Lentrodiksyon Seksyon 2

Akoz Zeova ti fer Deliz detrir sa move lemonn dan sa letan? Byen boner dan listwar imen, en lalit ant sa ki byen ek sa ki mal ti konmanse. Serten dimoun, parey Adan, Ev ek zot garson Kaen ti swazir pour fer sa ki mal. Me i annan serten, parey Abel ek Noe ki ti swazir pour fer sa ki byen. Laplipar dimoun ti sitan move ki Zeova ti deside detrir sa move lemonn. Sa seksyon pou ed nou konpran ki Zeova i vwar si nou swazir pour fer sa ki byen oubyen sa ki mal. Sa i osi montre nou ki Zeova pa pou zanmen les sa ki mal vin pli for ki sa ki byen.