Jehovah Kiang Pan Hehnepna Zong Un

1. Saltang Jew mite ii dinmun gen in.

ယေဟောဝါ​ဘုရားကို ဂျူးတွေ အကြိမ်ကြိမ် ပုန်ကန်​ကြတယ်။ ကိုယ်တိုင်နဲ့ ဘိုးဘေး​တွေ​ရဲ့ အပြစ်ကြောင့် ဗာဗုလုန်​ပြည်ကို သုံ့ပန်း​အဖြစ် ဖမ်းသွား​ခံရကြတယ်။ နေရင်းပြည်​လည်း ဖျက်ဆီး​ခံလိုက်ရပြီ။ (၂ ရာ. ၃၆:၁၅၊ ၁၆၊ ၂၀၊ ၂၁) သုံ့ပန်း​ဘဝ ရောက်သွားတဲ့ ဂျူးတွေ ဘယ်လို ခံစားကြရ​သလဲ။ သုံ့ပန်း​အဖြစ် ပါ​သွား​ပေမဲ့ ဗာဗုလုန်​ပြည်မှာ အတော်အတန် လွတ်လွတ်လပ်လပ် နေခွင့်​ရကြတယ်။ (ယေ. ၂၉:၄-၇) ဘယ်လောက်ပဲ လွတ်လပ်​ပါ​စေ အဆင်မပြေတာ​တွေ ရှိတယ်။ သုံ့ပန်း​ဘဝ​ဆိုတာ သူတို့ နေချင်​တဲ့ ဘဝမျိုး မဟုတ်တာ​လည်း သေချာတယ်။ “ဇိအုန်​ကို လွမ်းဆွတ်​တဲ့အခါ ဗာဗုလုန်​မြို့ရဲ့ မြစ်​ကမ်း​ဘေး​တွေ​မှာ ထိုင်ပြီး ငါတို့ ငိုကြတယ်” လို့ သစ္စာရှိ ဂျူး​သုံ့ပန်း​တစ်ယောက် ပြောတယ်။ (ဆာ. ၁၃၇:၁) ဂျူး​သုံ့ပန်း​တွေ စိတ်ဓာတ်ကျ​နေ​လို့ နှစ်သိမ့်မှု လိုနေတယ်။ ဘယ်ကနေ နှစ်သိမ့်မှု ရမလဲ။

2-3. (a) Jehovah in saltang Jew mite ading bang sepsak a hiam?(b) Hih sin ding thu-ah bang thu kikum ding i hiam?

^၂ ယေဟောဝါဟာ “နှစ်သိမ့်ခြင်း​အမျိုးမျိုးရဲ့ အရှင်” ဖြစ်တယ်။ (၂ ကော. ၁:၃) ကျေးကျွန်တွေကို ချစ်တယ်၊ နှစ်သိမ့်ပေး​ချင်တယ်။ သုံ့ပန်း​တချို့ နောင်တရပြီး မိမိဆီ ပြန်လှည့်လာ​မယ်​ဆိုတာ သိတယ်။ (ဟေရှာ. ၅၉:၂၀) ဒါကြောင့် ဂျူးတွေ သုံ့ပန်း​ဘဝ မရောက်ခင် အနှစ် ၁၀၀ ကျော်​က​တည်းက ပရောဖက် ဟေရှာယကို စွမ်းအားတော်နဲ့ လမ်းညွှန်​ပြီး ကျမ်း​တစ်စောင် ရေးခိုင်းတယ်။ ဟေရှာယကျမ်း​လို့ ခေါ်တယ်။ ဘာကြောင့် ရေး​ခိုင်း​သလဲ။ သုံ့ပန်း​ဘဝမှာ ဂျူးတွေ နှစ်သိမ့်မှု လိုမယ်​ဆိုတာ သိလို့ ဟေရှာယကျမ်း​က​တစ်ဆင့် နှစ်သိမ့်ပေး​ရအောင် ရေး​ခိုင်း​တာ​ပါ။ ‘ဘုရားသခင်က “ငါ့​လူတွေကို နှစ်သိမ့်ပေးကြ။ နှစ်သိမ့်ပေးကြ​ပါ” လို့ ပြောတယ်’ ဆိုပြီး ဟေရှာယ ဖော်ပြတယ်။—ဟေရှာ. ၄၀:၁၊ ၂။

