Pablo niga bibbisaar dobgussulid

Anmar sunmaggoed dule wargwen apóstol Pablo bendasadgi. Anmar wissulid we dule igi nugana, auggi soglenaid Pablo e nigye, we dule bibbisaar dobgussurye. ¿Be wisgubie we dule ibu ibmar imasa?...

Jesús igargi sunmagdii gusadba Pablo Jerusaléngi galesiinad. Abar dulemar isganamar Pablo oburgwebi gudimalanad. Soldadomar idudiidga sognamaloenad, be soldadomarga be sogye, Cesarease Pablo sedmarye. Isganagan Cesarea igar walabar dugguaggwa buggumaloenad. Pablo, soldadomar abargi selemai, isganamar Pablo oburgwemaloenad.

Pablo e nig wisgualid, isganagan Pablo oburgwega igar amismarye. ¿Ibu imasa? Pablo siidse Pabloga we ibmar sognaded. Pablo, e nigga soged, soldadomar idudiidga be we ibmar sognaye. ¿Pablo e nigga ibgwensur gusdibe soldadomar idudiidbo sunmagnaega?... Suli, ar soldadomar idudiidi dule dummadinad. Auggi Pablo nigdi dobgussulid, soldadomar idudiidga ibmar sogsad.

Soldadomar idudiidi igar amismogad, mer Pablo oburgwemalaga. ¡500 mergu soldadomar amisad Pablo bendagmalaga! Soldadomarga sogsad, ¡emi muddig yog Cesarease Pablo sear imagmaloye! ¿Pablo igarba aggar gussurdibe?... Suli, isganamar aggar Pablo imassurmalad. ¡Pablo bendaglesad!

¿Ibu ibmargi we be odurdasa?... Be nabir Pablo nigyobi emar dobgudii gussurmogaled. Anmar dobe Jehová igargi dulemarga sunmaggedsulid. ¿Be dobsuli Jehová igargi sunmagdi gumogoe?... Be, Jehová igargi sunmagged dobsulile, nabir be dulemar bendasmogaled.