Zahova Min Kha—Abapi Lang Ah Nung Oh

1-2. Zahova min kha Zisu nynh abapi lang a nung cipaw pawtemou ny kho a thua?

အဖ​ယေဟောဝါရဲ့​နာမည်ကို ဘယ်အရာ​ထက်မဆို ယေရှု အလေးထားတယ်။ နာမတော် ထင်ရှားစေဖို့ ဘယ်သူ့ထက်မဆို ကြိုးပမ်း​တယ်။ ရှေ့ဆောင်းပါးမှာ သိခဲ့​ရတဲ့​အတိုင်း နာမတော် သန့်ရှင်း​မြင့်မြတ်​ကြောင်း၊ နည်းလမ်းတော်​တွေ မှန်ကန်ကြောင်း သက်သေထူ​ဖို့ လိုလိုလားလား အသေခံတယ်။ (မာ. ၁၄:၃၆။ ဟီ. ၁၀:၇-၉) နာမတော် သန့်ရှင်း​မြင့်မြတ်​ရေး​အတွက် အနှစ်တစ်ထောင် အုပ်ချုပ်မှု​အကုန်မှာ အခွင့်အာဏာ​အားလုံးကို အဖ​ဆီ ပြန်အပ်​မယ်။ (၁ ကော. ၁၅:၂၆-၂၈) နာမည်ကို ဒီလောက်​ချစ်မြတ်နိုး​ရင် နာမည်​ပိုင်ရှင်​အဖ​ကို ယေရှု ဘယ်လောက် ချစ်မြတ်နိုးသလဲ သိနိုင်တယ်။

^၂ အဖရဲ့​နာမည်နဲ့ ကမ္ဘာပေါ် ယေရှု ရောက်လာတယ်။ (ယော. ၅:၄၃။ ၁၂:၁၃) နောက်လိုက်တွေကို အဖရဲ့​နာမည် သိစေတယ်။ (ယော. ၁၇:၆၊ ၂၆) အဖရဲ့​နာမည် သုံးပြီး သွန်သင်တယ်၊ အံ့ဖွယ်အမှုတွေ လုပ်တယ်။ (ယော. ၁၀:၂၅) “နာမတော်ကို ထောက်ပြီး [တပည့်တွေ]ကို ကာကွယ်​စောင့်ရှောက်ပေး” ဖို့ ဆုတောင်းတယ်။ (ယော. ၁၇:၁၁) နာမတော်ကို ယေရှု သိပ်​အလေးထား​တာ ထင်ရှားတယ်။ ဒီတော့ လူတစ်ယောက်ဟာ ယေရှုနောက်​လိုက်ပါ​လို့ ပြောပြီး ယေဟောဝါရဲ့​နာမည်ကို မသိဘူး၊ မသုံးဘူး​ဆိုရင် ရပါ့မလား။

3. E abalu kya pawkongmou hokuh lang oh?

^၃ နာမတော်ကို လေးမြတ်​တန်ဖိုးထားခြင်း​အားဖြင့် ယေရှု​ခြေရာ လိုက်လျှောက်ဖို့ ကျွန်တော်တို့ ကြိုးစားကြတယ်။ (၁ ပေ. ၂:၂၁) “နိုင်ငံတော် သတင်းကောင်း” ဟောပြောသူတွေကို ယေဟောဝါ ဘာကြောင့် နာမတော် ခံယူ​ခွင့်​ပေး​ကြောင်း ဒီဆောင်းပါးမှာ သိရမယ်။ (မ. ၂၄:၁၄) နာမတော်ကို အလေးထားကြောင်း ကျွန်တော်တို့​တစ်ယောက်စီ ဘယ်လို ပြသင့်ကြောင်းလည်း ဆွေးနွေးပါမယ်။

“MIN HANGLANG MINPHUING”

4. (a) Zisu vaawlang a kaemaw a zuitu hae kha paw taevue mou a pya hae? (b) Paw bakhianaw hae mou yn ung?