^၃ ဂျူး​သုံ့ပန်း​တွေ​လိုပဲ ကျွန်တော်တို့လည်း နှစ်သိမ့်မှု လို​ချိန်​တွေ ရှိတယ်။ ဂျူးသုံ့ပန်း​တွေ​ကို ယေဟောဝါ နှစ်သိမ့်ပေး​တဲ့ နည်း​သုံးနည်းကို ဒီဆောင်းပါးမှာ ဆွေးနွေး​ကြ​မယ်။ (၁) နောင်တရ​သူ​တွေကို ခွင့်လွှတ်​မယ်​လို့ ကတိ​ပေးခြင်း၊ (၂) မိမိလူမျိုးကို မျှော်လင့်ချက် ပေးခြင်း၊ (၃) စိုးရိမ်​ထိတ်လန့်​စိတ် လျော့​စေ​ခြင်း​ဆိုတဲ့ နည်း​သုံးနည်း​ပါ။ အဲဒီ​နည်း​တွေ သုံးပြီး ကျွန်တော်တို့ကိုလည်း ယေဟောဝါ ဘယ်လို နှစ်သိမ့်ပေး​ကြောင်း ဆွေးနွေး​ကြ​မယ်။

JEHOVAH’N HEHPIHNA NEI IN HONG MAISAK

4. Hehpihna tawh a kidim Pa ahih lam Jehovah in koi bangin lakkhia a hiam? (Isaiah 55:7)

^၄ ယေဟောဝါဟာ “ကရုဏာကြီးတဲ့​အဖ” ဖြစ်တယ်။ (၂ ကော. ၁:၃) နောင်တရတဲ့ သုံ့ပန်း​တွေ​ကို ခွင့်လွှတ်​မယ်​လို့ ကတိ​ပေးတာကို ထောက်ရင် ကရုဏာကြီး​တာ ထင်ရှားတယ်။ (ဟေရှာယ ၅၅:၇ ကို ဖတ်ပါ။) “ထာဝစဉ် ခိုင်မြဲတဲ့ မေတ္တာမျိုး​နဲ့ ကရုဏာ​ပြမယ်” လို့ ပြောတယ်။ (ဟေရှာ. ၅၄:၈) ကရုဏာ ဘယ်လို ပြသလဲ။ မနာခံမှု​ရဲ့ ဆိုးကျိုးတွေ​ကို ဂျူး​တစ်မျိုးလုံး နှစ်နဲ့ချီ ခံရ​ဦး​မှာ ဖြစ်ပေမဲ့ ဗာဗုလုန်​ပြည်မှာ တစ်သက်လုံး နေ​ရမှာ မဟုတ်ဘူးလို့ ယေဟောဝါ ကတိပေးတယ်။ (ဟေရှာ. ၄၀:၂) နောင်တရတဲ့ ဂျူးတွေ ဒီ​ကတိ​ကြောင့် နှစ်သိမ့်မှု ရသွား​ကြ​မှာ​ပဲ။

5. Jehovah in hehpihna nei in hong maisak ding ahih lam saltang Jew mite sangin eite in ba’hang lungmuang zaw thei i hiam?

^၅ သင်ခန်းစာ။ ကျေးကျွန်တွေကို ယေဟောဝါ အကြွင်းမဲ့ ခွင့်လွှတ်​ပေးချင်တယ်။ ယေဟောဝါ ကရုဏာ​ထားပြီး ခွင့်လွှတ်ပေးမယ်​ဆိုတာကို ဂျူး​သုံ့ပန်း​တွေ​ထက် ကျွန်တော်တို့ ပို​စိတ်ချနိုင်တယ်။ ဘာကြောင့်လဲ။ ခွင့်လွှတ်​လို့ ရအောင် ယေဟောဝါ ဘာ​လုပ်ပေးခဲ့​သလဲ​ဆိုတာ သိထားလို့ပဲ။ ဟေရှာယ ကြိုဟော​ပြီး နှစ်​ရာချီ​အ​ကြာမှာ ချစ်သား​ယေရှုကို မြေကြီးပေါ် ယေဟောဝါ စေလွှတ်ခဲ့တယ်။ နောင်တရတဲ့ အပြစ်သား​အားလုံး​အတွက် ရွေးဖိုး​ပေးဖို့​ပါ။ အဲဒီ​ရွေးဖိုး​ကို အခြေခံပြီး အပြစ်တွေကို အပြီး​တိုင် “ပယ်ဖျက်” လိုက်တယ်။ (တ. ၃:၁၉။ ဟေရှာ. ၁:၁၈။ ဧ. ၁:၇) ယေဟောဝါဟာ တကယ် ခွင့်လွှတ်တဲ့ ကရုဏာရှင်​ပါပဲ။

