Ccangkunaw ccang 2
Pachia tuh ahung mou?
Ame paw Pachiatuh ahung mou? A maw min soh ahung mou? (1, 2)
Paw cih haw paw pyng mou? (3)
A maw nynh ahoi paw zia zae soh paw moe? (4)
A maw beihnaw kya ze a zuh hang khah kheih mang te beih lang cang tou? (5)
Pachia kong ccang ku kho naw lang pi pyng ning tuh paw mou? (6)
1. Ccung ccaw nynh tynre miakaw abeih hae. Thua sla mah Baebu nynh tuh AME paw Pachia ccang kheih rounynh aung yn ci pya. Vaw te laephi tyn re miakaw yn rae pya. Ae ning kha hing naw yn pya kei ccu ze amaw rou nynh beih lang a ccang.—1 Korin 8:5, 6; Biathlam 4:11.
2. Pachia hynh rya law min pa tae ung ze mah amin tuh ccang kheih rou nynh a hoi. Amin tuh ZAHOVA nynh thua. Baebu kya hing amaw min kha vua hae zah BAWIPAW (or) PACHIA cite azei ru hae. Thua slamah Baebu zei ta kaw lya hae tuh amin Zahova cite avae 7,000 hang amuih oh ccah rei.—Exodus 3:15; Sam 83:18.
3. Zahova hynh pyng hoi sala mah ae ning pyng hawte lo ku khyh. Pachia tuh muih saw pyng nynh thua Baebu nynh ci. (Zan 4:24) Muihsaw pyng hynh ae ming lae ahang hua paw phun kheih nynh thua. Pachia tuh ahung nynh mah muih boi khyh hae. Zahova tuh vaw lang rang ung sla ze mah amuih kho lei paw ung khyh. (Sam 11:4-5; Zan 1:18) Tuh thua lang ze muih saw soh paw mou? Pachia hawte pyng pyn kheih thua khyh. Pachia rya law naw hu hang, thaw sae naw nynh thua.—Sam 104:30.
4. Baebu nynh Pachia ci sa naw kha yn ho pya. Pachia nynh ahoi paw ziaza tuh sung sku naw, ding naw, haw naw, thaw sae naw nynh thua. (Deuteronomy 32:4; Job 12:13; Isaiah 40:26; 1 Zan 4:8) A maw tuh thaw cci naw, ngaechya ung sa ku naw, sei saw naw, Pyary naw lungthin te ngae ku thya naw ahoi cite Baebu nynh yn ho pya. Ae ning nynh kaw ngae paw i mua hae hawte amaw khat thawte ka heih law ku lang a ccang.—Efesa 5:1, 2.
5. Pachia abeihnaw oh kya ze azuh soi paw (or) syn taw naw lang cite raepaw hang khah kheih khah lu bling lang (or) saw sang lang ccang tou, ccang khyh. (Exodus 20:4, 5) Zahova nynh kamaw ke le nae beih cih oh aci. Amaw aphu e naw kha ming ccang paw lu khah kheih (or) hang kha kheihte bung ku ry khyh. A zuh hae nynh aening khah yn bung kho lang khyh hae.—Sam 115:4-8; Isaiah 42:8.
6. Pachia kha ae ning nynh pawte mou ny kleih kho lang? Ny kho naw tuh arae paw mia kaw muihnaw do naw lia te tua naw roih naw lia te nynh thua. A rae hae paw tou lou nynh a maw tuh thaw sae nawte haw naw ahoi paw ci paw yn ny sah. (Sam 19:1-6; Rom 1:20) Pachia kong lang ny kho naw lang pi phun kheih tuh Baebu ccang ku naw lia te nynh thua. Pachia tou lou nynh paw te acih paw Pachia ci paw yn ccae sah pya. A e naw a kong lang te rya yn law sah ry paw kong lang mah yn ho pya.—Amos 3:7; 2 Timote 3:16, 17.
[Hmanthlak biu 5]
A rae hae paw te Baebu ccaw nynh Pachia kong yn ny sah