KESTYON 5
Ki mesaz Labib?
“Mon pou fer ou ek sa madanm e osi ou desandans ek son desandans vin lennmi. I pou kraz ou latet e ou pou mord son talon.”
“Atraver ou desandans, tou nasyon lo later pou ganny beni parski ou’n ekout mwan.”
“Ki ou Rwayonm i vini. Ki ou lavolonte i ganny fer lo later parey dan lesyel.”
“Byento, Bondye ki donn lape pou kraz Satan anba zot lipye. Ki labonte ekstraordiner nou Senyer Zezi i avek zot.”
“Ler tou keksoz pou’n ganny soumet avek son Garson, alor Garson li menm pou soumet son lekor avek sa Enn ki’n soumet tou keksoz avek li, pour ki Bondye i vin tou pour tou dimoun.”
“Aprezan, bann promes ti ganny fer avek Abraam e avek son desandans . . , sa i Kris. Deplis, si zot pour Kris, zot vreman desandans Abraam.”
“Rwayonm nou Senyer e son Kris pe diriz lemonn e i pou dirize konman lerwa pour touzour e touzour.”
“Alor sa gro dragon ti ganny zete lo later, li menm sa premye serpan, sa enn ki ganny apele Dyab ek Satan ki pe anbet dimoun lo later antye. Li ek son bann lanz ti ganny zete lo later.”
“I ti tyonbo sa dragon, sa premye serpan, ki li menm li Dyab e Satan e i ti anmar li pour 1,000 an.”