6. Jehovah’ maisakna thu i mitsuanna in koi bangin hehnepna hong ngahsak a hiam? (Lim zong en in.)

^၆ နောင်တ​ယူပြီးနောက်​မှာ​တောင် အတိတ်က အမှားတွေ​အတွက် အပြစ်ရှိတယ်လို့ တချို့ တနုံ့နုံ့ ခံစားရနိုင်တယ်။ အထူးသဖြင့် ကိုယ့်​အမှား​ကြောင့် ဆိုးကျိုးတွေ ခံစား​နေ​ရရင်​ပေါ့။ အဲဒီလို​ခံစား​နေ​ရတယ်​ဆိုရင် ဟေရှာယ ၅၅:၇ မှာ ပါတဲ့ ယေဟောဝါရဲ့ စကားတွေက နှစ်သိမ့်မှု ဖြစ်စေနိုင်တယ်။ အမှား ဝန်ခံပြီး​ပြီ၊ အမှား ဆက်​မလုပ်တော့ဘူး​ဆိုရင် ယေဟောဝါ ခွင့်​လွှတ်လိုက်ပြီ​ဆိုတာ စိတ်ချနိုင်တယ်။ ယေဟောဝါက ခွင့်လွှတ်​ပြီ​ဆိုရင် ကျွန်တော်တို့ရဲ့ အပြစ်တွေ​အကြောင်း မစဉ်း​စား​တော့​ဘူး။ (ယေ​ရမိ ၃၁:၃၄ နဲ့ နှိုင်းယှဉ်ပါ။) ယေဟောဝါ​တောင် မစဉ်း​စား​တော့​ရင် ကျွန်တော်တို့လည်း မစဉ်း​စား​သင့်​တော့​ဘူး။ ကျွန်တော်တို့ ဘာ​အမှားတွေ လုပ်ခဲ့တယ်​ဆိုတာ​ထက် လက်ရှိ ဘာတွေ လုပ်နေတယ်​ဆိုတာက​သာ ယေဟောဝါ​အတွက် အရေးကြီးတာ​ပါ။ (ယေဇ. ၃၃:၁၄-၁၆) အမှား​ကြောင့် ခံစားရတဲ့ ဆိုးကျိုး​မှန်သမျှကို ကရုဏာကြီးတဲ့​အဖ မကြာခင် အပြီး​တိုင် ဖယ်ရှား​ပေးပါတော့မယ်။

7. Mawhna lian selcip kha leng pawlpi upate kiangah i pulak theih nadingin bangin hong hanthawn thei a hiam?

^၇ ကြီးလေးတဲ့​အပြစ် ဖုံးထား​လို့ အမှားအမှန်​သိစိတ် ဒုက္ခပေး​နေ​ရင် ဘာလုပ်သင့်သလဲ။ အကြီးအကဲတွေဆီ အကူအညီ တောင်းဖို့ ကျမ်းစာ အားပေးတယ်။ (ယာ. ၅:၁၄၊ ၁၅) အပြစ်​ဝန်ခံပြီး အကူအညီ တောင်းဖို့​ဆိုတာ လွယ်တော့ မလွယ်ဘူး။ ဒါပေမဲ့ ကျွန်တော်တို့ကို ကူညီဖို့ အကြီးအကဲတွေကို ယေဟောဝါ သုံးတယ်၊ ယေဟောဝါ​လိုပဲ သူတို့ မေတ္တာကရုဏာ​ရှိတယ်​ဆိုတာ သတိရပါ။ ဒီအချက်ကို သတိရရင်၊ တကယ် နောင်တရ​ရင် အကြီးအကဲတွေဆီ အကူအညီ တောင်း​မှာ ဖြစ်တယ်။ လုပ်ခဲ့​မိ​တဲ့ အမှားတွေကြောင့် စိတ်ဒုက္ခ​ရောက်​ခဲ့​တဲ့ ညီ​အ​စ်ကို အာသာa အကြောင်း သုံးသပ်ကြည့်ပါ။ အကြီးအကဲတွေကို သုံးပြီး ယေဟောဝါ ဘယ်လို ကူညီပေးသလဲ။ “တစ်နှစ်လောက် ညစ်ညမ်း​ရုပ်ပုံ၊ ဗီဒီယိုတွေ ကျွန်တော် ကြည့်​ခဲ့တယ်။ ဒါပေမဲ့ သိစိတ်​အကြောင်း ဟောပြောချက်​တစ်ခု ကြားပြီးနောက် ဇနီး​နဲ့ အကြီးအကဲတွေကို ဝန်ခံ​လိုက်တယ်။ အဲဒီ​တော့မှ​ပဲ စိတ်​ပေါ့​သွားတယ်။ ဒါပေမဲ့ ကိုယ့်​လုပ်ရပ်ကို စိတ်ပျက်​မိ​နေတုန်းပဲ။ ကျွန်တော့်ကို ယေဟောဝါ မ​ပစ်ပယ်​ဘူး​ဆိုပြီး အကြီးအကဲတွေ အားပေးကြတယ်။ ကျွန်တော့်ကို ယေဟောဝါ ချစ်လို့ ဆုံးမ​တာ။ အကြီးအကဲတွေ​ရဲ့ နှစ်သိမ့်​စကားကြောင့် ကျွန်တော် စိတ်​ထိမိ​သွားတယ်။ ကိုယ့်ကို ယေဟောဝါ တကယ် ခွင့်လွှတ်​မှန်း စိတ်ချ​သွားတယ်” လို့ အာသာ ပြောတယ်။ အခုဆိုရင် မှန်မှန်ရှေ့ဆောင်၊ အသင်းတော် အမှုထမ်းအဖြစ် အမှုဆောင်​နေပြီ။ နောင်တ​စစ်​ရရင် ကရုဏာရှင် ယေဟောဝါ ခွင့်လွှတ်ဖို့ အသင့်ရှိကြောင်း သိရတာ နှစ်သိမ့်မှု ဖြစ်စေတယ်။

