LESON 19

Eski Temwen Zeova i bann vre Kretyen?

Edisyon ki enprimen

Nou Temwen Zeova, nou krwar nou bann vre Kretyen. Akoz? Nou pou vwar lo ki nou baz nou krwayans, nou pou koz lo sa non ki fer nou diferan e sa lanmour ki nou annan pour kanmarad.

1. Lo ki Temwen Zeova i baz zot krwayans?

Zezi ti dir: “Parol [Bondye] i laverite.” (Zan 17:17) Parey Zezi, Temwen Zeova in toultan baz zot krwayans lo Parol Bondye. Par egzanp, gete ki mannyer nou ti fer sa depi o konmansman nou listwar. Apepre lannen 1870, en group dimoun senser ti konmans etidye Labib ansanm pour vwar sa ki Labib i vreman dir. Zot ti baz zot krwayans lo sa ki Labib i dir, menm si sa bann krwayans ti diferan avek pour bann legliz. Apre sa, zot ti konmans ansenny sa bann laverite dan Labib avek lezot.a

2. Akoz nou apel nou lekor Temwen Zeova?

Zeova i dir ki son bann adorater i son bann Temwen akoz zot koz laverite lo li. (Ebre 11:4–12:1) Par egzanp, dan letan lontan Bondye ti dir avek son pep: “Zot mon bann temwen.” (Lir Izai 43:10.) Zezi i ganny apele “sa Temwen Fidel.” (Revelasyon 1:5) Se pour sa rezon ki an 1931, nou ti adopte sa non Temwen Zeova. Nou fyer pour port sa non.

3. Ki mannyer Temwen Zeova i demontre lanmour parey Zezi?

Zezi ti telman kontan son bann disip ki zot ti parey en fanmir pour li. (Lir Mark 3:35.) Pareyman, Temwen Zeova i parey en fanmir ki ini partou dan lemonn. Se pour sa ki nou apel kanmarad frer ek ser. (Filemon 1, 2) Nou osi obei sa lord: “Annan lanmour pour lasosyasyon tou bann frer.” (1 Pyer 2:17) Temwen Zeova i demontre sa lanmour dan plizyer fason, par egzanp zot ed lezot Kretyen ki dan bezwen partou dan lemonn.

AL PLI O PROFON

Aprann plis konsernan listwar Temwen Zeova e vwar plis levidans ki montre ki nou bann vre Kretyen.

Diferan portre: Temwen Zeova pe prese. 1. En ser pe montre en verse Labib avek en madanm. 2. En frer pe koz lo Labib dan temwannyaz an piblik. — Bann vre Kretyen i baz zot krwayans lo Labib e partaz li avek lezot

4. Nou baz nou krwayans lo Labib

Zeova ti predir ki avek letan nou ti pou konpran Labib pli byen. Lir Danyel 12:4 ek sa dezyenm not e apre reponn sa kestyon:

Kwa ki ti pou “vin annabondans” pour pep Bondye anmezir ki zot kontinyen etidye Labib?

Vwar ki mannyer en group etidyan Labib, enkli Charles Russell ti etidye Parol Bondye. Zwe sa VIDEO e apre reponn sa kestyon.

VIDEO: Zot ti redekouver laverite ki annan dan Labib (7:45)

Dan sa video, ki mannyer Charles Russell ek lezot Kretyen ti etidye Labib?

Eski ou ti konnen?

Parfwa nou’n fer bann azisteman dan serten nou bann krwayans. Akoz? Anmezir ki soley i leve ou pou vwar detay en peizaz deplizanpli byen. Pareyman, Bondye in fer nou konpran son Parol dan en fason progresif. (Lir Proverb 4:18.) Alor, menm si Labib pa sanze, nou aziste nou krwayans anmezir ki nou konpran Labib pli byen.

5. Akoz sa non Temwen Zeova i apropriye?

Akoz nou apel Temwen Zeova? Zwe sa VIDEO e apre reponn sa kestyon.

VIDEO: En non ki fer konnen lekel nou (2:40)

Akoz sa non Temwen Zeova i apropriye?

Akoz Zeova in swazir dimoun pour vin son Temwen? Vi ki dimoun in dir en kantite mansonz lo Bondye, zot ti pou idantifye li konman sa vre Bondye. Annou vwar zis de sa bann mansonz.

Serten larelizyon i dir ki Bondye i anvi zot servi bann zidol pour ador li. Me lir Levitik 26:1 e apre reponn sa bann kestyon:

Eski i vre sa ki zot dir? Ki mannyer Zeova i santi konsernan sa bann zidol?

Serten larelizyon i dir ki Zezi i Bondye. Me lir Zan 20:17 e apre reponn sa bann kestyon:

Eski i vre sa ki zot dir? Eski Zezi i Bondye?
Ki mannyer ou santi ler ou konnen ki Zeova in anvoy son bann Temwen pour ansenny laverite lo li ek son Garson?

6. Nou kontan kanmarad

Labib i konpar bann Kretyen avek diferan parti en lekor imen. Lir 1 Korentyen 12:25, 26 e apre reponn sa bann kestyon:

Ki bann vre Kretyen i devret fer ler lezot Kretyen i soufer?
Dapre sa ki ou’n vwar, ki mannyer Temwen Zeova i demontre lanmour?

Ler Temwen Zeova i soufer dan en rezyon, deswit lezot Temwen partou dan lemonn i esey ede. Pour vwar en legzanp, zwe sa VIDEO. Apre reponn sa kestyon.