CCANGKUNAW 49
Innbyng Hoysakhonaw Zia—Phianaw 1
A ungkheih takaw hae paw zuvaw hae nynh kuihkyngkuh nin kyate zungzae kae lungpaw cih cite a ngaehoi hae. Tuh-e tuh a thua kho. Kuihkyngkunaw a saw vae hae paw, Baebu tuanaw kha zuakuhte a zui cciamang hae paw Khrihccaw hae mah tuhte nynh a tua hae.
1. Baebu nynh vawpaw hae kha paw tuanaw mou a pya hae?
Zahova nynh vawpaw kha innbyng lu lang taevue a pya. (Efesa 5:23 kha ria.) Vawpaw nynh innbyng hanglang ahoypaw byapaenaw rae lang Zahova nynh a ry. Baebu nynh vawpaw hae kha hynhte tuanaw a pya hae: “Nae zu hae kha sungsah oh.” (Efesa 5:25) Pawmou a ho ry? A zu kha a sungsahpaw vawpaw nynh ccungccaw muihnaw kya thuasah, ccungccaw muih leinaw kya thuasah a zu kha sungsakunaw te a ccuepe. Amaw nynh a zu kha rilang ungpaw hae kyate thungkhaw zah, pyngsaw lang te thinlung lang ahoo abou hae paw kha cyipya lang taening thyhte a zuaku. (1 Timote 5:8) Abapi huapaw a thuapaw muihsaw lang ahoo aboupaw kha mah a bung. (Matthai 4:4) Tousenaw langze, a zu ryte sawsang kho zah Baebu ccaw a ria kho. A zu kha sungsakunaw te pekipaw vawpaw tuh Zahova te ahoypaw vaeccawkunaw a hoi.—1 Peter 3:7 kha ria.
2. Baebu nynh zu hae kha paw tuanaw mou a pya hae?
Baebu nynh zu kha “a vawpaw kha saw a tua cih” cihte tuanaw a pya. (Efesa 5:33) Pawtemou tuhte a cyi kho? A vawpaw kya-e ahoypaw ziazae hae te innbyng a do-oihnaw kong hae kha bua a tua kho. Vawpaw tuh zyntu a thua khyh zemah amaw a byapaenaw kha thohkhangnaw, nebaleihte bya honaw liate saw ka tua cipaw kha a langsah kho.
3. Zuvaw hae nynh innbyng hoysah kho nawlang pawmou a cyi kho hae?
Baebu nynh kuihkyngkuh hae paw zuvaw hae kong hynhte a ci: “Pyn pynkheit lang a tang cih hae.” (Matthai 19:5) Asuilang tuh mih sungsakunaw a zyasah khopaw miakaw kha sihae kuh lang cipaw nynh a ho ry. Lukheit te lukheit a ccyh a pyakuh cih hae zah mih thinlung kya ungpaw te tuanaw hae kha a ccae langte sungsakunaw te a hokuh cih hae. Zahova lae lang ahung mah, pawpaw kha mah—maw zu tuhkhyhze vawpaw lae—abapi lang nung lei lang. Minccang paw lukheit te eih ccawkuh lue paw thua khyh nawlang ahoyte raering kuh lang ahoo.
HOUH CCANGKUH LANG HOUH MUIH LANG
Innbyng hoysah kho nawlang ae bung cihpaw Baebu phunglang hae kha leihla.
4. Vawpaw hae—nae zu kha sungsah te peki oh
Baebu nynh “vawpaw hae nynh mimaw mih pyn a sungsah hae hawte mih zu hae kha a sungsah hae aho” cite a ci. (Efesa 5:28, 29) Pawmou a ho ry? VIDEO kha pia, tuhkoute akaw lang-e bakhianaw kha hokuh oh.
Vawpaw nynh a zu kha sungsah te pe ka ki cipaw pawtemou a langsah kho?
Kolose 3:12 kha ria tuhkoute e bakhianaw kha hokuh oh:
Vawpaw nynh innbyng kya tuh-e ziazae hae kha pawtemou a langsah kho?