JEHOVAH’N LAMETNA HONG PIA

8. (a) Jehovah in saltang Jew mite bang lametna pia a hiam? (b) Isaiah 40:29-31-a a gen mah bangin, Pasian piak lametna hanga a kisikkik Jew mite’ lungsim koi bangin om a hiam?

^၈ လူ့အမြင်အရ ကြည့်ရင် ဂျူး​သုံ့ပန်း​တွေ မျှော်လင့်ချက် မဲ့​နေ​ပုံ​ပဲ။ ဗာဗုလုန်​ကမ္ဘာ့အာဏာစက်ဟာ သုံ့ပန်း​တွေ​ကို ပြန်လွှတ်ပေးရိုး ထုံးစံ မရှိဘူး။ (ဟေရှာ. ၁၄:၁၇) ဒါပေမဲ့ ယေဟောဝါ မျှော်လင့်ချက် ပေးတယ်။ သုံ့ပန်း​ဘဝကနေ လွတ်ပြီး ပြည်တော်ပြန်​ခွင့်​ရမယ်ဆိုတဲ့ မျှော်လင့်ချက်ပါ။ ယေဟောဝါရဲ့ စကားတွေ ပြည့်စုံ​မလာအောင် ဘာကမှ မတားဆီးနိုင်ဘူး။ (ဟေရှာ. ၄၄:၂၆။ ၅၅:၁၂) ယေဟောဝါရဲ့ အမြင်မှာ ဗာဗုလုန်​ဟာ ဖုန်​မှု​န့်​သာ​သာ​ပဲ။ (ဟေရှာ. ၄၀:၁၅) ဗာဗုလုန်​ပြည်​ကနေ မိမိလူမျိုးကို ကယ်လွှတ်​ဖို့​ဆိုတာ အလွယ်လေးပဲ။ ဖုန်​မှု​န့်​တွေ လွင့်​သွား​အောင် လေ​တစ်ချက် မှုတ်လိုက်ရုံလောက်​ကို လွယ်​တာ။ ဘုရားပေး မျှော်လင့်ချက်ကြောင့် နောင်တရတဲ့ ဂျူးတွေ ဘယ်လို ခံစားရသလဲ။ နှစ်သိမ့်မှု ရသွားကြတယ်။ ဒါ့အပြင် “ယေဟောဝါကို မျှော်လင့်တဲ့​သူ​တွေ​ကတော့ ခွန်အား ပြန်​ပြည့်​လာ​လိမ့်မယ်” လို့ ဟေရှာယ ပြောတယ်။ (ဟေရှာယ ၄၀:၂၉-၃၁ ကို ဖတ်ပါ။) မှန်ပါတယ်၊ မျှော်လင့်ချက်ကြောင့် အားတက်သွား​တဲ့ ဂျူးတွေ​ဟာ “တောင်ပံ​ဖြန့်​ပြီး ပျံဝဲ” တဲ့ “လင်းယုန်” လို ဖြစ်လာကြတယ်။

