Mars par lafwa, pa dapre sa ki nou vwar
Zis avan lavil Zerizalenm ti ganny anserkle e apre detri, zapot Pol ti ekri ki konman bann solda Kris, bann Kretyen i bezwen ekspekte difikilte e pa fer plezir ek konfor vin zot priyorite. (2 Tim. 2:3, 4) Avek sa gran maler ki pros pour ariv lo sa move lemonn, nou bezwen annan en lafwa solid pour reste konsantre lo bann keksoz spirityel. (2 Kor. 4:18; 5:7) Get sa video ‘Walk by Faith, Not by Sight.’ (Al lo jw.org, e get anba PUBLICATIONS > VIDEOS.) Remarke ki mannyer Naham ek Abital ti tonm dan pyez akoz zot ti tro atase avek bann keksoz materyel. Apre ki ou’n get sa video, revwar sa bann kestyon swivan.
(1) Lekel sa “keksoz degoutan” ki ti pe “debout dan landrwa Sen” dan premye syek e ki bann Kretyen ki ti pe viv Zerizalenm ti bezwen fer deswit? (Mat. 24:15, NW, 16) (2) Akoz i ti demann lafwa pour kit sa lavil? (3) Ki sakrifis zot ti bezwen fer pour kit sa lavil? (4) Akoz Naham ek Abital ti tarde? (Mat. 24:17, 18) (5) Dan ki lot fason lafwa Rachel ti ganny teste kan i ti pe kit Zerizalenm? (Mat. 10:34-37; Mark 10:29, 30) (6) Ki mannyer Ethan in kit en bon legzanp lafwa ek konfyans dan Zeova? (7) Ki bann difikilte bann Kretyen ti eksperyanse dan lavil Pela? (8) Ki mannyer lafwa Naham ek Abital ti afeblir ptitapti? (9) Ki mannyer Zeova ti pran swen avek bann Kretyen ki ti pe viv dan lavil Pela? (Mat. 6:33; 1 Tim. 6:6-8) (10) Ki mannyer nou kapab imit lafwa Abraam ek Sara anmezir ki nou fer fas avek lafen sa move lemonn? (Ebr. 11:8-10) (11) Ki mannyer Naham ek Abital ti konvenk zot lekor pour retourn Zerizalenm e akoz sa ti en fo rezonnman? (Lik 21:21) (12) Ki ti vre sityasyon lavi kan Naham ek Abital ti retourn Zerizalenm? (13) Akoz nou devret ranforsi nou lafwa la konmela avan lafen sa move lemonn?—Lik 17:31, 32; 21:34-36.
Mars par lafwa i vedir (1) annan konfyans dan gidans Zeova, (2) les son gidans diriz nou lepa e (3) montre ki bann keksoz spirityel i pli enportan ki bann keksoz materyel. Annou toultan determinen pour mars par lafwa e annan konfyans ki sa “lemonn pou disparet ek tou son bann dezir, me sa ki fer lavolonte Bondye i reste eternelman.”—1 Zan 2:17.