Ccangkunaw ccang 1
Pachia nynh yn ngia paw miakaw ny khonaw
Baebu lungkhu paw azicipaw thong pang mou aung? (1)
Baebu zeisahtu tuh ahung mou? (2)
Baebu hynh pawccemou ccangku aho? (3)
1. Baebu ccawtuh aphu mya rya tepaw Pachia lak sung ccang kheih nynh thua. Nungte paw nynh kou a sungsah hae paw ccawhae pyapaw ccawte nynh lo ku. Tuh e nynh Pachia tuh hung mou thua, Pachia te ase kuh paw kong lang a me pawbya acho pah cih piat ccanae. Dae naw lang pawte ame paw lungtua naw mue kho naw lang paw kong mah ae ho pah cih. Pachia lung ry tung lang paw rya mou law ahoci paw kong lang mah Baebu ccang kheih rounynh aphy.—Sam 1:1-3; Isaiah 48:17, 18.
2. Baebuccaw tuh B.C.E 1513 kumte thozah kum 1600 lae rote ccungccaw sung 40 hangte la zei hae paw nynh athua. Ablyng uh 66 acih. Pachia nynh naw hae zate nynh a la zei hae. Mi tua naw te zeipaw thua lei te Pachia kawte zei paw nynh athua. Tukei ccu ze, lae phi vaw ahung ccung ccaw tua naw te thua khyh. Vaw lang ung paw Pachia rou zeisah paw Baebu nynh thua.—2 Timote 3:16, 17; 2 Peter 1:20-21.
3. Baebu ccaw tuh sahsi mahme te la lia hae zah, Pachia nynh hoite a do aring. Accang paw ccah-uh hoe laeze patae nang a thua hua, tho a thua hua. Baebu ccang ku paw tuh ccung ccaw mia kaw hua hae sla zema, tuh e kei ccu ze khahrouh ung taw nang. Nang ma malang hang lang paw pawte raw senaw ung slaze mah Pachia rynaw narae paw rou khah nynh a ba pi hua.—Matu 5:10-12; Zan 17:3.