Igi be nabir nueggwa Biblia durdasale
We libro durdagged idu weg ibmar soglenaid absogo. Sorba VIDEO daggo.
GEBBE NODEDGAD
Dule be odurdagdaged iduale, leccion gebbe nodedgi parrafomar nanaid walagwengi absodao. Ibmar egislenanaid nagab numeromar nanaid (A), Bibliagi sulegarmaladdi sissi sissi (B) nanaid. Nue dagbalo abar nagab soglenadaed, “Absogo”.
SORBA NAIDGAD
“Nueggwa we ibmar durdagmargolo” naid urba soglenadaed, we lecciongi ibu igargi sunmaglegoe (C). Numero nanaid nagab ibmar soglenanaiddina, sorba mer we ibmar ielegegalad (D). Dule be odurdagnaidbo Bibliagi bela ibmar absodao, ibmar egislenanaid abin imagdabalo, videomar dagdabalo.
VIDEOMAR. Weyob naidgi be videomar amigoed, nabir bur nueggwa be ibmar durdaggega. Abar videomargi ibmar soglenanaidi, nue deyob ibmar gus nanaed. Abar videomar unnila anmar bendaggega imaglesad, bur nabir anmar nueggwa mag ibmar iddo guega.
Dibujomar nanaid nueggwa dagdabalo, aa urba ibmar soglenaid absodabalo (E), binsadabalo weyob soglenaid mosar igi be abin imaggoe, “Abar sogdamalad” (F).
NABBIDGI NAIDGAD
Leccion bergumaid irba soglenadaed, “We igargi sunmaglesad”, soglenadabalid, “Ibu be durdasa” (G). Leccion soggwen durdasar be nasiggoed, ingu be durdasa. “We ibmar imagbalo” naidgindi soglenaid, ibu be nabir imasbalile bur bule ibmar durdagmai guega (H). “Nabir be we ibmar durdasbaliled” naidgindi soglenaid, biddi gardamar nabir be absosbalile, biddi videomar nabir be dagsabalile (I).
We libro yaba ibmar nanaid
|
|
|
|
|
¿Be durdagbie Bibliagi igi ibmar amilege?
Biblia yaba 66 mergu gardamar nanaid. Sogbogwagi imaggaled: Abar Hebreoarameo gayaba narmaglesmalad, abar Griego gayaba narmaglesmalad. Abar dulemar aa bidamarbalid Antiguo Testamento, geb Nuevo Testamento.
We librogi Bibliagi amigoye soglenaile, libro nug (A) inso nadaed, sorba capitulo (B) numero nadaed, aa sorbardi versiculo (C) numeromar nanadaed.
Degsoggu, 2 Timoteo 3:2 naile soglenadaed amigoye, “2 Timoteo, capitulo 3, versiculo 2”.