9. Jehovah’ gen bangin hong piang takpi ding ahih lam saltang Jew mite in ba’hang um uh a hiam?

^၉ မိမိ ပြောတဲ့​အတိုင်း တကယ် ဖြစ်​လာမယ်​ဆိုတာ ယုံကြည်စိတ်ချနိုင်​တဲ့ အထောက်အထားတွေ​လည်း ဂျူး​သုံ့ပန်း​တွေ​ကို ယေဟောဝါ ပေးတယ်။ ဘာ​အထောက်အထားတွေ​လဲ။ သူတို့​ခေတ်မှာ ပြည့်စုံ​သွားပြီး ဖြစ်တဲ့ ကြိုဟောချက်​တွေကို စဉ်းစားကြည့်ပါ။ ဥပမာ၊ မြောက်ပိုင်း အစ္စရေး​ဆယ်နွယ်နိုင်ငံ​ကို အဆီးရီးယား​တွေ သိမ်း​ပြီး လူတွေကို သုံ့ပန်း​အဖြစ် ခေါ်သွားတာ သူတို့ သိတယ်။ (ဟေရှာ. ၈:၄) ဗာဗုလုန်တွေ​လက်ချက်​နဲ့ ဂျေရုဆလင်​မြို့ ဖျက်ဆီး​ခံရပြီး မြို့သားတွေ သုံ့ပန်း​အဖြစ် ပါ​သွားတာ မြင်ရတယ်။ (ဟေရှာ. ၃၉:၅-၇) ဇေဒကိမင်း မျက်စိ​ဖောက်​ခံရပြီး ဗာဗုလုန်​ကို ခေါ်သွား​ခံရတာ​လည်း သူတို့ သိနေတာ​ပဲ။ (ယေ. ၃၉:၇။ ယေဇ. ၁၂:၁၂၊ ၁၃) ယေဟောဝါ ကြိုဟော​သမျှ ပြည့်စုံ​ခဲ့တယ်။ (ဟေရှာ. ၄၂:၉။ ၄၆:၁၀) ဒါကြောင့် လွတ်မြောက်​စေမယ်​ဆိုတဲ့ ကြိုဟောချက်​လည်း ပြည့်စုံ​လာမယ်​ဆိုတာ အခိုင်အမာ စိတ်ချ​သွား​ကြ​မှာ​ပဲ။

10. Hun nunung sungah lametna i neihsuak nadingin bangin hong huh thei a hiam?

^၁၀ သင်ခန်းစာ။ စိတ်ပျက်​အားငယ်ချိန်​မှာ အနာဂတ် မျှော်လင့်ချက်က နှစ်သိမ့်ပေး​နိုင်တယ်၊ ခွန်အား​ပြန်​ပြည့်​စေနိုင်တယ်။ ခေတ်ဆိုးခေတ်ကျပ်​ကြီး​ထဲမှာ ကျွန်တော်တို့ အသက်ရှင်​ကြရတယ်။ အင်အားကြီး ရန်သူတွေ ဆန့်ကျင်တာ ကြုံရတယ်။ ဒါပေမဲ့ စိတ်ပျက်​အားငယ်​စရာ မလိုဘူး။ သိပ်ကောင်းတဲ့ မျှော်လင့်ချက် ယေဟောဝါ ပေးထားလို့ပဲ။ ငြိမ်သက်​လုံခြုံတဲ့ အသက်တာနဲ့ ထာဝစဉ် နေထိုင်​ရမယ်ဆိုတဲ့ အံ့ဖွယ်​မျှော်လင့်ချက်ပါ။ အဲဒီ​မျှော်လင့်ချက်ကို တောက်ပ​နေ​စေ​ရမယ်။ မျှော်လင့်ချက် မှေးမှိန်​နေ​ရင် မြင်ကွင်း သိပ်​လှ​ပေမဲ့ ဖုန်​တက်နေတဲ့ ပြတင်းပေါက်​မှန်​ကနေ ကြည့်​လို့ မှုန်ဝါးဝါး​ပဲ မြင်နေရတာ​နဲ့ တူသွားမယ်။ “ပြတင်းပေါက်​မှန် ကြည်​အောင်၊” တစ်နည်းအားဖြင့် မျှော်လင့်ချက် တောက်ပ​နေ​အောင် ဘာလုပ်ရမလဲ။ ကမ္ဘာသစ်​အသက်တာကို မှန်မှန် အချိန်ယူ တွေးတောပါ။ မျှော်လင့်ချက်​အကြောင်း ဆောင်းပါးတွေ ဖတ်ပါ။ ဗီဒီယိုတွေ ကြည့်ပါ။ သီချင်းတွေ နားထောင်ပါ။ ပြည့်စုံစေချင်​လှ​ပြီ ဖြစ်တဲ့ ကတိတွေ​အကြောင်း ယေဟောဝါဆီ ဆုတောင်း​ပြောပြပါ။

