SWIV ZOT LENTERE
LESON 9
Konpran zot santiman
Prensip: “Rezoui avek bann ki rezoui, plere avek bann ki plere.”—Rom. 12:15.
Sa ki Zezi ti fer
1. Get sa VIDEO oubyen lir Mark 6:30-34. Apre reponn sa bann kestyon swivan:
Akoz Zezi ek son bann zapot ti pe espere pour zot al dan en landrwa “kot zot ti pou tousel”?
Kwa ki ti fer Zezi anvi ansenny sa lafoul?
Ki nou aprann avek Zezi?
2. Ler nou konpran santiman bann dimoun, nou pa pou zis anvi koz avek zot lo sa bon nouvel me nou pou osi anvi ed zot.
Fer parey Zezi
3. Ekout atantivman. Donn sa dimoun letan pour dir sa ki i pe panse. Pa enteronp li oubyen vitman inyor sa ki i pe dir oubyen sa ki i pa aksepte. Ler ou ekout atantivman, sa pou montre li ki ou enterese avek sa ki i pe mazinen.
4. Mazin sa dimoun ki’n demontre lentere. Baze lo sa ki zot in koz lo la, demann ou lekor:
‘Akoz i bezwen tann laverite?’
‘Ki mannyer en letid Labib pou fer li annan en lavi meyer la konmela e dan lavenir?’
5. Koz lo bann keksoz ki kapab ed li. Dek ki ou ganny en loportinite, montre li ki mannyer en letid Labib i kapab reponn son bann kestyon e ed li dan bann fason pratik.