Babdummad Siggi Anmar Ibmar Durdagged Abelege

Babdummad aiga gue gala, anmar durdagged abelege doa Babdummad gue. Anmar aimala anmar nug wisid, geb nugba anmarse gormarbalid ¿degsursi? Anba Babdummad abemoga anmar e nug wisguedi, geb e nugba ese goledi. Babdummad Jehováye nugad (Salmo 83:18; Mateo 6:9). Anba anmar durdagged abelebali ibu ibmar Babdummad nued dagge, geb ibu ibmar nued dagsuli, degine, doamala e aimala geb doamala e isdarmaladi. Be nue wisguegala dule wargwen igi dae, ar adi ibigwensur sulid, aa gala Biblia soge nued gusarye iba amigedi durdaggegala, Jehová dule igiidi gue (Efesios 5:15, 16).

Babdummad aimala Babdummad ibmar nued dagged imagmala. Be aimar gine be binsae. Ar be sabsur aimar imagsundibe geb wemar ibmar abesulid be imagbarsundibe ¿be aimar gala gudii gudo be binsae? Suli, geg gue. Deyobmoga, anmar Babdummad ai gala gubiele, anmar imagger gebe Babdummad ibmar nued dagged (Juan 4:24).

Bela babigarmar anmar bendaggo suli, anmar Babdummad ai gala guega. Jesús, bur Babdummad e ai nued guedi, sunmasa igar warbo maid gine: wargwen igar maddabibbisulid geb we igar bali dulemar buggidar nadabbi, geb we igala dulemar semai burgwed amiged sega. Igar baiddina, igar garagwadi, aa bardina dulemar issee nadabbi; wedina sadegua gudigued sega dulemar semai. We soglesundo, anmar Babdummad ai gala gubiele, anmar wisguer gebe igi nue ega arbalege (Mateo 7:13, 14).