Idi bedʼea zroma bʉba, ũdu bibʉ Daizeze Nokʼo zeita arakaita bata (Lucas 21:10, 11, DB; 2 Timoteo 3:1-5)

Dããrãba Daizeze Bedʼeaba jarasi, idi mejãcha bedʼea zroma ũdu daita. Wũãwũãbara ũrĩ ẽ baita yi barirãra bedʼeara, akʉza baita ẽbẽra zʉbʉria kʼede akʉ ẽata, adewara audre jʉrʉ panʉ platata Daizezeĩra, akʉza opanʉ ãya audre kãga bʉta.

Akʉza Daizeze Bedʼeabara jarasi ũdu daita drʉa ureta, jarrabata, kayata, yõta, zʉbʉria mejãcha, idi za ũdu panʉ kĩrãk’a.

Jesubara jarasi Daizeze Bedʼeara jaradia daita naʉ̃ drʉa jõmaʉ̃nẽ, iyi Nokʼo ʉ̃rʉ (Mateo 24:14, DB).

Daizeze Nokʼobara jõma jõbiyi kayiruarã (2 Pedro 3:13)

Jeowabara aranʉ makenañi ẽbẽra kayiruarãra.

Diarʉta akʉza iyi angelerã kayirua bawara makĩnĩñi.

Ẽbẽra Daizeze Bedʼea ũrĩ bʉra, zobia panañi, ãyiraĩ yi kãga panañi, akʉza ãyiraĩ yi ĩjãpanañi, ẽjũã kĩrãwãreãnẽ pera ẽa panañi.

Ẽbẽrarã mejãcha bei kuadara jẽda piradrʉ biyi naʉ̃ drʉade Daizezebara (Hechos 24:15, DB)

Bʉa krĩchara ne jõma k’ãrẽ ne bia ũduita Jeowa bedʼea ũrĩra. Mia kaita kaya ẽ bayi, mia k’ãrẽba sãwũã ẽ bayi, jõma bia panañi. Naʉ̃ drʉa jõmaʉ̃nẽ, ne ẽ bayi ẽbẽra kayiruarã.

Mia abauta pʉa ne ẽ bayi, akʉza mia kaita zõna ba ẽ bayi mia bei ẽ bayi.

Ẽjũã kĩrãwãreãnẽra bayi bʉ ne ũdu k’awuarãta, akʉzabʉ mebẽrãta bʉme, k’ãrẽ kĩrãk’a biga bai mama baira.

Jõma ẽbẽrarã zobia panañi, maʉ̃ba perada ẽ bayi.

Daizeze Nokʼoba zokʼa bʉrʉdera jõma jõbiyi zʉbʉriara (Revelación [Apocalipsis] 21:3, 4)

Daizezebara ũrĩbʉ dayirã yiwid’i bʉra (1 Pedro 3:12)

Jeowabara dayirã yiwid’i bʉra ũrĩbʉ (Hechos 10:31, DB). Maʉ̃ba kãgabʉ iyara dayirã zode bʉta jara marẽã.

Bʉra Jeowa abaʉʼa bʉrʉ yiwid’i bara, mia k’aia yiwid’i be ẽ.

Daizezeʼara jaraseabʉ ne jõma (1 Juan 5:14)

Widira Daizezeba we marẽã aranʉ bai, ʉ̃tʉ bʉ kĩrãk’a nama egorode bida.

Yiwid’i seabʉa k’areba marẽã ne bia oita, adewara dayi trajaita, akʉza de ũduita, yiko ũduita, akʉza kaya kĩdeta k’arebaita.

Yiwid’ira Jesutrʉ̃neba. Mawũã ũdubiyi iya odara biga basita bʉitara.