11. Kum sawt natnate a nei unaunu khat tha a dimkik nadingin bangin na huh a hiam?

^၁၁ နာတာရှည်​ရောဂါတွေ စုံ​နေတဲ့ ညီအစ်မ ဂျွိုင်း​ကို မျှော်လင့်ချက်က ဘယ်လို ခွန်အား​ပြန်​ပြည့်​စေ​ခဲ့​ကြောင်း သုံးသပ်ကြည့်ပါ။ “ကျွန်မ​ခံစားချက်တွေကို ယေဟောဝါ​ဘုရား နားလည်​ပေးမယ်​ဆိုတာ ယုံလို့ စိတ်​မွန်းကျပ်​လာတဲ့အခါ ခံစားရ​သမျှ​ကို အိတ်သွန်ဖာမှောက် ဆုတောင်း​ပြောပြတယ်။ အဲဒီလို​ပြောပြ​လိုက်တဲ့အခါ ‘သာမန်ထက် ထူးကဲတဲ့ တန်ခိုး’ ယေဟောဝါ ပေးတယ်” ဆိုပြီး ပြောတယ်။ (၂ ကော. ၄:၇) ‘“နေမကောင်းဘူး” လို့ ပြည်သူ​ပြည်သားတွေ မ​ညည်း​ရတော့​မယ့်’ ကမ္ဘာသစ်​မှာ ရောက်နေတယ်လို့ ညီအစ်မ မြင်ယောင်​ကြည့်တယ်။ (ဟေရှာ. ၃၃:၂၄) ကျွန်တော်တို့လည်း ယေဟောဝါကို ရင်ဖွင့်​မယ်၊ မျှော်လင့်ချက်ကို တောက်ပ​နေ​စေမယ်​ဆိုရင် ခွန်အား​ပြန်​ပြည့်​လာပါလိမ့်မယ်။

12. Jehovah’ gen mah bangin hong piang takpi ding ahih lam ba’hang um thei i hiam? (Lim zong en in.)

^၁၂ မိမိ ပြောတဲ့​အတိုင်း တကယ် ဖြစ်​လာမယ်​ဆိုတာ ယုံကြည်စိတ်ချနိုင်​တဲ့ အထောက်အထားတွေ ဂျူး​သုံ့ပန်း​တွေ​ကို ယေဟောဝါ ပေး​သလို ကျွန်တော်တို့ကိုလည်း ပေးတယ်။ ကျွန်တော်တို့​ခေတ်မှာ ပြည့်စုံ​နေတဲ့ ကြိုဟောချက်​တွေကို စဉ်းစားကြည့်ပါ။ ဥပမာ၊ “ခိုင်မာ​ခြင်း​တစ်ဝက်၊ ကျိုးပဲ့​လွယ်ခြင်း​တစ်ဝက် ရောနှော​နေ” တဲ့ အင်္ဂလိပ်-အမေရိကန် ကမ္ဘာ့အာဏာစက်ကို မြင်ရတယ်။ (ဒံ. ၂:၄၂၊ ၄၃) ‘တစ်နေရာပြီး တစ်နေရာ ငလျင်​လှုပ်​တဲ့’ သတင်းတွေ ကြားရတယ်။ “လူမျိုး​အားလုံး” ဆီ သတင်းကောင်း ရောက်နေတယ်။ (မ. ၂၄:၇၊ ၁၄) ဒီ​ကြိုဟောချက်​တွေ​နဲ့ တခြား​ကြိုဟောချက်​တွေ ပြည့်စုံ​နေတာ မြင်ရလို့ ကျွန်တော်တို့ မျှော်လင့်​နေတာ​တွေ​လည်း တကယ် ဖြစ်​လာမယ်​ဆိုတာ စိတ်ချနိုင်ပါတယ်။

JEHOVAH’N I LUNGHIMAWHNA KIAMSAK

13. (a) A suahtak ding uh a naih hun ciang Jew mite in bang haksatna tuakkha ding uh a hiam? (b) Isaiah 41:10-13-a a gen mah bangin, Jehovah in saltang Jew mite koi bangin hehnem a hiam?

