KANTIK 38
I pou fer ou for
1. Rezon ki Bondye in donn ou laverite
E apel ou pour vin ver lalimyer.
I akoz i’n vwar sa dezir dan ou leker
Pour rod li e sa lanvi pour byen fer.
Ou’n promet pour fer son lavolonte.
Pour ed ou sak zour, i touzour pare.
(REFREN)
I’n sov ou par disan Kris,
aprezan ou pour li.
Bondye pou gard ou ferm,
ou pa pou afebli.
Son bon gidans ek son proteksyon
ou pou santi
E ou pou ganny lafors.
Reste ferm kont lo li.
2. Zeova in donn son sel Garson pour sov ou,
Se pour sa ki i le ou reisi.
Si i pa’n refize donn sa kado presye,
San dout i pou donn ou lafors osi.
I pa pou bliy ou lafwa ek lanmour.
I pou pran swen avek son pep touzour.
(REFREN)
I’n sov ou par disan Kris,
aprezan ou pour li.
Bondye pou gard ou ferm,
ou pa pou afebli.
Son bon gidans ek son proteksyon
ou pou santi
E ou pou ganny lafors.
Reste ferm kont lo li.
(Vwar osi Rom. 8:32; 14:8, 9; Ebr. 6:10; 1 Pyer 2:9.)