^၄ “ခင်ဗျားတို့ သန့်ရှင်းသော စွမ်းအားတော် ရတဲ့အခါ တန်ခိုး​ရပြီး ဂျေရုဆလင်​မြို့၊ ယုဒပြည်​တစ်ဝန်းလုံး၊ ရှမာရိ​ပြည်၊ ကမ္ဘာမြေ​အစွန်အဖျား​အထိ ကျွန်တော့်​အကြောင်း သက်သေခံ​ကြလိမ့်မယ်” ဆိုပြီး ယေရှု ကောင်းကင်​ပြန်​မတက်ခင်​မှာ တပည့်တွေကို ပြောတယ်။ (တ. ၁:၈) ဒါကြောင့် အစ္စရေး​ပြည်မှာ​သာမက ကမ္ဘာတစ်ဝန်းလုံးမှာ သတင်းကောင်း ပျံ့နှံ့သွား​မယ်။ လူမျိုးတကာ​က လူတွေ ယေရှုတပည့် ဖြစ်ဖို့ အခွင့်အရေး ရကြမယ်။ (မ. ၂၈:၁၉၊ ၂၀) ဒါပေမဲ့ “ကျွန်တော့်​အကြောင်း သက်သေခံ​ကြလိမ့်မယ်” လို့ ပြောထားတယ်​ဆိုတော့ တပည့်သစ်တွေ​ဟာ ယေရှုအကြောင်း​ပဲ သက်သေခံရ​မ​လား။ ယေဟောဝါရဲ့​နာမည်ကို သိပြီး ယေဟောဝါအကြောင်း​ကော သက်သေခံရ​မ​လား။ တမန်တော် အခန်းကြီး ၁၅ မှာ ပါတဲ့ ဖြစ်ရပ်တွေကနေ အဖြေ​ရနိုင်ပါတယ်။

5. Zahova min ny lang azici cipaw Jerusalem khua-e zuitu hae te piccang hae nynh pawtemou a langsah hae? (Sahkhung kha do.)

^၅ ခရစ်ယာန် ဖြစ်လာဖို့ လူမျိုးခြားတွေ ဘာလုပ်ရမလဲ​ဆိုတာနဲ့ပတ်သက်ပြီး အေဒီ ၄၉ မှာ ဂျေရုဆလင်​မြို့က တမန်တော်တွေ၊ အကြီးအကဲတွေ ဆွေးနွေးကြတယ်။ “ဘုရားသခင်က လူမျိုးခြားတွေ​ကို သတိရပြီး နာမတော်​အတွက် သူတို့ထဲကနေ လူတွေကို ရွေးချယ်​လိုက်တဲ့​အကြောင်း [ပေတရု] အသေးစိတ် ပြောပြခဲ့ပြီပဲ” ဆိုပြီး အစည်းအဝေး နိဂုံးပိုင်းမှာ ယေရှုရဲ့ မိတူဖကွဲ​ညီ ယာကုပ် ပြောတယ်။ ဘယ်သူ့​နာမတော်​အကြောင်း ယာကုပ် ပြောနေတာလဲ။ “ကျန်ကြွင်းသူတွေ​က ငါ့​နာမည်နဲ့ မှည့်ခေါ်ထားတဲ့ လူမျိုးခြားတွေ​နဲ့​အတူ ယေဟောဝါကို အားတက်သရော ရှာဖွေ​ကြလိမ့်မယ်။ . . . [ဒါ] ယေဟောဝါ ပြောတဲ့​စကား​ပဲ” ဆိုတဲ့ ပရောဖက် အာမုတ်​စကားကို ယာကုပ် ကိုးကားပြီး ဆက်ပြောတယ်။ (တ. ၁၅:၁၄-၁၈) တပည့်သစ်တွေ​ဟာ ယေဟောဝါအကြောင်း သိ​လာမယ့်​အပြင် ‘ယေဟောဝါရဲ့​နာမည်နဲ့ မှည့်​ခေါ်’ ခံကြရမယ်။ ဆိုလိုတာက နာမတော်ကို သူတို့ ခံယူ​ကြရမယ်။ နာမတော် ခံယူ​ထား​သူ​တွေ​အဖြစ် သူတို့ကို လူတွေ သိ​ကြ​မယ်။

6-7. (a) Zisu pawcce laephi vaw lang yn thua? (b) Houh azicipaw akonglang tuh pawmou?

