Jiñi coltaya muʼ bʌ la cʌcʼ cheʼ miʼ yujtel wocol

8:1-4; 9:7

Jiñi xñoptʼañonbʌla an chaʼpʼejl la queʼtel: 1) Jiñi eʼtel ‹muʼ bʌ i yutsʼesañonla› ti Dios, yom bʌ i yʌl jiñi lac subtʼan yicʼot laj cʌntesa, 2) jiñi eʼtel «chaʼan miʼ coltʌntelob i chaʼañoʼ bʌ Dios» yom bʌ i yʌl cheʼ mi laj coltan la quermañojob muʼ bʌ i ñusañob wocol (2 Co. 5:18-20; 8:4). Jin chaʼan, cheʼ mi laj coltan la quermañojob yaʼʌch ochem ti lac chʼujutesaya jaʼel. I cheʼ mi lac chaʼlen coltaya:

• Mi la cʌqʼueñob chuqui yomob jiñi la quermañojob (2 Co. 9:12a).

• Mi laj coltan jiñi tsaʼ bʌ i ñusayob wocol chaʼan tijicña miʼ chaʼ melbeñob i yeʼtel Jehová ti subtʼan, i jiñʌch junchajp bajcheʼ miʼ yʌqʼueñob wocolix i yʌlʌ Jehová (2 Co. 9:12b).

• Miʼ yʌqʼuentel i ñuclel Dios (2 Co. 9:13). Jiñi coltaya muʼ bʌ lac mel cabʌl chuqui miʼ pʌs tiʼ tojlel lac piʼʌlob yicʼot tiʼ tojlel jiñi mach bʌ weñic miʼ qʼuelob i testigojob Jehová.