou, zot devret kontan kanmarad en kantite, parski lanmour i kouver en kantite pese.” (1 Pyer 4:7, 8) I telman fasil pour les nou lenperfeksyon ek lenperfeksyon lezot dimoun antre dan nou leker ek lespri e vin bann lobstak ki fer nou fer pese. Satan i konn tre byen sa febles ki bann imen i annan. Enn son bann taktik pli entelizan ki i servi i divizyon dan kongregasyon ki fer li pli fasil pour atak nou. Alor, nou pa devret tarde pour aret sa bann divizyon par devlop vre lanmour pour kanmarad e pa ‘les Dyab pran lavantaz lo nou.’—Efezyen 4:25-27.