Vin kot montanny Zeova

1. Gete laba anler,

Sa latet montanny pli o.

La, sa montanny Zeova

Son montanny tou nouvo.

Dimoun sorti byen lwen,

Partou dan lemonn antye,

Ki pe kriy ek kanmarad,

‘Vin servi vre Bondye.’

La letan in vini

Pour bann ptipti vin en gran nasyon.

Kontinyen progrese,

Bondye i donn nou benediksyon.

Milyon pe vin ver li,

Aksepte son souvrennte.

Promet li lwayote,

Pour reste lo son kote.

2. Zezi ti donn nou lord

Pour nou pres partou kote.

Nouvel lo son bon Rwayonm

Tou dimoun pe tande.

Osyel Kris pe rennyen,

Persyad tou pran son kote.

Bann ki pe tann son lavwa

Ekout Parol Bondye.

Gran plezir pour nou vwar

Lafoul ki kontinyen ogmante!

Nou tou nou’n donn koudmen,

Ed lezot osi pour konn Bondye.

Annou tou lev lavwa

Pour fer tou dimoun tande,

‘Vin kot montanny Bondye,

Kot ou pou kapab reste.’