Paran
Akoz Zeova in kree maryaz?
Ki mannyer paran i devret konsider zot zanfan?
Vwar osi “Zanfan, zenn”
Legzanp dan Labib ki kapab ed ou:
Ze 33:4, 5—Zakob ti vwar son bann zanfan konman en benediksyon Zeova
Eg 1:15, 16, 22; 2:1-4; 6:20—Amram ek Zokebed ti ganny en zanfan ki ti apel Moiz e zot ti riske zot lavi pour protez li
Ki responsabilite paran i annan anver zot zanfan?
De 6:6, 7; 11:18, 19; Pr 22:6; 2Ko 12:14; 1Ti 5:8
Legzanp dan Labib ki kapab ed ou:
1Sa 1:1-4—Elkana ti anmenn son fanmir pour bann lafet Silo e i ti fer sir ki sak zanfan i kapab partisipe
Li 2:39, 41—Zozef ek Mari ti reste Nazaret e zot ti annan labitid al Zerizalenm pour selebre lafet Lapak avek zot zanfan
Ki byenfe i annan ler paran i ansenny zot zanfan bann lalwa Zeova?
Vwar osi 2Ti 3:14, 15
Legzanp dan Labib ki kapab ed ou:
1Sa 2:18-21, 26; 3:19—Paran Samyel ti anmenn zot garson pour ki i servi kot tabernak, me zot ti vizit li regilyerman e pran swen avek son bann bezwen. Finalman Samyel ti vin en profet remarkab
Li 2:51, 52—Zezi ti kontinyen obei son paran menm si zot ti enparfe
Kote bann paran i kapab ganny gidans pour elve zot zanfan?
De 6:4-9; Efe 6:4; 2Ti 3:14-17
Legzanp dan Labib ki kapab ed ou:
Zi 13:2-8—Apre ki i ti’n aprann ki son madanm ti pou ganny en garson, Manoa ti rod gidans pour elve li
Ps 78:3-8—Zeova i oule ki paran i koz avek zot zanfan lo sa ki zot in aprann dan Labib
Menm si en zanfan i grandi dan en fanmir ki kontan Bondye, akoz i kapab aret servi Zeova?
Legzanp dan Labib ki kapab ed ou:
Ze 6:1-5; Zid 6—Menm si zot ti pas bokou letan avek Zeova dan lesyel, plizyer lanz ti swazir pour dezobei Zeova
1Sa 8:1-3—Menm si Samyel ti fidel e i ti fer sa ki byen, son bann garson ti malonnet e koronpi
Kan bann paran i devret konmans ansenny zot zanfan konsernan Zeova?
Legzanp dan Labib ki kapab ed ou:
De 29:10-12, 29; 31:12; Ezr 10:1—Bann zanfan ti asiste bann rasanbleman pour aprann lalwa Zeova
Li 2:41-52—Zozef ek Mari ti annan labitid anmenn zot zanfan, enkli Zezi, kot tanp Zerizalenm pour Lapak
Ki legzanp paran i devret swiv an sa ki konsern protez zot zanfan kont bann ki kapab fer zot ditor?
Legzanp dan Labib ki kapab ed ou:
Eg 19:4; De 32:11, 12—Zeova ti konpar son lekor avek en leg ki anmenn, protez e pran swen avek son bann piti
Iza 49:15—Zeova ti promet ki i pou pran swen e protez son bann serviter avek plis konpasyon ki en manman i demontre anver son pti baba
Mt 2:1-16—Satan ti esey touy Zezi ler i ti en pti baba par servi bann astrolog ki ti koz avek move Lerwa Erod, me Zeova ti protez son garson par demann Zozef pour al Lezip avek son fanmir
Mt 23:37—Zezi ti konpar son dezir pour ed son bann disip avek en mer poul ki rasanble e protez son bann piti anba son lezel
Eski paran i devret ansenny zot zanfan konsernan sèks?
Legzanp dan Labib ki kapab ed ou:
Le 15:2, 3, 16, 18, 19; De 31:10-13 Lalwa Moiz ti koz fransman lo sèks e Zeova ti demann bann zanfan pour ekoute ler Lalwa ti ganny lir
Ps 139:13-16—Psalmis David ti loue Zeova pour lafason ki lekor imen in ganny fer, sa i enkli bann lorgann reprodiksyon
Pr 2:10-15—Konnesans ek lasazes ki sorti kot Zeova i kapab protez nou kont bann ki visye e ki anbet lezot
Akoz disiplin zanfan avek lanmour i enportan?
Pr 13:24; 29:17; Zer 30:11; Efe 6:4
Vwar osi Ps 25:8; 145:9; Kol 3:21
Legzanp dan Labib ki kapab ed ou:
Ps 32:1-5—Menm si Lerwa David ti ganny disiplinen par Zeova, i ti ganny ankouraze akoz Zeova i pardonn bann ki vreman repantir
Zon 4:1-11—Profet Zonas ti ankoler avek Zeova e i ti mank respe ler i ti koz avek li, me avek pasyans, Zeova ti ansenny li en leson lo pran pitye