Mejl bʌ lac chaʼlen ti estudiar
Baqui bʌ yom maʼ ñaxan chaʼlen ti estudiar
Anquese la com lac ñumen aqʼuen i yorajlel chaʼan mi lac pejcan lac Biblia bajcheʼ cʼamel an i tajol maʼañic miʼ mejlel. Jin chaʼan, ¿bajcheʼ miʼ mejlel a cʼʌn ti wen jiñi i yorajlel am bʌ a chaʼan? Ñaxam bʌ, aqʼuen i yorajlel chaʼan maʼ chaʼlen estudio i cʼʌñʌ ti wen. Ñumen wen cheʼ tsʼitaʼ jach chuqui maʼ pejcan, pero maʼ wen tsajin.
Cheʼ jiñi qʼuele baqui bʌ mi caj a ñaxan chaʼlen ti estudiar (Efes. 5:15, 16). Ili jiñʌch muʼ bʌ i mejlel a mel:
Pejcan jiñi Biblia ti jujumpʼejl qʼuin (Sal. 1:2). Miʼ mejlel a pejcan jiñi capítulo tac muʼ caj i qʼuejlel yaʼ ti tempa bʌ.
Chajpan a bʌ chaʼan jiñi estudio chaʼan Lac Tsictesʌbentel yicʼot chaʼan jiñi tempa bʌ Subtʼan yicʼot i Melbal jiñi xÑoptʼan. Cheʼ jaʼel chajpan a bʌ chaʼan maʼ wʌcʼ a comentario (Sal. 22:22).
Chaʼlen wersa a pejcan jiñi yan tac bʌ revista, qʼuele jiñi video tac yicʼot muʼ bʌ i loqʼuel yaʼ ti jw.org.
Chaʼlen ti estudiar jumpʼejl tema a wom bʌ a ñumen ñaʼtan. Tajol chaʼan jumpʼejl wocol woli bʌ a ñusan o jumpʼejl cʼajtiya am bʌ a chaʼan.