PHIA 3

Edin Khokhu kya Pawcihtemou Alah Unghae?

Zahova nynh Adam te Evua khah ahoipaw uhccaw patae apyahae. Genesis 1:28

Zahova nynh Evua khah a rae koute, Adam te a ung sahkheih hae

Zahova nynh amahsahty ccungccahnung Evua khah raezah Adam te a ung sahkheih hae.—Genesis 2:21, 22.

Zahova nynh mihming khah ngaedangnaw pheccingpaw pynglang alah raehae.

Adam te Evua nynh miming kya-e Paradise inn kya ngaw a do tyamang hae

Miming inn tuh Eden khokhu kya nynh thua. E Paradise inn tuh myarya puithya. Tuin kya vawtui, thingthaeku hae te rangsaw hae a ung.

Zahova tuh mihming te bya leihhokuhae zah accangpya hae. Abyakhah alah ngaehaezetu myarya apuithya paw Laephi paradise kya zungzae ahing cihaepaw nynh thua.

Kuhkheih kya e athae khatuh Pachia nynh nah ae langkhyh oh acipya hae. Genesis 2:16, 17

Zahova nynh Adam te Evua kha khokhu e thingku kuhkheih kya-e a thae kha na ae langkhyh oh a ci pyahae

Vawccungccah paw luhkheih nynh Pachia khah alahraw se. Tuh e vawccungccah hoileipawtuh Setan nynh thua.

Vawccungccah hoileipaw, Setan nynh Evua kha bya hopah lang hupaw sakheih kha a mang

Zahova nynh Adam te Evua khah Edin khokhu e thingku kuhkheih khah muihsahhaezah e athaehynhtuh nah ae langkhyh oh, nah ae oh ze nahchih cih oh aci pyahae.

Setan nynh Zahova Pachia byakha ngaesary khyhhae. Hupaw sakheih khah mangza Evua khah bya a hopya, e thingthae hynh na ae ohzema nachih langkhyh oh Pachia te nalokuh cih oh acipya. Thangccingte holangzetuh ahyngpyapaw nynh thua.—Genesis 3:1-5.