^၆ ယေရှု​နာမည်​အဓိပ္ပာယ်​က “ယေဟောဝါဟာ ကယ်တင်ခြင်း” ဖြစ်တယ်။ တကယ်လည်း ယေရှုဟာ ယုံကြည်သူတွေကို ကယ်တင်ဖို့ ယေဟောဝါ အသုံးပြုသူ ဖြစ်ခဲ့တယ်။ လူတွေ​အတွက် အသက်ပေးဖို့ ကမ္ဘာပေါ် လာတယ်။ (မ. ၂၀:၂၈) ယေရှု ရွေးဖိုး​ပေးတဲ့အတွက် လူတွေ ကယ်တင်ခံရဖို့၊ ထာဝရ​အသက် ရဖို့ လမ်းပွင့်သွားတယ်။—ယော. ၃:၁၆။

^၇ လူတွေ ဘာကြောင့် ကယ်တင်ခံရဖို့ လိုသလဲ။ ဧဒင်ဥယျာဉ်​က အဖြစ်အပျက်တွေ​ကြောင့်​ပါ။ ရှေ့ဆောင်းပါးမှာ သိခဲ့​ရတဲ့​အတိုင်း ယေဟောဝါကို ပထမ​လူသား အာဒံနဲ့ ဧဝ ပုန်ကန်​လို့ ထာဝစဉ် အသက်ရှင်​ခွင့် ဆုံးရှုံး​သွားတယ်။ (က. ၃:၆၊ ၂၄) ဒါကြောင့် အာဒံနဲ့ ဧဝ​ရဲ့ သားစဉ်မြေးဆက်​တွေ​ကို ကယ်တင်ဖို့ ယေရှု ကမ္ဘာပေါ် လာတာ။ ဒါပေမဲ့ ပိုအရေးကြီးတဲ့ အကြောင်းရင်း ရှိတယ်။ ဧဒင်ဥယျာဉ်မှာ​တုန်းက ယေဟောဝါရဲ့​နာမည် ရှုတ်ချ​ဂုဏ်ဖျက်​ခံခဲ့ရ​တာ သတိရပါ။ (က. ၃:၄၊ ၅) နာမတော် သန့်ရှင်း​မြင့်မြတ်ဖို့ သိပ်​လိုအပ်နေတယ်။ လူတွေ ကယ်တင်​ခံရ​ရုံနဲ့ နာမတော် သန့်ရှင်း​မြင့်မြတ်​မ​သွား​ဘူး။ နာမတော် သန့်ရှင်း​မြင့်မြတ်​သွား​ရင်​တော့ လူတွေ ကယ်တင်​ခံရပြီး​သား ဖြစ်မယ်။ ဒါကြောင့် နာမတော် သန့်ရှင်းမြင့်မြတ်စေဖို့​ဟာ ပိုအရေးကြီးတဲ့ အကြောင်းရင်း ဖြစ်တာ။ ယေရှုဟာ ယေဟောဝါရဲ့ ကိုယ်စားလှယ်၊ နာမတော် ခံယူ​ထား​သူ ဖြစ်လို့ ဒီ​အရေးကိစ္စမှာ အဓိက အခန်းကဏ္ဍ​ကနေ ပါဝင်တယ်။

8. Zisu a zynpaw miakaw nynh pawkhamou ny lang?

^၈ ဂျူး​ဖြစ်စေ၊ လူမျိုးခြား​ဖြစ်စေ ယေရှုကို ယုံကြည်သက်ဝင်သူတိုင်း​ဟာ ကယ်တင်ခြင်း​ရဲ့​ရင်းမြစ် ဖြစ်တဲ့ ယေရှုရဲ့​အဖ ယေဟောဝါကို အသိအမှတ်ပြု​ရမယ်။ (ယော. ၁၇:၃) ဒါ့အပြင် ယေရှုလိုပဲ သူတို့ ယေဟောဝါရဲ့​နာမည်နဲ့ မှည့်​ခေါ်​ခံရမယ်။ နာမတော် သန့်ရှင်း​မြင့်မြတ်ဖို့ ဘယ်လောက် အရေးကြီးကြောင်း​လည်း သဘောပေါက်​ရမယ်။ သူတို့ရဲ့ ကယ်တင်ခြင်း​ဟာ အဲဒီအချက်​အပေါ် မူတည်​နေတယ်။ (တ. ၂:၂၁၊ ၂၂) ယုံကြည်သူ​တိုင်း ယေဟောဝါကို​ကော ယေရှုကို​ပါ သိကျွမ်း​ရမယ်ဆိုတာ ရှင်းနေပါတယ်။ ဒါကြောင့်​လည်း “အဖရဲ့​နာမည်ကို သိအောင် သူတို့ကို ကျွန်တော် ပြောပြပါ​ပြီ။ နောင်လည်း ပြောပြ​ဦး​မှာ​ပါ။ ဒါမှ ကျွန်တော့်ကို ချစ်တဲ့ အဖရဲ့​မေတ္တာမျိုး​နဲ့ သူတစ်ပါးကို သူတို့ ချစ်​နိုင်​လိမ့်မယ်။ သူတို့နဲ့ ကျွန်တော် တစ်စိတ်တစ်ဝမ်းတည်း ဖြစ်လာလိမ့်မယ်” ဆိုပြီး ဆုတောင်းချက်ကို ယေရှု နိဂုံးချုပ်​ထားတာ။—ယော. ၁၇:၂၆။

