Babganga

Babgan, mimmigan sabgued abeleged, mimmiganga binsaed dagged abeleged, geb nueggwaa mimmigan aggwemarbalid. Degsoggua ¿ibu ibmar, be, be mimmiga imasmogar be binsasunna? Bur nuedid Jehová igargi mimmigan odurdagged, degiile mimmigan nabir Bibliagi Bab igar sunsoged maid wisgumaloed (Juan 17:3). Mimmigan we igar durdadele Jehová binalerba gudmaloed, degiile bad bibbigwa nueggwaa Jehovága arbadmaloed (Mateo 21:16).

Babgan dagdidiid mimmiganga ibmar isse isse soglesale bur ibigwensur durdaddamala. Aagala anmar we garda imasad, An garda Biblia durdagged. We garda imaggaled, lección irba mimmigan ibigwensur ibmar soggwen soggwen durdaggega. We garda imaglenagu bur binsalesad mimmigan birga baa nigmaladgi, geb, aamarba bur burwimaladgi, aaga sobarnanaidi, geb narmaggarnanadi ibgwensur imaggar nanaed. Urba ibmar nanabalid mimmiganbo imaggega. An garda Biblia durdagged imaglessulid mimmigan egi dodogega. We garda imaglesad babgan na mimmiganga absogega, nabir babgan mimmiganbo sunmagsii guega.

Anmar bensulid we garda bemar bendaggoe; bemar, mimmigan odurdaggega, anba mimmigan ‘bibbigwa’ bad Bab igar durdadega (2 Timoteo 3:14, 15).

Bemar gwenagan,

Jehovági Sunmagmalad Idubuggwad

[Página 3 gi sobarnaid]