5. Zu hae—nae vawpaw kha sungsah te sawtua oh
Zu nynh a vawpaw tuh Zahova a beihpaw te a beihleipaw thua zemah sawtua lang cite Baebu nynh thaw a pya. 1 Peter 3:1, 2 kha ria tuhkoute e bakhianaw hae kha hokuh oh:
Na vawpaw tuh zyntu a thua khyhze amaw nynh Zahova kha a beih nawlang na ry mah min cih. Pawtemou na bung ze houh ahoyhua cih?—Atu te atu phungho pyanaw tetou tuhkhyhze ahoypaw ziazae hae langsah te sawtuanaw tetou? Pawcce?
Zu hae te vawpaw hae tuh ahoypaw byapaenaw kha pyngkheih lang a rae kho hae. Thuasalama, zu nynh a vawpaw byapaenaw kha a naw a ccaw khyh lya mah a ung kho. Tuh-e ccyh kya a tuanaw kha lungdae te sawtuanaw te a ho kho. Thuasalama innbyng hanglang ahoypaw byapaenaw rae lang vawpaw kha Zahova nynh taevue a pya cipaw kha a ny lang a ccang. Amaw nynh a vawpaw byapaenaw kha a thuakho thyh cia thohkhang lang a ccang. E liate innbyng hoysah kho nawlang a bung kho. 1 Peter 3:3-5 kha ria tuhkoute e bakhianaw kha hokuh oh:
A zu nynh a vawpaw kha saw a tua ze Zahova tuh pawtemou ung cih cite mou na tua?
6. Innbyng piahccahnaa hae kha na tae kho
A ccingpaw innbyng cipaw tuh ung khyh. Tuhkeiccuze, zuvaw hae nynh piahccahnaa hae kha pyngkheih lang a phishing cih hae. VIDEO kha pia, tuhkoute akaw lang-e bakhianaw hae kha hokuh oh.
E video kya-e zuvaw hae tuh mih sungsakunaw a zya vae cipaw pawhae nynhmou a langsah?
Innbyng sungsakunaw tyn kho nawlang pawmou a cyi hae?
1 Korin 10:24 te Kolose 3:13 kha ria. Tuhkoute e bakhianaw kha hokuh oh:
E tuanaw kha zuipaw nynh innbyng kha pawtemou ahoysah kho?
Baebu nynh lukheit te lukheit phu-esah kuh lang a ccang cite a ci. Thawccikunaw, sawtuanaw te ccuepekunaw liate phu-esah kuh hae. Rom 12:10 kha ria tuhkoute e bakhianaw hae kha hokuh oh:
Vawpaw hae tuhkhyhze zu hae nynh mih zu tuhkhyhze mih vawpaw hae nynh mih tungvaw phu-esahnaw langsah ty lang ngaw lang a ccang tou? Pawcce?
CCUNGCCAW ABANG NYNH HO HAE PAW: “Kae zuvaw tuh langmaw hawte kae sungsah kuh vae khyh.”
Baebu nynh a bung kho hae cipaw kong pawtemou na ccaesah cih?
ADYNGNAWTE
Zu te vaw nynh lukheit te lukheit a sungsah kuh hae ze, saw a tuakuh hae ze, Baebu phunglang hae kha a zui hae zetuh mih lung a paw kho.
Bua Liathuinaw
Innbyng hoysah kho nawlang vawpaw nynh pawmou a cyi kho?
Innbyng hoysah kho nawlang zu nynh pawmou a cyi kho?
Zu tuhkhyhze vawpaw na hoipaw thua ze paw Baebu phunglang hae nynh mou na innbyng kha ae bung kho?
HOUH CCUNGCHIH
Innbyng hoysah kho nawlang zui lang a ccang paw tuanaw hae kha ccung tua.
Innbyng kya Pachia tuanaw kha zui keiccuze hythuanaw a muekunaw kong kha e law video kya do tua.
Pise hae cciakhaenaw kha kawngae cipaw asuilang tuh pawmou a ho ry cipaw kha ria tua.
“Nopi hae, Cciakhaenaw Kha Pawcce Kawngae Lang A Ccang?” (Rawvianaw, May 15, 2010)
Innbyng hoysah kho nawlang Baebu bungnaw zia kha do tua.