“NANNING TUH KA CCAECCEI HAE”

9. Zisu zuitu miakaw nynh pawmou cyi lang?

^၉ သိခဲ့​ရတဲ့​အတိုင်း ယေရှုနောက်​လိုက်​အားလုံး နာမတော်ကို သန့်ရှင်း​မြင့်မြတ်​စေ​ရမယ်။ (မ. ၆:၉၊ ၁၀) နာမတော်ကို အရာရာ​ထက် အလေး​ထားရမယ်။ အလေးထားကြောင်း လုပ်ရပ်နဲ့ ပြရမယ်။ ဒါဆိုရင် နာမတော်ကို ဘယ်လို သန့်ရှင်း​မြင့်မြတ်​စေ​နိုင်သလဲ၊ စာတန့်​စွပ်စွဲချက်တွေ မှားကြောင်း ဘယ်လို သက်သေပြနိုင်သလဲ။

10. Isaiah alepaw 42 kyate 44 kya paw horynaw byapianaw kong mou a langsah? (Isaiah 43:9; 44:7-9) (Sahkhung kha do.)

^၁၀ နာမတော်ကို ဘယ်လို သန့်ရှင်း​မြင့်မြတ်​စေနိုင်​ကြောင်း ဟေရှာယ အခန်းကြီး ၄၂ ကနေ ၄၄ မှာ ဖော်ပြထားတယ်။ အဲဒီမှာ ပုံဆောင် တရားရေး အမှုကိစ္စ​တစ်ခု​အကြောင်း ဖတ်ရတယ်။ ကိုယ့်ကိုယ်ကိုယ် ဘုရားလို့ ပြောသူ​အားလုံးကို ဘုရားစစ် ဟုတ်မဟုတ် ယေဟောဝါ သက်သေထူ​ခိုင်းတယ်။ သက်သေတွေ ခေါ်လာ​ခိုင်းတယ်။ ဒါပေမဲ့ ဘယ်သူမှ သက်သေ မထွက်​ဆို​နိုင်​ဘူး။—ဟေရှာယ ၄၃:၉။ ၄၄:၇-၉ ကို ဖတ်ပါ။

11. Isaiah 43:10-12 kya a minphuing hae kha Zahova nynh paw a ci hae mou?

^၁၁ ဟေရှာယ ၄၃:၁၀-၁၂ ကို ဖတ်ပါ။ “မင်းတို့ဟာ ငါ့​သက်သေတွေပဲ။ ငါဟာ ဘုရားသခင်ပဲ” ဆိုပြီး မိမိလူမျိုးကို ယေဟောဝါ ပြောတယ်။ “ငါ​က​လွဲပြီး တခြား​ဘုရားသခင် ရှိသေး​သလား” လို့ မေးတယ်။ (ဟေရှာ. ၄၄:၈) အဲဒီ​မေးခွန်းကို ဖြေဖို့ ကျွန်တော်တို့ အခွင့်အရေး ရထားတယ်။ ယေဟောဝါက​လွဲပြီး စစ်မှန်တဲ့ ဘုရားသခင် မရှိကြောင်း၊ နာမတော်ဟာ အမြင့်မြတ်ဆုံး ဖြစ်ကြောင်း အပြောအဆို၊ လုပ်ရပ်​အားဖြင့် သက်သေထူ​ကြတယ်။ အခက်ကြုံ​အောင် စာတန် လုပ်ရင်​တောင် ယေဟောဝါကို တကယ် ချစ်တယ်၊ သစ္စာစောင့်သိ​တယ်​ဆိုတာ အသက်တာ​လမ်းစဉ်​အားဖြင့် သက်သေပြ​ကြတယ်။ ဒါ နာမတော်ကို သန့်ရှင်း​မြင့်မြတ်​စေ​တာ​ပဲ။

