Ccangkunaw ccang 15

Pachia ry naw raelang ming hae mah bung naw

Nang na thae paw kha ming ccang paw hae mah paw cce mou hopya aho? (1)

Hungte mou the hoi paw bya kha na hobua kho cih? (2)

Na ungtu zia zae nynh ming hae thahne naw paw mou amue sah cih hoe? (2)

Abu haete pyng kheih lang hoh tuh ccyh mou ne hobua kho cih? (3)

1. Atu tuh Baebu lungkhu e ahoi paw te unglang na­ccang, e nany naw lia te Kriccaw ziazae thyh hawte ung lang na ccang vae. (Efesa 4:22-24) Zungzae hingnaw mue kho naw lang e nynaw hawnaw mya rya aho. (Zan 17:3) Tuh pia ze ming hae mah the hoi paw bya thae sah hae aho bia. Te ze nynh khung naw a mue kho cih hae. Ame paw Kri­ccaw blyng nynh ming hae mah phung aho pah cih hae. E tuh Pachia kawbya nynh thua.—Rom 10:10; 1 Korin 9:16; 1 Timote 4:16.

2. Na ccangkuh zah nanyna thae paw miakaw na inn paw hae mah ho pah bua hae. Na innbyng kya, na vae ccaw, sian inn na kae kheih oh paw, rya na lah kheih oh paw hae blyng ho pah bua hae. Na ho pya lya ae khe lung sae aho cih. Ngae thya ung sah hae aho cih. (2 Timote 2:24, 25) Ccung ccaw hae nynh ho paw bya lae ze ung tu ziazae ado hua hae ci paw ningnang. Tuh keicu ze ozia hoituh the hoi paw bya angae sah ry kho.—Matu 5:16; 1 Piter 3:1, 2, 16.

3. A ccyh yn zawtuh na ung naw e Zahova ccae ccei hae ry te phung ho thya naw nae hoi bua cih. Nakae thung naw e lang azici paw langpi kaw hawte nynh thua. (Matu 24:14) Ming ccang paw lu kheih kha Zahova see lang na tang sa kho zah zung zae ahing naw elang na bung kho lang ze pawcih mou lungtua lang ung cih!—1 Tesalon 2:19, 20.