6-12 CHAʼAN MAYO
SALMOS 36, 37
Cʼay 87 yicʼot oración | Tʼan tac chaʼan i tejchibal (1 min.)
1. Mach a wen acʼ ti a pusicʼal i melbal jiñi jontoloʼ bʌ
(10 min.)
Jiñi jontolil miʼ wen acʼ wocol yicʼot miʼ yʌcʼonla ti pensar (Sal. 36:1-4; w17.04 11 párr. 4).
Cheʼ mi lac michʼan chaʼan chuqui tac miʼ melob jiñi jontoloʼ bʌ mucʼ jach i ticʼlañonla (Sal. 37:1, 7, 8; w22.06 10 párr. 10).
Cheʼ mi lac ñaʼtan jiñi albil tac bʌ i chaʼan Jehová miʼ yʌqʼueñonla ñʌchʼtʌlel (Sal. 37:10, 11; w17.04 11 párr. 5, 6).
CʼAJTIBEN A BɅ: «Cheʼ bʌ mij qʼuel jiñi noticia tac chaʼan chuqui tac miʼ melob lac piʼʌlob, ¿muʼ ba j cʌlʌx acʼ tic pusicʼal?».
2. Laʼ lac sʌclan ñuc tac bʌ i cʼʌjñibal
(10 min.)
Sal. 36:6. ¿Chuqui yom i yʌl jiñi salmista cheʼ bʌ tsiʼ yʌlʌ chaʼan i tojel Jehová lajal bajcheʼ wits? (it-2-S 424).
¿Chuqui ñuc tac bʌ i cʼʌjñibal tsaʼ taja tiʼ pejcʌntel jiñi Biblia ili semana?
3. I pejcʌntel jiñi Biblia
(4 min.) Sal. 37:1-26 (th cʌntesʌntel 10).
4. ¿Bajcheʼ miʼ mejlel a tech tʼan?
(3 min.) SUBTʼAN TI OTOT TAC. (lmd lección 1 punto 5).
5. Mele revisita tac
(4 min.) SUBTʼAN BAQUI JACH AÑONLA. Suben jumpʼejl estudio loqʼuem bʌ ti Biblia juntiquil lac piʼʌl mach bʌ yomic estudio ti ñaxan (lmd lección 9 punto 4).
6. Discurso
(5 min.) ijwbv 45. Título: ¿Chuqui yom i yʌl Salmo 37:4? (th cʌntesʌntel 13).
Cʼay 33
7. ¿Chajpʌbilet ba chaʼan jiñi i «yorajlel wocol»?
(15 min.) Tsajin yicʼot yaʼ bʌ tempʌbilob.
Tiʼ pejtelel pañimil an ujtem yujquel lum, butʼjaʼ, guerra yicʼot yan tac bʌ, tiʼ caj iliyi cabʌl hermanojob an i sʌtʌyob chuqui añob i chaʼan o an i sʌtʌyob i familia (Sal. 9:9, 10). Ti lac pejtelel miʼ mejlel i tajonla wocol, jin chaʼan yom chajpʌbilonla.
Cheʼ woli a chajpan muʼ tac bʌ i cʼʌjñibʌyel a chaʼan ti jimbʌ ora,a ¿chuqui tac yambʌ miʼ mejlel i coltañet?
Wʌn chajpan a pusicʼal. Ñaʼtan chaʼan bajcheʼ jach ora an chuqui miʼ mejlel ti ujtel. Jin chaʼan, ñaʼtañix majlel chuqui mi caj a mel ti jimbʌ ora. Mach a cʌlʌx cʼuxbin chuqui tac an a chaʼan, cheʼ jiñi mach wocolic mi caj a wubin chaʼan maʼ cʌy a chubʌʼan chaʼan maʼ coltan yambʌlob o chaʼan maʼ coltan a bʌ (Gn. 19:16; Sal. 36:9). Cheʼ jaʼel, cheʼ bʌ tsaʼix ñumi jiñi wocol mach cʌlʌx tsʌtsic mi caj a wubin chaʼan maʼ chaʼ tech chumtʌl anquese tsʼitaʼ jach chuqui an a chaʼan (Sal. 37:19).
Ñumen lʌcʼtesan a bʌ ti Jehová. Pʼʌtʼesan bajcheʼ añet a wicʼot Jehová chaʼan maʼ ñop chaʼan mucʼʌch caj i coltañet i yomʌch i mel (Sal. 37:18). Ñʌmtesan a bʌ a cʼajtesan chaʼan Jehová tiʼ pejtelel ora miʼ tojʼesan majlel i wiñicob yicʼot miʼ coltañob, anquese miʼ sʌtob chuqui añob i chaʼan pero maʼañic chuqui miʼ chaʼleñob (Sal. 37:23, 24; Jer. 45:5).
Cheʼ mi lac chʌn cʼajtesan albil bʌ i chaʼan Jehová, miʼ sujtel bajcheʼ lac «pʼʌtʌlel tiʼ yorajlel wocol» (Sal. 37:39).
Qʼuelela jiñi VIDEO ¿Chajpʌbiletʌch ba chaʼan jumpʼejl wocol? Cheʼ jiñi cʼajtin:
¿Bajcheʼ miʼ coltañonla Jehová cheʼ woli lac ñusan jumpʼejl wocol?
¿Chuqui tac miʼ mejlel lac mel chaʼan mi lac wʌn chajpan lac bʌ?
¿Bajcheʼ miʼ mejlel laj coltañob jaʼel jiñi tsaʼ bʌ tajleyob wocol?
8. Cʌntesʌntel chaʼan i tʼan Dios ti congregación
(30 min.) bt capítulo 9 párr. 8-16.
Tʼan tac chaʼan i yujtibal (3 min.) |
a Qʼuele jiñi ¡Despertad! número 5, 2017, página 4 cʼʌlʌl 6.