KESTYON 6
Ki Labib ti predir lo Mesi?
PROFESI
“Ou, Betleenm Efrata, . . . Sef Izrael ki mon’n swazir pou sorti kot ou.”
LAKONPLISMAN
“Apre ki Zezi ti’n ne Betleenm, Zide, dan letan Lerwa Erod, bann astrolog sorti dan Les ti vin Zerizalenm.”
PROFESI
“Zot partaz mon lenz antre zot e zot tir osor pour ganny mon lenz.”
LAKONPLISMAN
“Me apre ki bann solda ti’n klout Zezi lo poto, zot ti pran son manto, partaz li an kat . . . Me sa lenz par anndan ti napa koutir, akoz i ti en sel pyes latwal depi anler ziska anba. Alor zot ti dir kanmarad: ‘Annou pa desir sa enn me tir osor pour deside lekel ki pou ganny sa lenz.’”
PROFESI
“I pe protez tou son bann lezo, ni enn pa’n ganny kase.”
LAKONPLISMAN
“Ler zot ti ariv kot Zezi, zot ti vwar ki i ti’n fini mor, alor zot pa ti kas son lazanm.”
PROFESI
“I ti ganny perse pour nou pese.”
LAKONPLISMAN
“Enn bann solda ti pik li dan son kote avek en lans e deswit disan ek delo ti koule.”
PROFESI
“Zot ti donn mwan mon lapey, 30 pyes larzan.”
LAKONPLISMAN
“Apre sa, enn parmi sa 12 zapot, sa enn ki apel Zida Iskaryot ti al kot bann sef pret e dir: “Ki zot pou donn mwan pour ki mon livre li avek zot?” Zot ti dakor pour donn li 30 pyes larzan.”