CCANGKUNAW 48
Bangrui Hae Kha Hawnawte Poku
Ahoypaw bangrui hae nynh maw hoynaw tung ccyh kya ah lung houh yn pawsah hae hawte ruunaw tung ccyh kya mah thawzung yn hoisah kho hae. Thuasalama Baebu nynh ccungccaw miakaw tuh bang hoypaw thua kho lang khyh hae cite raeringnaw yn pya. Tuhte thua langze ahoypaw bang hae kha pawtemou na poku kho? Akaw lang-e bakhianaw hae kha hokuh oh.
1. Bangrui hae nynh aening tungvaw pawtemou thanenaw yn hoisah kho hae?
Aening tuh a ccyh pyate ah mungkuh oh paw hae hawte nynh a thuakuh kho. Tuh-e tuh ccungccaw te thuasah—internet te thuasah ah mungkuh hae paw mih ziazae hae kha ah lawkuh kho oh. Baebu nynh hynhte a ci, “mihaw hae ryte a mungkuh hae paw tuh a haw cih, thuasalama mingae hae [Zahova kha a sungsah lei hae paw] ryte a mungkuh hae paw tuh vawsawnaw a tung cih.” (Phungtangbya 13:20) Zahova a sungsahpaw te a beihpaw bangrui hae nynh Zahova te houh naekukho nawlang, ahoypaw byapaenaw raekho nawlang ae bung kho hae. Thuasalama Zahova a sungsah leipaw bang hae nynh tuh aening kha Zahova te yn sawsah kuh kho hae. Tuhkeiccuze Baebu nynh bangrui hae kha hawnawte poku lang thaw yn pya! Pachia kha a sungsah hae paw te mungkuh langze amaw mah aening mah thanenaw mue lang. Tuhkoute ‘thawzung pyakuh kho lang zah, lu kheit te lu kheit tynsakuh kho lang.’—1 Thesalon 5:11.
2. Bangrui na pokunaw zia nynh Zahova kha pawtemou a ungsah kho?
Zahova nynh bang hae kha ahoy te nynh a poku. “Miding hae tuh BAWIPAW nynh a zyn hae paw nynh thua.” (Phungtangbya 3:32) Zahova kha a sungsah lei hae paw te mungkuh langze Zahova tuh pawtemou a ung cih? A ngae myarya thah cih! (James 4:4 kha ria.) Thuasalama, ahoy leipaw bangrui hae kha sihae kuh lang, Pachia te naekuh lang zuaku lang, Pachia kha a sungsah hae paw te mungkuh lang zetuh Zahova tuh a lungpaw cih zah aening mah amaw bang lang tang kho lang.—Sam 15:1-4.
HOUH CCANGKUH LANG HOUH MUIH LANG
Bang hae kha pokuhte mungkuh lang pawcce azici, ah hingnaw kha hoynaw ynpya cih hae paw te pawtemou bang lang tang kho lang cipaw kha tuakhia tua.
3. Ahoy leipaw bang hae kha sihae kuh
Pachia te Pachia phunglang kha a sungsah lei hae paw tuh ahoy leipaw bang hae nynh thua hae. VIDEO kha pia, tuhkoute akaw lang-e bakhianaw kha hokuh oh.
Ahoy leipaw bang hae kha pawtemou mungkuh sei kho lang?
1 Korin 15:33 kha ria tuhkoute e bakhianaw hae kha hokuh oh:
Ahung hae mou na hanglang ahoy leipaw bang hae a thua kho? Pawcce?
Sam 119:63 kha ria tuhkoute e bakhianaw kha hokuh oh:
Ahoypaw bang a thua tou thua khyh tou cipaw pawtemou ny kho lang?
A thuhpaw apple pyng kheit keiccuze ccangpaw balyn a thuh kho. Ahoy leipaw bang lukheit keiccuze nang pawtemou na tung kho?
4. Kum te ungtuzia a lokuh lei hae paw te bang lang tang kho a thua
Baebu kya langmaw Israel ccungccaw David te Jonathan kong kha a langsah. Mihmaw tuh kum te ungtuzia a lokuh khyh hae zemah myarya a ccawkuh hae. 1 Samuel 18:1 kha ria tuhkoute e bakhianaw kha hokuh oh:
Kum a lokuh hae paw kele te nynh bang lang tang lang cite pawcce a ho ry khyh?
Rom 1:11, 12 kha ria tuhkoute e bakhianaw kha hokuh oh:
Zahova kha a sungsah hae paw bang hae nynh lukheit te lukheit pawtemou thaw a pyakuh kho hae?
E video kya-e unopaw nynh a tualeinaw kyate bang kha pawtemou a muih cipaw kha do tua. VIDEO kha pia, tuhkoute akaw lang-e bakhianaw hae kha hokuh oh.
E video kya, Akil a bang hae te asekute a nung a paaw hae nynh pawcce mih thin a phang?
Akil tuh minming te pawcce a mungkuh hae?
Langmenaw thinlung kha pawtemou a la tae kho?
5. Ahoypaw bang tangkhonaw zia
Ahoypaw bang muihkhonaw kong te—maw maw nynh ahoypaw bang lang thuakhonaw kong kha leihla. VIDEO kha pia.
Phungtangbya 18:24 te 27:17 kha ria tuhkoute e bakhianaw hae kha hokuh oh:
Ahoypaw bang hae tuh lukheit te lukheit pawtemou a bungkuh hae?
Tuhta hawpaw ahoypaw bang na hoi tou? Na hoi khyh ze, hoi lang pawtemou na cyi kho?
Filipi 2:4 kha ria tuhkoute e bakhianaw kha hokuh oh:
Ahoypaw bang hoi kho nawlang, ahmaw mah ahoypaw bang lang thua ahoo. Pawtemou na cyi kho?
Ahoypaw bang mue kho nawlang, ahmaw mah ahoypaw bang lang thua ahoo
CCUNGCCAW ABANG NYNH HO HAE PAW: “Tuhte pokuh lang zetuh mungkuh langpaw ung vae lang khyh.”
Nangso pawtemou na tua?
ADYNGNAWTE
Bang hae kha hawnawte pokuh lang ze Zahova a lungpaw hawte aening mah thanenaw a mueku.
Bua Liathuinaw
Bang ah pokunaw tuh Zahova hanglang pawcce azici?
Pawta hawpaw bang hae mou sihae kuh lang?
Ahoypaw bang hae te houh ccawkuh kho nawlang pawtemou na cyi kho?
HOUH CCUNGCHIH
Ahoypaw bang hae nynh ruunaw tung ccyh kya pawtemou yn bung kho hae cipaw kha ria tua.
“A Thangnaw A Thuamaw Vaeccawkunaw Kha Tynsah” (Rawvianaw, November 2019)
Ahoypaw bang mue kho nawlang pawmou na cyi kho cipaw kha leihla.
“Ahoypaw Bang Pawtemou Ka Mue Kho?” (Ngawphue Hae Bakhianaw, Uh 1, abalu 8)
Online kya bang tangnaw te asekute pawhaemou ny lang a ccang?
“Paaw Lukheit Myarya Ka Ry” cihkuhpaw ccaw kya ccungccaw lukheit bang thawpaw kha pawcce la ccung cipaw kha ria tua.
“Baebu Nynh Hingnaw Hae Kha A Rulaesah Kho” (Rawvianaw, April 1, 2012)