12. Isaiah 40:3, 5 kya-e hotypaw tuh pawtemou yn ccing?

^၁၂ “ယေဟောဝါ​ဘုရားရဲ့​လမ်းကို” စေတမန် ရှင်းလင်း​ပေးမယ့်​အကြောင်း၊ တစ်နည်းအားဖြင့် အသင့်ပြင်​ပေးမယ့်​အကြောင်း ဟေရှာယ ကြိုဟောတယ်။ (ဟေရှာ. ၄၀:၃) အဲဒီ​ကြိုဟောချက် ဘယ်လို ပြည့်စုံလာသလဲ။ ယေရှု သွား​မယ့်​လမ်းကို နှစ်ခြင်းပေးသူ ယောဟန် အသင့်ပြင်​ပေးတယ်။ ယေရှုဟာ ယေဟောဝါရဲ့​နာမည်နဲ့ ရောက်လာ​သူ၊ ပြောရေးဆိုခွင့်​ရှိသူ ဖြစ်လို့ ယေရှုရဲ့​လမ်းကို အသင့်ပြင်​ပေးတာ​ဟာ “ယေဟောဝါ​ဘုရားရဲ့​လမ်းကို” အသင့်ပြင်​ပေးသလို​ပါပဲ။ (မ. ၃:၃။ မာ. ၁:၂-၄။ လု. ၃:၃-၆) “ယေဟောဝါ​ဘုရားရဲ့ ဂုဏ်​ကျက်သရေ ထင်ရှား​မယ်” လို့လည်း ဟေရှာယ ကြိုဟောတယ်။ (ဟေရှာ. ၄၀:၅) အဲဒီ​ကြိုဟောချက်​ကော ဘယ်လို ပြည့်စုံလာသလဲ။ ယေရှု ကမ္ဘာပေါ် ရောက်လာတဲ့အခါ ယေဟောဝါကို အပြည့်အဝ အတုယူ​တဲ့အတွက် ယေဟောဝါ​ကိုယ်တိုင် ကမ္ဘာပေါ် ရောက်လာတဲ့​အလား ဖြစ်ခဲ့တယ်။ (ယော. ၁၂:၄၅) မိမိရဲ့ အပြောအဆို၊ လုပ်ရပ်​အားဖြင့် ယေဟောဝါ​အတွက် သက်သေ​ထွက်ဆို​ပေးသလို ဖြစ်ခဲ့တယ်။

13. Zisu kha pawtemou dosuinkuh kho lang?

^၁၃ နာမတော်ကို သန့်ရှင်း​မြင့်မြတ်စေခြင်း​အားဖြင့် ယေရှုကို အတုယူနိုင်တယ်။ ယေရှုလိုပဲ ကျွန်တော်တို့ဟာ ယေဟောဝါရဲ့​သက်သေတွေ ဖြစ်တယ်။ နာမတော်ကို ခံယူထားတယ်။ ယေဟောဝါရဲ့ အံ့ဖွယ်​လုပ်ဆောင်မှုတွေ​အကြောင်း တွေ့ဆုံ​သူ​တိုင်း​ကို ပြောပြတယ်။ ယေဟောဝါအကြောင်း ထိထိမိမိ သက်သေခံဖို့​ဆိုရင် နာမတော် သန့်ရှင်း​မြင့်မြတ်​ရေး​အတွက် ယေရှု လုပ်ဆောင်ခဲ့သမျှ​အကြောင်း ချန်ထား​လို့ မဖြစ်​ဘူး။ (တ. ၁:၈) ယေရှုဟာ ယေဟောဝါရဲ့ အရေးပါဆုံး သက်သေ ဖြစ်တယ်။ (ဗျာ. ၁:၅) နာမတော်ကို အလေးထားကြောင်း ကျွန်တော်တို့​တစ်ယောက်စီ တခြား​ဘယ်နည်းတွေနဲ့ ပြကြသလဲ။