^၁၃ လွတ်မြောက်မယ်​ဆိုတဲ့ မျှော်လင့်ချက် သုံ့ပန်း​တွေ​ကို ပေးပေမဲ့ လွတ်မြောက်ဖို့ နီး​လေ ခက်​လေ ဖြစ်မယ်​ဆိုတာ ယေဟောဝါ သိတယ်။ ဂျူး​သုံ့ပန်း​ဘဝ အဆုံးတိုင်​ခါ​နီး​မှာ ဗာဗုလုန်​တစ်ဝိုက်​က မြို့တွေ​ကို၊ အဲဒီနောက် ဗာဗုလုန်​ကို အင်အားကြီး မင်း​တစ်ပါး တိုက်ခိုက်​သိမ်းပိုက်​မယ်​ဆိုပြီး ကြိုဟောတယ်။ (ဟေရှာ. ၄၁:၂-၅) ဂျူးတွေ စိုးရိမ်​ထိတ်လန့်စရာ လိုသလား။ “မကြောက်နဲ့။ မင်းနဲ့​အတူ ငါ​ရှိတယ်။ မစိုးရိမ်နဲ့။ ငါဟာ မင်းရဲ့ ဘုရားသခင်ပါ” ဆိုပြီး ဟိုး​နှစ်ပေါင်းများစွာ​က​တည်းက ယေဟောဝါ ကြိုပြောထားတယ်။ (ဟေရှာယ ၄၁:၁၀-၁၃ ကို ဖတ်ပါ။) “ငါဟာ မင်းရဲ့ ဘုရားသခင်ပါ” ဆိုတာ ဘာကို ဆိုလိုသလဲ။ ယေဟောဝါဟာ ဘုရား ဖြစ်မှန်း ဂျူးတွေ သိပြီးသားပဲ။ ဒါကြောင့် မိမိကို ဝတ်ပြုဖို့ သတိပေး​နေတာ မဟုတ်ဘူး။ ဂျူးတွေ​နဲ့ အတူ မိမိ ရှိနေဆဲ​ပဲ​ဆိုတာ သတိပေး​နေတာပါ။—ဆာ. ၁၁၈:၆။

14. Jehovah in saltang Jew mite pen a dang koi bang dan tawh a lunghimawhna uh kiamsak a hiam?

^၁၄ မိမိရဲ့ အံ့မခန်းဖွယ် တန်ခိုး၊ ဉာဏ်ပညာ​အကြောင်း အမှတ်ရ​စေ​ခြင်းအားဖြင့်​လည်း ဂျူး​သုံ့ပန်း​တွေ​ကို ယေဟောဝါ စိုးရိမ်​ထိတ်လန့်​စိတ် လျော့​စေ​တယ်။ ကောင်းကင်ကို မော့ကြည့်ဖို့ ယေဟောဝါ ပြောတယ်။ ကြယ်တွေ​ကို ဖန်ဆင်း​ခဲ့​ရုံ​မက ကြယ်​တစ်လုံးစီ​ရဲ့ နာမည်ကို သိကြောင်း သူတို့ကို ပြောပြတယ်။ (ဟေရှာ. ၄၀:၂၅-၂၈) ကြယ်​တစ်လုံးစီ​ရဲ့ နာမည်ကို သိရင် ကျေးကျွန်​တစ်ယောက်စီ​ရဲ့ နာမည်ကို သိမှာ အသေအချာ​ပါပဲ။ ကြယ်တွေ​ကို ဖန်ဆင်း​နိုင်စွမ်း ရှိရင် ကျေးကျွန်​တစ်ယောက်စီ​ကို ခွန်အား​ပေးနိုင်စွမ်း ရှိမှာ အသေအချာ​ပါပဲ။ ဂျူး​သုံ့ပန်း​တွေ စိုးရိမ်​ထိတ်လန့်စရာ​အကြောင်း မရှိဘူး။

15. Pasian in saltang Jew mite mailam ah a tuahkhak ding nate ading koi bangin kithawi kholsak a hiam?

^၁၅ ရှေ့မှာ ကြုံရမယ့်​အရာတွေအတွက် ဂျူး​သုံ့ပန်း​တွေ​ကို ယေဟောဝါ ပြင်ဆင်​ပေးတယ်။ “အတွင်းခန်း​တွေ​ထဲ ဝင်​သွားပြီး တံခါးပိတ်​ထား​ကြ။ ငါ့အမျက် ပြေသွားချိန်အထိ ခဏလေး ပုန်းရှောင်​နေကြ​ပါ” လို့ ဟေရှာယ ၂၆:၂၀ မှာ ယေဟောဝါ ပြောတယ်။ ဗာဗုလုန်​ကို ဆိုင်းရပ်​မင်း တိုက်ခိုက်ချိန်​မှာ ဒီ​လမ်းညွှန်ချက်ကို ဂျူးတွေ လိုက်နာ​ခဲ့​ပုံ​ရတယ်။ ဗာဗုလုန်​ကို တိုက်ခိုက်ချိန်​မှာ “အိမ်ပြင်​မှာ တွေ့​သမျှ လူအားလုံးကို သတ်ပစ်ဖို့” စစ်သားတွေကို ဆိုင်းရပ်​မင်း အမိန့်ပေးတယ်​ဆိုပြီး ရှေး​ဂရိ​သမိုင်း​ပညာရှင်​တစ်ယောက် ဆိုတယ်။ ဗာဗုလုန်​မြို့သားတွေ စိုးရိမ်​ထိတ်လန့်​နေနိုင်တယ်။ ဒါပေမဲ့ ယေဟောဝါရဲ့ လမ်းညွှန်ချက်တွေကို လိုက်နာ​တဲ့ ဂျူး​သုံ့ပန်း​တွေ​ကတော့ လွတ်မြောက်သွား​ပုံ​ရတယ်။

