¡Yer itodi na san sadegu sae Napaneki!
Ue garta nue soged onolege be bendakega be uiskuega doa Napaneg imasa kep ber kuable immar nikadi aayagi. Be durtakoe Bab Dummad, Napaneg imasadi, na nug egad nigmoga. Uegine anmar nue soibaloe ibigala Bab Dummad tule imasa kep ígi be yer itodi kudigusmogale na san sadegu Napaneki.
Anmar abitoe ue immar oyolenanaid yaisuliti be bendakeg be nue immar takega. Be bur nue durtakegala, be absoged abelege bibliag soilenanait narmakarnanait berkuable sar oyolenanaitki. Aagíle, ualakuenatkine sun be absoge abar immar nuegan Bab Dummad soinait Bibliagi kep igi Bab Dummad soge be ibu saoe be daibimogar ue immar gumaloet.
Sunna be ebubikuarmogale ue garta tule bamalad bendakega. Be mimmigan nigdibe, sun be ebue Bab Dummad immar uiskumalaga. Nekuebur be gudidkine tule sergan keg garta absomalat yaisursundibe, sun be ebue ueg oyolenanait a tulemar bendakega uiskumalaga ibu Bab Dummad imakoe aamar eneg nagabarmalad bendaimogaga.
Nue napiraguad anmar abitoe ue gartag be durtasad beg igar egaed be immar nuegan bukib nikumogaga, be tule bamalache oyobalid igi nabir na sadegu kudisalege ue Napaneki.