Ccangkunaw ccang 16

Pachia rya law lang bya paeku naw

Pachia vaeccaw thua naw lang nang paw rya na lah cih? (1, 2)

Pachia klang pyng pya ku naw hynh paw te mou ci lang? (1)

Paw ccyh kya mou tuipi ing lang accang (2)

Pachia pei zyn kho naw elang thaw zung paw te mou law ku lang? (3)

1. Pachia avaeccaw thua kho naw lang Baebu thya aho nyaho (1 Timote 2:3, 4) na ny na thae paw blyng kha na zyn cih (Hebru 11:6), na sei naw kha na ngae si kuh cih (Zuitu 17:30, 31), tuhpia ze na o zia na ru lae cih. (Zuitu 3:19) Pachia na sung sah naw kha nynh maw te maw Pachia kya pyng pya ku lang lungtho lang accang. Tuh e nynh amaw ry naw rae lang Pachia klang pyng ka pya kuh vae cite mah khae te saw sang ku lang cipaw aho ry.—Matu 16:24; 22:37.

2. Pachia klang mawte maw pyng pya kuh kou tuh tui pi ing lang mah a ccang vae. (Matu 28:19, 20) Tui pi ing paw tuh Pachia klang pyng ka pya vae cite ccung ccaw hae mah­lang nysah naw. Tuh kei ccu ze tuipi ing tuh Pachia rya law lang bya pae ku kho paw ccang ccaw ae hang lang rou nynh thua. Tui pi ing ze tui lung khu lang apyng blyng pung phung ku lang accang.a—Marka 1:9, 10; Zuitu 8:36.

3. Pyng na pya kuh koute nabya king hawte zuilang Zahova nynh solei ae ngae hoi mah ming cih. (Sam 50:14; Phungchimtu 5:4, 5) Zahova rya na law naw ryate hae ung sah cite setan nynh thawte ynzua kuh cih. (1 Piter 5:8) Thuasla mah Pachia klang saw sang kuh. (Filipi 4:6, 7) Amaw bya khah nin ta kyhte ria. (Sam 1:1-3) Abu haete zung zae nae kuh. (Hebru 13:17) Nang nynh e ae blyng na rae naw liate Pachia tung vaw zyn tyn naw elang thaw zung na mue mah ming cih. Hynh cih hynh te Pachia nynh ae ngia paw miakaw kha zung zae na lah kho vae cih!

[Footnote]