KANTIK 95
Lalimyer i vin pli kler
1. Profet lontan ti anvi aprann lo Kris,
Lespwar pour kreasyon ki soufer.
Lespri sen ti revel larive Mesi,
Atraver li nou sorti venker.
La konmela, Zezi Kri pe dirize,
Siny son prezans i evidan.
Ki gran faver pour aprann konn tousala,
Menm bann lanz ti a kontan konpran!
(REFREN)
Nou semen pou touzour vin pli kler.
Nou mars dan lalimyer sak zour.
Get sa ki Bondye in revele.
I gid nou lepa toulezour.
2. Nou Senyer in apwent en lesklav fidel,
Par ki I donn nou manze toultan.
Lalimyer laverite in vin pli kler,
I tous leker e donn disernman.
Nou santye i kler, nou lepa i pli ferm,
Nou mars dan lalimyer touzour.
Mersi Zeova, Sours tou laverite,
Nou mars dan ou santye ek lanmour.
(REFREN)
Nou semen pou touzour vin pli kler.
Nou mars dan lalimyer sak zour.
Get sa ki Bondye in revele.
I gid nou lepa toulezour.
(Vwar osi Rom. 8:22; 1 Kor. 2:10; 1 Pyer 1:12.)