Maryaz
Lekel ki’n konmans laranzman maryaz?
En Kretyen i devret marye avek lekel?
Akoz en vre Kretyen pa pou dakor si son garson oubyen son fiy ki batize i marye avek en dimoun ki pa batize konman en Temwen Zeova?
Legzanp dan Labib ki kapab ed ou:
Ze 24:1-4, 7—Abraam ti aze e i ti determinen pour rod en madanm ki servi Zeova pour son garson Izaak, pa en madanm Kananeen ki ti servi lezot bondye
Ze 28:1-4—Izaak ti demann son garson Zakob pour rod en madanm ki servi Zeova e non pa en Kananeen
Ki pwennvi Zeova i annan lo en dimoun ki marye avek en dimoun ki pa servi li?
Legzanp dan Labib ki kapab ed ou:
1Rw 11:1-6, 9-11—Zeova ti ankoler avek Lerwa Salomon akoz i pa ti swiv bann lavertisman Bondye e i ti marye avek bann madanm etranze ki ti fer li kit Zeova
Ne 13:23-27—Parey Zeova, gouverner Neemya ti ankoler, alor i ti disiplin e koriz lepep ki ti’n rebel akoz zot ti marye avek bann dimoun sorti dan lezot pei ki pa ti servi Zeova
Akoz i byen pour swazir en konzwen ki servi Zeova fidelman e ki annan en bon repitasyon?
Vwar osi Efe 5:28-31, 33
Legzanp dan Labib ki kapab ed ou:
1Sa 25:2, 3, 14-17—Nabal ti ris, me i ti dominer e brit. Akoz sa, i pa ti en bon msye pour Abigel
Pr 21:9—Si nou pa byen swazir nou konzwen, sa i kapab fer nou lavi difisil e nou pa santi nou anpe
Ro 7:2—Zapot Pol ti dir ki ler en madanm i marye, i vin anba lotorite son msye ki enparfe. Pour sa rezon, en madanm saz pou fer en bon swa.
Prepar pour maryaz
Akoz en msye i devret pare pour pran swen avek son fanmir avan i mazin marye?
Legzanp dan Labib ki kapab ed ou:
Pr 24:27—Avan marye e petet annan zanfan, en msye i devret travay dir pour li kapab pran swen avek en fanmir
Akoz de dimoun ki pe pwente i devret konsantre lo rod konsey e konn kanmarad byen plito ki zis get laparans?
Legzanp dan Labib ki kapab ed ou:
Ri 2:4-7, 10-12—Boaz ti aprann konn Rit akoz i ti remarke ki i ti travay dir, i ti tann koz lo son bon repitasyon, lafason ki i ti tret son fanmir e lo son spirityalite
Ri 2:8, 9, 20—Rit ti aprann konn Boaz akoz i ti remark son labonte, son zenerozite e son lanmour pour Zeova
Akoz Zeova i oule ki en koup ki pe pwente oubyen ki’n fiyanse i reste pir moralman?
Legzanp dan Labib ki kapab ed ou:
Pr 5:18, 19—Serten fason demontre lafeksyon i selman pour bann koup marye
Sal 1:2; 2:6—Ler zot ti pe frekante, sa berze e sa fiy Soulamit ti demontre lafeksyon pour kanmarad dan en fason pir, zot pa ti les zot ganny kontrole par dezir seksyel
Sal 4:12; 8:8-10—Sa fiy Soulamit ti reste pir, i ti demontre kontrol. I ti parey en zarden ki’n ganny barikade
Akoz en koup i devret marye dapre lalwa gouvernman?
Rol en msye
Ki responsabilite enportan en msye i annan?
Ki legzanp en msye Kretyen i devret swiv?
Akoz i vreman enportan pour en msye Kretyen annan lasazes ler i fer desizyon e tret son madanm avek lanmour?
Legzanp dan Labib ki kapab ed ou:
Ze 21:8-12—Zeova ti demann Abraam pour ekout son madanm Sara, menm si i pa ti dakor avek son sizesyon
Pr 31:10, 11, 16, 28—Dan sa proverb, sa msye ki’n marye avek sa madanm debrouyer pa dominer, rod fot avek li, me o kontrer i annan konfyans dan li e i felisit li
Efe 5:33—Zapot Pol ti dir dan Labib ki en madanm i bezwen santi ki son msye i kontan li
Rol en madanm
Ki rol enportan en madanm Kretyen i annan?
Eski rol bann madanm i pli enferyer?
Legzanp dan Labib ki kapab ed ou:
Pr 1:8; 1Ko 7:4—Dan maryaz e dan lafanmir, en madanm oubyen en manman i annan en serten lotorite
1Ko 11:3—Zapot Pol ti dir ki dapre laranzman Zeova, tou dimoun i anba lotorite en lot apard ki Zeova
Ebr 13:7, 17—Dan kongregasyon, zonm konman madanm i devret soumet e obei bann ki diriz kongregasyon
Ki mannyer en madanm Kretyen ki’n marye avek en msye ki pa en Temwen i kapab fer plezir Zeova?
Akoz en madanm Kretyen i devret annan respe pour son msye?
Legzanp dan Labib ki kapab ed ou:
Ze 18:12; 1Pyr 3:5, 6—Sara ti demontre en gran respe pour son msye, i ti konsider li konman son “senyer” oubyen son sef spirityel menm dan son bann panse
Ki kalite madanm ki ganny felisite dan Labib?
Legzanp dan Labib ki kapab ed ou:
Ze 24:62-67—Rebeka ti ed son msye Izaak e rekonfort li apre lanmor son manman
1Sa 25:14-24, 32-38—Abigel ti protez son msye ki ti’n fer en move desizyon e i ti sov son fanmir par demontre limilite anver David
Es 4:6-17; 5:1-8; 7:1-6; 8:3-6 Larenn Ester ti riske son lavi de fwa ler i ti al kot son msye ki ti lerwa, san ki i ti’n ganny envite pour protez pep Bondye
Rezourd problenm
Ki prensip ki kapab ed en koup pour rezourd bann problenm dan maryaz?
Ki prensip dan Labib ki kapab ed en koup annan en pwennvi balanse lo larzan?
Li 12:15; Fil 4:5; 1Ti 6:9, 10; Ebr 13:5
Vwar osi “Larzan”