MIN KHA ABAPI LANG NUNGNAW LANGSAHNAW ZIA CCANGPAW HAE

14. Sam 105:3 liate, Zahova min te asekuhte pawtemou ah ung oh?

^၁၄ နာမတော်​အတွက် ဂုဏ်ယူ​ကြတယ်။ (ဆာလံ ၁၀၅:၃ ကို ဖတ်ပါ။) နာမတော်​အတွက် ကျွန်တော်တို့ ဂုဏ်ယူ​ဝါကြွား​တဲ့အခါ ယေဟောဝါ နှစ်သက်တယ်။ (ယေ. ၉:၂၃၊ ၂၄။ ၁ ကော. ၁:၃၁။ ၂ ကော. ၁၀:၁၇) နာမတော်ကို ဂုဏ်တင်​ရတာ၊ နည်းလမ်းတော်​တွေ မှန်ကန်ကြောင်း သက်သေပြ​ရတာ အခွင့်ထူး​လို့ ကျွန်တော်တို့ သဘောထားတယ်။ ယေဟောဝါ​သက်သေ ဖြစ်တယ်ဆိုတာ အလုပ်ဖော်၊ အတန်းဖော်၊ အိမ်နီးချင်း၊ တခြားသူတွေကို ပြောပြဖို့ မရှက်​ရ​ဘူး။ စာတန်က ကျွန်တော်တို့ကို နာမတော်​အကြောင်း မပြောစေချင်​ဘူး။ (ယေ. ၁၁:၂၁။ ဗျာ. ၁၂:၁၇) စာတန်နဲ့ ပရောဖက်​အတုအယောင်​တွေ​က နာမတော်ကို လူတွေ မေ့သွား​အောင် လုပ်ချင်​နေကြတယ်။ (ယေ. ၂၃:၂၆၊ ၂၇) ဒါပေမဲ့ နာမတော်ကို ကျွန်တော်တို့ ချစ်မြတ်နိုးတဲ့အတွက် “တစ်နေ့လုံး” ချီးမွမ်းကြတယ်။—ဆာ. ၅:၁၁။ ၈၉:၁၆။

15. Min kha pawliate mou ah ko oh?

^၁၅ နာမတော်ကို အမြဲ ခေါ်ကြတယ်။ (ယောလ ၂:၃၂။ ရော. ၁၀:၁၃၊ ၁၄) နာမတော်ကို ခေါ်တယ်​ဆိုတာ ယေဟောဝါရဲ့​နာမည်ကို သိတာ၊ သုံးတာ​လောက်​ပဲ မဟုတ်ဘူး။ ခံစားချက်၊ အရည်အသွေးတွေ ရှိတဲ့ ပုဂ္ဂိုလ်​တစ်ပါး​အဖြစ် ယေဟောဝါကို ကျွန်တော်တို့ သိကျွမ်း​ကြတယ်၊ အားကိုးကြတယ်၊ အကူအညီနဲ့ လမ်းညွှန်မှု တောင်းခံ​ကြတယ်။ (ဆာ. ၂၀:၇။ ၉၉:၆။ ၁၁၆:၄။ ၁၄၅:၁၈) တခြားသူတွေကို နာမတော်၊ ဂုဏ်ရည်တော်​တွေ​အကြောင်း ပြောပြကြတယ်။ လူတွေ ဘဝလမ်းစဉ် ပြောင်းလဲ​ပြီး ယေဟောဝါရဲ့ နှစ်သက်မှု ရဖို့ ကူညီပေးကြတယ်။—ဟေရှာ. ၁၂:၄။ တ. ၂:၂၁၊ ၃၈။

16. Setan a sei cipaw kha pawtemou langsah kho lang?

^၁၆ နာမတော်​အတွက် လိုလိုလားလား ဆင်းရဲဒုက္ခခံ​ကြတယ်။ (ယာ. ၅:၁၀၊ ၁၁) ဆင်းရဲဒုက္ခခံ​ရချိန်မှာ​တောင် ယေဟောဝါကို သစ္စာစောင့်သိ​တာက စာတန် မှားကြောင်း သက်သေ​ပြရာရောက်တယ်။ “လူဟာ အသက်ဆက်ရှင်​ဖို့ ကိုယ်​ပိုင်ဆိုင်သမျှကို ပေးမှာပဲ” လို့ ယောဘ​ခေတ်မှာ စာတန် ပြောထားတယ်။ (ယောဘ ၂:၄) အခြေအနေ​ကောင်းမှ ယေဟောဝါကို လူတွေ ဝတ်ပြုမယ်၊ အခက်အခဲ ကြုံလာရင် စွန့်ခွာ​သွားမယ်လို့ စွပ်စွဲ​လိုက်တာပဲ။ စာတန့်​စွပ်စွဲချက် မှားကြောင်း သစ္စာရှိ ယောဘ သက်သေပြတယ်။ ကျွန်တော်တို့လည်း စာတန် ဘယ်လိုပဲ အခက်ကြုံ​အောင် လုပ်ပါ​စေ ယေဟောဝါကို မ​စွန့်ခွာ​ဘူး​ဆိုတာ သက်သေပြဖို့ အခွင့်အရေး ရှိတယ်။ နာမတော်ကို ထောက်ပြီး ယေဟောဝါ ကာကွယ်​စောင့်ရှောက်ပေးမယ်​ဆိုတာ အပြည့်အဝ စိတ်ချနိုင်ပါတယ်။—ယော. ၁၇:၁၁။