16. Ba’hang mailam ading lunghimawh luat ding kisam lo i hiam? (Lim zong en in.)

^၁၆ သင်ခန်းစာ။ လူ့​သမိုင်းမှာ တစ်ခါမှ မကြုံဖူး​သေး​တဲ့ ကြီးစွာသောဒုက္ခ မကြာခင် စတော့​မယ်။ ကြီးစွာသောဒုက္ခ စတဲ့အခါ လောကက လူတွေ စိုးရိမ်​ထိတ်လန့်​သွား​ကြ​မှာ။ ယေဟောဝါရဲ့ လူမျိုး ကျွန်တော်တို့​ကတော့ စိုးရိမ်​ထိတ်လန့်​မှာ မဟုတ်ဘူး။ ယေဟောဝါဟာ ကျွန်တော်တို့ရဲ့ ဘုရား ဖြစ်မှန်း သိထားလို့​ပါပဲ။ “ကယ်တင်​မယ့်​အချိန် ရောက်ခါနီးပြီ ဖြစ်လို့ မတ်​မတ်​ရပ်ပြီး ခေါင်းမော့​ထား” နိုင်​ကြ​မယ်။ (လု. ၂၁:၂၈) နိုင်ငံပေါင်းစုံ မဟာမိတ် တိုက်ခိုက်​လာချိန်​မှာ​လည်း အခိုင်အမာ ရပ်တည်​နိုင်​ကြ​မယ်။ ကောင်းကင်တမန်တွေ သုံးပြီး ကျွန်တော်တို့ကို ယေဟောဝါ ကာကွယ်ပေးမယ်။ အသက်ကယ် လမ်းညွှန်ချက်တွေ ပေးမယ်။ လမ်းညွှန်ချက်တွေ ဘယ်လို ပေး​မလဲ​ဆိုတာတော့ မသိသေးဘူး။ အသင်းတော်တွေက​တစ်ဆင့် ပေးတာ ဖြစ်နိုင်တယ်။ ဒါကြောင့် “အတွင်းခန်း​တွေ” ဆိုတာ အသင်းတော်တွေကို ပြောတာ ဖြစ်နိုင်တယ်။ အသင်းတော်က လာတဲ့ လမ်းညွှန်ချက်တွေကို လိုက်နာခြင်းအားဖြင့် ကျွန်တော်တို့ ငြိမ်သက်လုံခြုံ​နိုင်​ကြတယ်။ ရှေ့မှာ ကြုံရမယ့်​အရာတွေအတွက် ဘယ်လို ပြင်ဆင်​နိုင်သလဲ။ ညီ​အ​စ်ကို/မတွေ​နဲ့ နီးနီးကပ်ကပ် နေပါ။ အဖွဲ့အစည်းရဲ့ လမ်းညွှန်ချက်တွေကို နာခံဖို့ အသင့်ရှိ​ပါ။ အဖွဲ့အစည်းကို ယေဟောဝါ ဦးဆောင်​နေတယ်​ဆိုတာ စိတ်ချပါ။—ဟီ. ၁၀:၂၄၊ ၂၅။ ၁၃:၁၇။

17. Jehovah kiang pan hehnepna koi bangin kingah thei i hiam?

^၁၇ သုံ့ပန်း​ဘဝမှာ အဆင်မပြေတာ​တွေ ရှိပေမဲ့ ဂျူးတွေကို ယေဟောဝါ နှစ်သိမ့်​အားပေးခဲ့တယ်။ ကျွန်တော်တို့ကိုလည်း နှစ်သိမ့်​အားပေးမယ်။ အနာဂတ်မှာ ဘာပဲ​ကြုံကြုံ ယေဟောဝါဆီက နှစ်သိမ့်မှု ဆက်​ရယူ​နေပါ။ ဘယ်လို ရ​ယူနိုင်သလဲ။ နောင်တရ​သူ​တွေကို ယေဟောဝါ တကယ် ခွင့်လွှတ်တယ်၊ ဂရုစိုက်တယ်​ဆိုတာ စိတ်ချပါ။ မျှော်လင့်ချက်ကို တောက်ပ​နေစေပါ။ ယေဟောဝါဟာ ကျွန်တော်တို့ရဲ့ ဘုရား ဖြစ်လို့ ဘာကို​မှ စိုးရိမ်​ထိတ်လန့်​နေစရာ မလိုဘူး​ဆိုတာ သတိရပါ။