PHIA 5

Noahseelya Pachia Byakha—Ahunghaemou Ngaehae? Ahunghaemou Ngaekhyhhae?

Noah seelya ccungccaw alunghuatuh hoileinaw mawcci nynh laraehae. Genesis 6:5

Vawccungccah hoileihaepaw nynh ccungccawpyng kha lawkuh haezah nopi hae te a ungkheih hae

Adam te Evua tuh ccaw ynsahhaeza patah ynpungvaehae. Tuhkoute vawccungccaw abangtuh Setan kalangkhe nynh apanghae.

Mimingnynh laevawlanghing ynrunghaeza zu a hoi hae. Ccawsah haeza mihccawhaetuh mipyng phephele arero haepaw helanghae nynh thua hae.

Imua adua tyamangpaw nopi nung kha imopaw nynh a thung; Nefilim, vawccungccah hoileihaepaw kya-e ccaw hae, ahoileipaw cyisahnaw hae

Ccungccah hoileihaepaw laevawlang houhhouh ynlungthungvae. Baebu nynh hynhte aci: ‘Laephiccungccaw miseinaw eihle kaesy za milungthing mituanaw miakaw khahrouh hoikhyh.’

Noah tuh Pachia bya ngaeza lawng khah a lah sah. Genesis 6:13, 14, 18, 19, 22

Noah tuh ccungccah hoipaw lukheih nynh athua. Zahova nynh Noah kha ccungccah hoileipaw miakaw pung karohvaecih acipya.

Noah te a innbyng hae nynh lawng ah sah hae

Zahova nynh Noah kha Lawngpipi ccangkheih sahsazah, a innbynghae te rangsaw, sungsaw phuinccing te Lawng lungkhulang a nungsah hae.

Noah nynh tuipayng ynthuavaecih cite ccungccaw hae kha raeringnaw a pyahae, thuasalama miming nynh amaw kha asarya hae

Noah nynh tuihpayng ynthuavaecih cite raeringnaw apyahae, ccungccawhae nynh ngaepakhyh hae. Ccungccaw abang nynh huahaeza asarya paleih hae.

Noah te a innbyng hae nynh rangsaw, sungsaw hae balyngkha lawng lungkhulang atekhae hae

Lawng asahkoutuh Noah nynh rangsaw, sungsaw hae balyngkha Lawng lungkhulang atekhae hae.