17. 1 Piter 2:12 liate min kha ccangpaw pawzia hae te mou phu-esah kho lang?

^၁၇ နာမတော်ကို ဂုဏ်တင်​ချီးမွမ်းစရာ ဖြစ်စေ​ကြတယ်။ (ပညာ. ၃၀:၉။ ယေ. ၇:၈-၁၁) နာမတော် ခံယူ​ထားလို့ ကျွန်တော်တို့​ကြောင့် နာမတော် ချီးမွမ်းစရာ ဖြစ်နိုင်​သလို ရှုတ်ချစရာ​လည်း ဖြစ်နိုင်တယ်။ (၁ ပေတရု ၂:၁၂ ကို ဖတ်ပါ။) ကျွန်တော်တို့ရဲ့ အပြောအဆို၊ လုပ်ရပ်ကြောင့် နာမတော် ချီးမွမ်းစရာ​ဖြစ်ဖို့ အစွမ်းကုန် ကြိုးစား​ချင်ကြပါတယ်။ ဒါဆိုရင် မစုံလင်သူတွေ ဖြစ်နေဆဲ​အချိန်မှာ​တောင် နာမတော်ကို ဂုဏ်တင်နိုင်​မယ်။

18. Min kha abapi lang nungkhona zia ccangpaw tuh pawmou? (Akaw lang-e ccaesanaw kha do.)

^၁၈ နာမတော်ကို ကိုယ့်​ဂုဏ်သတင်း​ထက် အလေးထားကြတယ်။ (ဆာ. ၁၃၈:၂) ဒါ ဘာကြောင့် အရေးကြီးသလဲ။ နာမတော်ကို အလေးထားလို့ ကိုယ့်​ဂုဏ်သတင်း ထိခိုက်တဲ့​အချိန်တွေ ရှိနိုင်တယ်။a ယေရှု​ဆိုရင် နာမတော်ကို ဂုဏ်တင်ဖို့ ရာဇဝတ်သား​အဖြစ် အရှက်တကွဲ လိုလိုလားလား အသေခံခဲ့တယ်။ “အရှက်ခွဲခံရတာကို အရေးမစိုက်” ဘူး။ ကိုယ့်ကို လူတွေ ဘယ်လို မြင်​မလဲ အလွန်အမင်း စိတ်မပူဘူး။ (ဟီ. ၁၂:၂-၄) အဖရဲ့​ဆန္ဒ​ကို​ပဲ အာရုံစိုက်တယ်။—မ. ၂၆:၃၉။

19. Min te asekuhte pawtemou na ung, pawcce?

^၁၉ နာမတော်​အတွက် ကျွန်တော်တို့ ဂုဏ်ယူ​ဝါကြွား​ကြတယ်။ ယေဟောဝါ​သက်သေလို့ အခေါ်ခံရ​တာ အခွင့်ထူး​လို့ သဘောထားကြတယ်။ တခြားသူတွေ အထင်သေး​လှောင်ပြောင်​ရင်တောင် ယေဟောဝါကို ဆက်​ချီးမွမ်းကြတယ်။ နာမတော်ကို ကိုယ့်​ဂုဏ်သတင်း​ထက် အလေးထားကြတယ်။ စာတန် ဘယ်လိုပဲ တားဆီး​ပါ​စေ နာမတော်ကို ဆက်​ချီးမွမ်းဖို့ ဆုံးဖြတ်ထား​ကြရအောင်။ ဒါဆိုရင် နာမတော်ကို ယေရှုခရစ် အလေးထား​သလို ကျွန်တော်တို့လည်း အလေးထားကြောင်း သက်သေပြ​နိုင်​ပါလိမ့်မယ်။